18Joshua 18

1¶ Na olgeta bung bilong ol manmeri bilong ol pikinini bilong Isrel i bung wantaim long Sailo, na sanapim haus sel holi bilong bung bilong ol manmeri long dispela hap. Na dispela hap i stap aninit long ol.Select Joshua 18:1

2¶ Na i stap yet namel long ol pikinini bilong Isrel sevenpela lain, husat i no bin kisim yet ol samting papa i givim pikinini bilong ol.Select Joshua 18:2

3Na Josua i tokim ol pikinini bilong Isrel, Yupela bai stap slek inap long wanem taim long go long holimpas dispela hap, dispela BIKPELA, God bilong ol tumbuna papa bilong yupela, i bin givim yupela?Select Joshua 18:3

4Givim i kam ausait long namel long yupela tripela man bilong olgeta wan wan lain. Na mi bai salim ol, na ol bai kirap, na go namel long dispela hap, na kolim sindaun bilong en bilong bihainim ol samting papa i givim pikinini bilong ol. Na ol bai kam bek gen long mi.Select Joshua 18:4

5Na ol bai brukim dispela long sevenpela hap. Juda bai stap long ol hap arere bilong ol long hap saut, na hauslain bilong Josep bai stap long ol hap arere bilong ol long hap not.Select Joshua 18:5

6Olsem na yupela bai kolim sindaun bilong dispela hap i go long sevenpela hap, na bringim dispela kolim bilong sindaun hia long mi, inap long mi ken tromoi satu bilong yupela hia long ai bilong BIKPELA, God bilong yumi.Select Joshua 18:6

7Tasol ol lain Livai i no gat hap namel long yupela. Long wanem, wok pris bilong BIKPELA em i samting papa i givim pikinini bilong ol. Na Gat, na Ruben, na hap lain bilong Manasa, i bin kisim samting papa i givim pikinini bilong ol long hapsait long Jordan long hap is, dispela Moses, wokboi bilong BIKPELA, i givim ol pinis.Select Joshua 18:7

8Na ol man i kirap, na lusim hap i go. Na Josua i givim wok long ol husat i go long kolim sindaun bilong dispela hap, i spik, Go na wokabaut namel long dispela hap, na kolim sindaun bilong en, na kam long mi gen, inap long mi ken tromoi satu bilong yupela long ai bilong BIKPELA long Sailo.Select Joshua 18:8

9Na ol man i go na wokabaut namel long dispela hap, na kolim sindaun bilong en long ol wan wan biktaun i go long sevenpela hap long wanpela buk. Na ol i kam gen long Josua long ami i stap long Sailo.Select Joshua 18:9

10Na Josua i tromoi satu bilong ol long Sailo long ai bilong BIKPELA. Na long dispela hap Josua i brukim dispela hap i go long ol pikinini bilong Isrel bilong bihainim ol bruk bilong ol.Select Joshua 18:10

11¶ Na hap satu bilong lain bilong ol pikinini bilong Benjamin i kamap bilong bihainim ol famili bilong ol. Na hap arere bilong hap satu bilong ol i kam ausait namel long ol pikinini bilong Juda na ol pikinini bilong Josep.Select Joshua 18:11

12Na hap arere bilong ol long sait bilong hap not em i stat long Jordan. Na hap arere i go antap long sait bilong Jeriko long sait bilong hap not, na i go antap namel long ol maunten i go long hap wes. Na ol hap i go ausait bilong en i stap long ples i no gat man bilong Bet-aven.Select Joshua 18:12

13Na hap arere i lusim dispela ples i go hapsait i go long Lus, i go long sait bilong Lus, dispela em i Betel, i go long hap saut. Na hap arere i go daun long Atarot-adar, klostu long dispela liklik maunten i slip long hap saut bilong Bet-horon daunbilo.Select Joshua 18:13

14Na hap arere i lain long dispela ples, na raunim kona bilong biksi i go long hap saut, i lusim dispela liklik maunten i slip long ai bilong Bet-horon i go long hap saut. Na ol hap i go ausait bilong en i stap long Kiriat-beal, dispela em i Kiriat-jerim, wanpela biktaun bilong ol pikinini bilong Juda. Dispela em i hap i stap long hap wes.Select Joshua 18:14

15Na hap saut hap em i stat long pinis bilong Kiriat-jerim, na hap arere i go ausait long hap wes, na i go ausait i go long hul wara bilong ol wara bilong Neptoa.Select Joshua 18:15

16Na hap arere i kam daun long pinis bilong dispela maunten i slip long ai bilong ples daun bilong pikinini man bilong Hinom, na dispela em i stap long ples daun bilong ol traipela man long hap not, na i go daun long ples daun bilong Hinom, i go long sait bilong Jebusi long hap saut, na i go daun long En-rogel,Select Joshua 18:16

17Na em i lain i stat long hap not, na i go ausait i go long En-semes, na i go ausait i go long Gelilot, dispela i pas klostu long hap i go antap bilong Adumim, na i go daun long ston bilong Bohan, pikinini man bilong Ruben,Select Joshua 18:17

18Na i ran i go long sait i pas klostu long Araba i go long hap not, na i go daun long Araba.Select Joshua 18:18

19Na hap arere i ran i go long sait bilong Bet-hokla i go long hap not. Na ol hap i go ausait bilong dispela hap arere i stap long wara i op long hap not bilong biksi sol long pinis bilong Jordan long hap saut. Dispela em i hap arere long hap saut.Select Joshua 18:19

20Na Jordan em i hap arere bilong en long is sait. Dispela em i samting papa i givim pikinini bilong ol pikinini bilong Benjamin, long ol hap arere bilong en raun nabaut, bilong bihainim ol famili bilong ol.Select Joshua 18:20

21Nau ol biktaun bilong lain bilong ol pikinini bilong Benjamin bilong bihainim ol famili bilong ol, em Jeriko, na Bet-hokla, na ples daun bilong Kesis,Select Joshua 18:21

22Na Bet-araba, na Semaraim, na Betel,Select Joshua 18:22

23Na Avim, na Para, na Ofra,Select Joshua 18:23

24Na Kefar-heamoni, na Ofni, na Gaba, twelpela biktaun wantaim ol vilis bilong ol,Select Joshua 18:24

25Gibion, na Rama, na Berot,Select Joshua 18:25

26Na Mispa, na Kefira, na Mosa,Select Joshua 18:26

27Na Rekem, na Irpel, na Tarala,Select Joshua 18:27

28Na Sela, Elef, na Jebusi, dispela em Jerusalem, Gibeat, na Kiriat, 14 biktaun wantaim ol vilis bilong bilong ol. Dispela em i samting papa i givim pikinini bilong ol pikinini bilong Benjamin bilong bihainim ol famili bilong ol.Select Joshua 18:28