6Ephesians 6

1¶ Ol pikinini, bihainim tok bilong papamama bilong yupela insait long Bikpela. Long wanem, dispela em i stretpela.Select Ephesians 6:1

2Givim ona long papa na mama bilong yu, (dispela em i namba wan tok strong wantaim promis,)Select Ephesians 6:2

3Inap long em i ken go gutpela long yu, na yu ken stap laip longpela taim long dispela graun.Select Ephesians 6:3

4Na, yupela ol papa, no ken skrapim bel bilong ol pikinini bilong yupela long belhat tru, tasol lukautim ol insait long lukaut na strongpela skul bilong Bikpela.Select Ephesians 6:4

5Ol wokboi, bihainim tok long ol husat i stap ol bosman bilong yupela bilong bihainim bodi sait, wantaim pret na guria, wantaim bel bilong yupela i gat wanpela tingting, olsem yupela i mekim i go long Kraist,Select Ephesians 6:5

6I no wantaim pasin bilong man i ken lukim, olsem ol man bilong amamasim bel bilong ol man, tasol olsem ol wokboi bilong Kraist, taim yupela i mekim laik bilong God i kam long bel.Select Ephesians 6:6

7Wantaim gutpela bel mekim wok, olsem yupela i mekim long Bikpela, na i no long ol man,Select Ephesians 6:7

8Taim yupela i save long wanem gutpela samting wanpela man i mekim, dispela wankain samting bai em i kisim long Bikpela, sapos em i slevman o friman.Select Ephesians 6:8

9Na, yupela ol bosman, mekim ol wankain samting long ol, taim yupela i stap isi long pasin bilong toktok long bagarapim ol, taim yupela i save long Bosman bilong yupela tu i stap long heven. Na tu i no gat pasin bilong tingim namba bilong ol man wantaim em.Select Ephesians 6:9

10¶ Na las, ol brata bilong mi, stap strong insait long Bikpela, na insait long pawa bilong strong bilong em.Select Ephesians 6:10

11Putim olgeta klos pait bilong God, inap long yupela i ken stap inap long sanap na birua long ol trik bilong Seten.Select Ephesians 6:11

12Long wanem, yumi no pait birua long bodi na blut, tasol yumi birua long ol hetman bilong gavman, birua long ol pawa, birua long ol hetman bilong tudak bilong dispela graun, birua long ol pasin nogut long sait bilong spirit long ol ples antap.Select Ephesians 6:12

13Olsem na kisim i go long yupela olgeta klos pait bilong God, inap long yupela i ken stap inap long sanap strong na birua long dispela de nogut, na taim yupela i bin mekim olgeta samting, long sanap.Select Ephesians 6:13

14Olsem na sanap, taim ol namel bilong bel bilong yupela i pas nabaut wantaim tok tru, na taim yupela i gat klos pait bilong bros bilong stretpela pasin,Select Ephesians 6:14

15Na ol fut bilong yupela i redi wantaim su bilong gutnius bilong bel isi.Select Ephesians 6:15

16Na antap long olgeta, kisim plang bilong bilip tru, we wantaim dispela yupela bai stap inap long kilim i dai olgeta liklik spia paia bilong dispela man nogut.Select Ephesians 6:16

17Na kisim hat ain bilong kisim bek, na bainat bilong Spirit, dispela em i tok bilong God,Select Ephesians 6:17

18Taim yupela i beten olgeta taim wantaim olgeta prea na autim askim insait long Spirit, na was long en wantaim olgeta pasin bilong stap strong yet na autim askim bilong helpim olgeta seint,Select Ephesians 6:18

19¶ Na long mi, inap long pasin bilong toktok God i ken givim long mi, inap long mi ken opim maus bilong mi wantaim pasin bilong i no pret, long mekim ol man long save long samting hait bilong gutnius,Select Ephesians 6:19

20Bilong dispela mi stap wanpela mausman bilong gavman insait long ol kalabus, inap long insait long en mi ken toktok wantaim pasin bilong i no pret, olsem mi mas toktok.Select Ephesians 6:20

21Tasol inap long yupela tu i ken save long ol samting bilong mi, na long mi stap olsem wanem, Tikikas, wanpela brata i stap klostu tru long bel na wanpela wokman insait long Bikpela yu inap bilip long em, bai mekim yupela long save long olgeta samting,Select Ephesians 6:21

22Husat mi bin salim long yupela bilong dispela as stret, inap long yupela i ken save long ol samting bilong mipela, na long em i ken givim bel isi long ol bel bilong yupela.Select Ephesians 6:22

23Bel isi i ken stap long ol brata, na laikim tru wantaim bilip tru, i kam long God Papa na Bikpela Jisas Kraist.Select Ephesians 6:23

24Marimari i ken stap wantaim ol olgeta husat i laikim tru Bikpela bilong yumi Jisas Kraist wantaim trupela bel. Amen.Select Ephesians 6:24