5Ephesians 5

1¶ Olsem na yupela i mas stap ol man bilong bihainim God, olsem ol pikinini i dia.Select Ephesians 5:1

2Na wokabaut insait long pasin bilong laikim tru, olsem Kraist tu i bin laikim tru yumi, na em i bin givim em yet long helpim yumi, wanpela ofa na sakrifais i go long God bilong wanpela smel i gat switpela test.Select Ephesians 5:2

3¶ Tasol pasin pamuk, na olgeta pasin i no klin, o pasin mangal, no ken larim ol i kolim dispela wanpela taim namel long yupela, olsem em i gutpela long ol seint,Select Ephesians 5:3

4Na tu ol pasin doti tru, o ol kranki toktok, o pasin bilong wokim pani, dispela i no fit long ol seint. Tasol mobeta, givim tok tenkyu.Select Ephesians 5:4

5Long wanem, yupela i save long dispela, long i no gat pamuk man, o man i no klin, o man bilong mangal, husat i man bilong lotuim piksa bilong god giaman, husat i gat wanpela samting papa i givim pikinini insait long kingdom bilong Kraist na God.Select Ephesians 5:5

6No ken larim wanpela man giamanim yupela wantaim ol toktok nating. Long wanem, bilong tingim ol dispela samting belhat tru bilong God i kam antap long ol pikinini bilong sakim tok.Select Ephesians 5:6

7Olsem na yupela i no ken stap ol man bilong kisim hap wantaim ol.Select Ephesians 5:7

8Long wanem, sampela taim bipo yupela i stap long tudak, tasol nau yupela i stap lait insait long Bikpela. Wokabaut olsem ol pikinini bilong lait,Select Ephesians 5:8

9(Long wanem, kaikai bilong Spirit i stap insait long olgeta gutpela pasin na stretpela pasin na tok tru,)Select Ephesians 5:9

10Taim yupela i pruvim wanem samting i orait long ai bilong Bikpela.Select Ephesians 5:10

11Na no ken gat poroman pasin wantaim ol wok bilong tudak i no karim gutpela kaikai, tasol mobeta yumi krosim ol.Select Ephesians 5:11

12Long wanem, em i samting bilong sem, yes, long toktok long sait bilong ol dispela samting, dispela ol i mekim hait.Select Ephesians 5:12

13Tasol olgeta dispela samting yumi krosim i kamap ples klia long lait. Long wanem, wanem samting i mekim samting kamap ples klia em i lait.Select Ephesians 5:13

14Olsem na em i tok, Kirap, yu husat i slip, na kirap long dai, na Kraist bai givim yu lait.Select Ephesians 5:14

15Lukluk gut nau long yupela i wokabaut wantaim ai i op, i no olsem ol krankiman, tasol olsem saveman,Select Ephesians 5:15

16Taim yupela i baim bek taim, bilong wanem, ol de i nogut.Select Ephesians 5:16

17Olsem na yupela i no ken stap man i no gat save tru, tasol yupela i mas gat save long laik bilong Bikpela em i wanem.Select Ephesians 5:17

18Na no ken spak wantaim wain, we long en em i tumas, tasol stap pulap wantaim Spirit,Select Ephesians 5:18

19Taim yupela i toktok long yupela yet long ol sam na ol song bilong lotu na ol song long sait bilong spirit, taim yupela i singim song na wokim musik insait long bel bilong yupela i go long Bikpela.Select Ephesians 5:19

20Taim yupela i givim tok tenkyu olgeta taim long olgeta samting i go long God na Papa long nem bilong Bikpela bilong yumi Jisas Kraist,Select Ephesians 5:20

21¶ Taim yupela i putim yupela yet wanpela i aninit long narapela insait long pret long God.Select Ephesians 5:21

22Ol maritmeri, putim yupela yet aninit long ol man bilong yupela yet, olsem yupela i mekim i go long Bikpela.Select Ephesians 5:22

23Long wanem, maritman em i het bilong maritmeri, yes, olsem Kraist em i het bilong sios. Na em i man bilong kisim bek bodi.Select Ephesians 5:23

24Olsem na olsem sios i aninit long Kraist, olsem tasol larim ol maritmeri stap aninit long ol man bilong ol yet long olgeta wan wan samting.Select Ephesians 5:24

25Ol maritman, laikim tru ol meri bilong yupela, yes, olsem Kraist tu i laikim tru sios, na givim em yet bilong en,Select Ephesians 5:25

26Inap long em i ken mekim sios kamap holi na klinim dispela wantaim waswas bilong wara long wok bilong tok bilong God,Select Ephesians 5:26

27Inap long em i ken bringim dispela long em yet wanpela sios i gat glori, taim em i no gat mak, o hap i no stretpela tru, o wanpela kain samting, tasol long dispela i ken stap holi na i no gat mak nogut.Select Ephesians 5:27

28Olsem tasol ol man i mas laikim tru ol meri bilong ol olsem ol bodi bilong ol yet. em husat i laikim tru meri bilong em i laikim tru em yet.Select Ephesians 5:28

29Long wanem, i no gat yet wanpela man i bin hetim bodi bilong em yet. Tasol em i givim kaikai na laikim tru dispela, yes, olsem Bikpela i laikim tru sios.Select Ephesians 5:29

30Long wanem, yumi stap ol hap bilong bodi bilong em, bilong mit bilong em, na bilong ol bun bilong em.Select Ephesians 5:30

31Long dispela as man bai lusim papa na mama bilong em, na em bai pas wantaim meri bilong em, na tupela bai stap wanpela bodi.Select Ephesians 5:31

32Dispela em i wanpela bikpela samting hait. Tasol mi toktok long sait bilong Kraist na sios.Select Ephesians 5:32

33Tasol larim olgeta wan wan bilong yupela stret i ken laikim tru meri bilong em olsem, yes, olsem em yet. Na maritmeri i mas lukluk gut long em i givim biknem tru long man bilong em.Select Ephesians 5:33