9Esther 9

1¶ Nau long namba 12 mun, em i olsem, mun Adar, long namba 13 de bilong en stret, taim tok strong bilong king na strongpela tokaut bilong em i wok long kam klostu long ol i mekim i kamap, long de long ol birua bilong ol Ju i gat hop long ol bai gat pawa antap long ol, (maski em i tanim i kamap narakain, long ol Ju i gat pawa long bosim ol lain husat i hetim ol,)Select Esther 9:1

2Ol Ju i bungim ol yet wantaim insait long ol biktaun bilong ol long olgeta hap bilong olgeta provins bilong king Ahasuerus, long putim han antap long kain lain husat i painim rot bilong givim pen long ol. Na i no gat man husat i inap long sanap strong na birua long ol. Long wanem, pret bilong ol i pundaun antap long olgeta manmeri.Select Esther 9:2

3Na olgeta hetman bilong ol provins, na ol namba tu hetman, na ol tultul, na ol ofisa bilong king, i helpim ol Ju. Bilong wanem, pret bilong Mordekai i pundaun antap long ol.Select Esther 9:3

4Long wanem, Mordekai em i bikman insait long haus bilong king, na biknem tru bilong em i go ausait i go long olgeta hap bilong olgeta provins. Long wanem, dispela man Mordekai i wok long kamap bikpela na bikpela moa.Select Esther 9:4

5Olsem tasol ol Ju i paitim olgeta birua bilong ol wantaim paitim bilong bainat, na bikpela kilim i dai, na bagarap olgeta, na mekim wanem samting ol i gat laik i go long ol husat i hetim ol.Select Esther 9:5

6Na long haus king Susan ol Ju i bin kilim i dai na bagarapim olgeta 500 man.Select Esther 9:6

7Na Parsandata, na Dalfon, na Aspata,Select Esther 9:7

8Na Porata, na Adalia, na Aridata,Select Esther 9:8

9Na Parmasta, na Arisai, na Aridai, na Vajesata,Select Esther 9:9

10Tenpela pikinini man bilong Haman, pikinini man bilong Hamedata, birua bilong ol Ju, ol i kilim i dai. Tasol long ol kago bilong pait ol i no putim han bilong ol.Select Esther 9:10

11Long dispela de namba bilong ol husat ol i kilim i dai long haus king Susan ol i bringim long ai bilong king.Select Esther 9:11

12Na king i tokim kwin Esta, Ol Ju i bin kilim i dai na bagarapim olgeta 500 man long haus king Susan, na tenpela pikinini man bilong Haman. Ol i bin mekim wanem long olgeta arapela hap bilong ol provins bilong king? Nau strongpela askim bilong yu em i wanem? Na mi bai oraitim long yu. O, askim moa bilong yu em i wanem? Na dispela ol bai mekim.Select Esther 9:12

13Nau Esta i tok, Sapos em i amamasim bel bilong king, larim em oraitim ol Ju husat i stap long Susan bilong mekim tumora tu bilong bihainim dispela strongpela tokaut bilong tude, na larim ol i hangamapim tenpela pikinini man bilong Haman long ples bilong hangamapim man.Select Esther 9:13

14Na king i tok strong olsem dispela i mas kamap. Na ol i givim dispela strongpela tokaut long Susan. Na ol i hangamapim tenpela pikinini man bilong Haman.Select Esther 9:14

15Long wanem, ol Ju husat i stap long Susan i bungim ol yet wantaim long namba 14 de tu bilong mun Adar, na kilim i dai 300 man long Susan. Tasol long ol prais bilong pait ol i no putim han bilong ol.Select Esther 9:15

16Tasol ol arapela Ju, husat i stap long ol provins bilong king, i bungim ol yet wantaim, na sanap bilong lukautim ol laip bilong ol, na i gat malolo long ol birua bilong ol, na kilim i dai bilong ol birua bilong ol 75,000. Tasol ol i no putim ol han bilong ol long ol prais bilong pait,Select Esther 9:16

17Long namba 13 de bilong mun Adar. Na long namba 14 de bilong en stret ol i malolo, na makim dispela wanpela de bilong bikpela kaikai na amamas.Select Esther 9:17

18Tasol ol Ju husat i stap long Susan i bung wantaim long namba 13 de bilong en, na long namba 14 bilong en. Na long namba 15 de bilong en stret ol i malolo, na makim dispela wanpela de bilong bikpela kaikai na amamas.Select Esther 9:18

19Olsem na ol Ju bilong ol vilis, husat i stap long ol taun i no gat banis, i mekim namba 14 de bilong mun Adar wanpela de bilong amamas na bikpela kaikai, na wanpela gutpela de, na bilong salim ol hap skel wanpela i go long narapela.Select Esther 9:19

20¶ Na Mordekai i raitim ol dispela samting, na salim ol pas i go long olgeta Ju husat i stap long olgeta provins bilong king Ahasuerus, klostu na longwe wantaim,Select Esther 9:20

21Long makim strong dispela namel long ol, inap long ol mas holimpas namba 14 de bilong mun Adar, na namba 15 de bilong en stret, olgeta wan wan yia,Select Esther 9:21

22Olsem ol de we ol Ju i malolo insait long ol long ol birua bilong ol, na long dispela mun i tanim long ol long lusim bel hevi i kamap amamas tru, na i lusim soim sori i kamap wanpela gutpela de. Ol i makim inap long ol i ken makim ol ol de bilong bikpela kaikai na amamas tru, na bilong salim ol hap skel wanpela i go long narapela, na ol presen long ol rabisman.Select Esther 9:22

23Na ol Ju i mekim pinis olsem ol i bin stat long mekim, na olsem Mordekai i bin raitim i go long ol.Select Esther 9:23

24Bilong wanem, Haman, pikinini man bilong Hamedata, man Egak, birua bilong olgeta Ju, i bin kamapim plen i birua long ol Ju bilong bagarapim ol olgeta. Na em i bin tromoi Pur, em i olsem, dispela satu, bilong kaikai ol olgeta, na bilong bagarapim ol olgeta.Select Esther 9:24

25Tasol taim Esta i kam long ai bilong king, em i tok strong long ol pas long plen nogut bilong em, dispela em kamapim plen long en i birua bilong ol Ju, i ken kam bek antap long het bilong em yet, na long em na ol pikinini man bilong em i ken hangamap long ples bilong hangamapim man.Select Esther 9:25

26Olsem na ol i kolim nem bilong ol dispela de Purim bilong bihainim nem Pur. Olsem na olgeta toktok bilong dispela pas, na bilong dispela samting ol i bin lukim long sait bilong dispela samting, na dispela i bin kam antap long ol,Select Esther 9:26

27Ol Ju i makim, na kisim antap long ol, na antap long tumbuna pikinini bilong ol, na antap long olgeta kain husat husat i bungim ol yet i go long ol, inap long em i no ken fel, long ol i ken holimpas dispela tupela de bilong bihainim ol rait bilong ol, na bilong bihainim taim ol i makim bilong ol olgeta wan wan yia.Select Esther 9:27

28Na long ol i ken holim tingim long ol dispela de na holimpas ol i go long olgeta wan wan lain tumbuna, olgeta wan wan famili, na olgeta wan wan provins, na olgeta wan wan biktaun, na long ol dispela de bilong Purim i no ken fel namel long ol Ju, o samting bilong holim tingting long ol i no inap i dai olgeta long tumbuna pikinini bilong ol.Select Esther 9:28

29Nau kwin Esta, pikinini meri bilong Abihail, na Ju Mordekai, i rait wantaim olgeta namba, bilong tok yes long dispela namba tu pas bilong Purim.Select Esther 9:29

30Na em i salim ol pas i go long olgeta Ju, long dispela 127 provins bilong kingdom bilong Ahasuerus, wantaim ol toktok bilong bel isi na tok i tru,Select Esther 9:30

31Bilong tok yes long ol dispela de bilong Purim long ol taim ol i makim bilong ol, bilong bihainim olsem Ju Mordekai na kwin Esta i bin tok strong long ol, na olsem ol i bin givim strongpela tokaut bilong ol yet na bilong tumbuna pikinini bilong ol, bilong ol samting bilong tambuim kaikai na krai bilong ol.Select Esther 9:31

32Na strongpela tokaut bilong Esta i tok yes long ol dispela samting bilong Purim. Na ol i raitim dispela long buk.Select Esther 9:32