2Ezekiel 2

1¶ Na Em i tokim mi, Pikinini man bilong man, sanap long tupela lek bilong yu, na Mi bai toktok long yu.Select Ezekiel 2:1

2Na spirit i kam insait long mi taim Em i toktok long mi, na sanapim mi long tupela lek bilong mi, inap long mi harim Em husat i toktok long mi.Select Ezekiel 2:2

3Na Em i tokim mi, Pikinini man bilong man, Mi salim yu i go long ol pikinini bilong Isrel, long wanpela bikhet kantri husat i bin bikhet i birua long Mi. Ol na ol tumbuna papa bilong ol i bin kalapim lo i birua long Mi, yes, i kam inap long dispela de stret.Select Ezekiel 2:3

4Long wanem, ol i stap ol pikinini i no gat sem na bel bilong ol i strong. Mi salim yu i go long ol. Na yu bai tokim ol, GOD Bikpela i tok olsem.Select Ezekiel 2:4

5Na ol, sapos ol i laik harim, o sapos ol i laik pasim bel, (long wanem, ol i wanpela bikhet hauslain,) yet ol bai save long i gat wanpela profet i bin stap namel long ol.Select Ezekiel 2:5

6¶ Na yu, pikinini man bilong man, no ken pret long ol, o pret long ol toktok bilong ol, maski ol rop i gat nil na ol nil i stap wantaim yu, na yu stap namel long ol skopien. No ken pret long ol toktok bilong ol, o wari planti long ol pes bilong ol, maski ol i stap wanpela bikhet hauslain.Select Ezekiel 2:6

7Na yu bai tokim ol long ol toktok bilong Mi, sapos ol i laik harim o sapos ol i laik pasim bel. Long wanem, ol i bikhet moa yet.Select Ezekiel 2:7

8Tasol yu, pikinini man bilong man, harim wanem samting Mi tokim yu. Yu no ken bikhet olsem dispela bikhet hauslain. Opim maus bilong yu, na kaikai dispela samting Mi givim yu.Select Ezekiel 2:8

9Na taim mi lukluk, lukim, wanpela i salim wanpela han i kam long mi. Na, harim, wanpela rol bilong wanpela buk i stap insait long en.Select Ezekiel 2:9

10Na em i opim dispela long ai bilong mi. Na rait i stap insait long en na ausait long en. Na insait long en ol i raitim ol krai sori, na soim sori, na tok lukaut.Select Ezekiel 2:10