5James 5

1¶ Goan nau, yupela ol maniman, krai tru na singaut sori bilong tingim ol dispela hevi nogut bilong yupela i bai kam antap long yupela.Select James 5:1

2Ol mani samting bilong yupela i bagarap pinis, na ol klos bilong yupela ol bataplai bilong nait i kaikai pinis.Select James 5:2

3Ol gol na silva bilong yupela i bagarap long ros. Na ros bilong ol bai stap wanpela witnes i birua long yupela, na em bai kaikai bodi bilong yupela samting olsem em i paia. Yupela i bin hipim ol samting i dia tru wantaim bilong ol las de.Select James 5:3

4Lukim, pe bilong ol wokman husat i bin kamautim kaikai long ol bikpela gaden bilong yupela, dispela yupela i holim bek long pasin giaman, i singaut. Na ol singaut bilong ol husat i bin kamautim kaikai i go insait long tupela ia bilong Bikpela bilong sabaot.Select James 5:4

5Long dispela graun, yupela i bin stap laip insait long amamas, na bin raun nating nogut. Yupela i bin mekim ol bel bilong yupela i kisim strong, olsem long wanpela de bilong bikpela kilim i dai.Select James 5:5

6Yupela i bin sutim tok na kilim ol stretpela man. Na em i no sanap na birua long yupela.Select James 5:6

7Olsem na sanap strong long traim, ol brata, inap long kam bek bilong Bikpela. Lukim, man bilong lukautim gaden i wet long ol kaikai i dia tumas bilong dispela graun, na em i gat pasin bilong sanap strong longpela taim long traim bilong wetim dispela, inap long taim em i kisim ren bilong pastaim na ren bilong bihain.Select James 5:7

8Yupela tu mas sanap strong long traim. Strongim ol bel bilong yupela. Long wanem, kam bek bilong Bikpela i wok long kam klostu.Select James 5:8

9No ken gat tok wanpela i birua long narapela, ol brata, nogut yupela i lus long kot. Lukim, jas i sanap long ai bilong dua.Select James 5:9

10Kisim, ol brata bilong mi, ol profet, husat i bin toktok long nem bilong Bikpela, long wanpela piksa bilong karim pen long taim hevi, na bilong sanap strong long traim.Select James 5:10

11Lukim, yumi kaunim ol i amamas husat i stap strong yet long traim. Yupela i bin harim long pasin bilong Jop long sanap strong long traim, na yupela i bin lukim pinis bilong Bikpela, long Bikpela em i man bilong soim sori tru, na bilong sori i isi moa.Select James 5:11

12¶ Tasol antap long olgeta samting, ol brata bilong mi, no ken wokim strongpela promis, long heven, o long dispela graun, o long wanpela arapela strongpela promis. Tasol larim ol yes bilong yupela i stap yes, na ol nogat bilong yupela i stap nogat. Nogut yupela i pundaun long pe nogut bilong kot.Select James 5:12

13I gat wanpela namel long yupela i kisim hevi? Larim em beten. I gat wanpela i amamas? Larim em singim ol sam.Select James 5:13

14I gat wanpela i sik namel long yupela? Larim em singautim ol lapun hetman bilong sios. Na larim ol beten antap long em, taim ol i welim em wantaim wel long nem bilong Bikpela.Select James 5:14

15Na prea bilong bilip tru bai kisim bek sikman, na Bikpela bai kirapim em. Na sapos em i bin mekim ol sin, God bai lusim ol.Select James 5:15

16Autim ol asua bilong yupela wanpela i go long narapela, na beten wanpela bilong helpim narapela, inap long yupela i ken kamap orait gen. Strongpela prea tru i gat pawa bilong wanpela stretpela man bai helpim planti.Select James 5:16

17Ilaias em i wanpela man i stap aninit long ol wankain hevi olsem yumi stap, na em i beten strong long em i no ken ren. Na em i no ren long dispela graun long taim bilong tripela yia na sikispela mun.Select James 5:17

18Na em i beten gen, na heven i givim ren, na dispela graun i karim kaikai bilong em.Select James 5:18

19Ol brata, sapos wanpela bilong yupela i lusim rot bilong tok tru, na wanpela i senisim bilip bilong em,Select James 5:19

20Larim em save, long em husat i senisim bilip bilong sinman long paul bilong pasin bilong em bai kisim bek wanpela tewel long dai, na em bai haitim planti sin tru.Select James 5:20