182 Chronicles 18

1¶ Nau Jehosafat i gat planti mani samting na ona i planti moa yet, na em i pas klostu long Ehap wantaim poromanim kontrak.Select 2 Chronicles 18:1

2Na bihain long sampela yia em i go daun long Ehap long Samaria. Na Ehap i kilim ol sipsip na ol bulmakau man long em i planti moa yet, na long ol manmeri husat em i gat wantaim em, na Ehap i pulim tingting bilong em long go wantaim em long Ramot-gileat.Select 2 Chronicles 18:2

3Na Ehap, king bilong Isrel, i tokim Jehosafat, king bilong Juda, Yu gat laik long go wantaim mi long Ramot-gileat? Na em i bekim tok long em, Mi stap olsem yu stap, na ol manmeri bilong mi olsem ol manmeri bilong yu. Na mipela bai stap wantaim yu long dispela bikpela pait.Select 2 Chronicles 18:3

4¶ Na Jehosafat i tokim king bilong Isrel, Askim, mi askim yu plis, long tok bilong BIKPELA tude.Select 2 Chronicles 18:4

5Olsem na king bilong Isrel i bungim wantaim, bilong ol profet, 400 man, na tokim ol, Bai mipela i go antap long Ramot-gileat bilong pait, o bai mi stap isi? Na ol i tok, Go antap. Long wanem, God bai givim dispela i go long han bilong king.Select 2 Chronicles 18:5

6Tasol Jehosafat i tok, Ating i yes long i gat wanpela profet hia bilong BIKPELA tu, inap long yumi ken askim long em?Select 2 Chronicles 18:6

7Na king bilong Isrel i tokim Jehosafat, I gat yet wanpela man, long husat yumi ken askim long BIKPELA. Tasol mi hetim em. Long wanem, em i no save autim wanpela tok profet i gutpela i go long mi, tasol olgeta taim ol samting i nogut. Dispela man stret em Mikea, pikinini man bilong Imla. Na Jehosafat i tok, No ken larim king i tok olsem.Select 2 Chronicles 18:7

8Na king bilong Isrel i singautim wanpela bilong ol ofisa bilong em, na tok, Go kwiktaim na kisim Mikea, pikinini man bilong Imla.Select 2 Chronicles 18:8

9Na king bilong Isrel na Jehosafat, king bilong Juda, i sindaun tupela wan wan antap long sia king bilong em, na werim ol longpela saket bilong ol, na ol i sindaun long wanpela ples i stap nating olgeta long ai bilong dua bilong banis bilong Samaria. Na olgeta profet i autim tok profet long ai bilong ol.Select 2 Chronicles 18:9

10Na Sedekaia, pikinini man bilong Keneana, i bin wokim long em ol kom bilong ain, na tok, BIKPELA i tok olsem, Wantaim ol dispela bai yu ranim Siria inap long yu kaikai ol olgeta.Select 2 Chronicles 18:10

11Na olgeta profet i autim tok profet olsem, i spik, Go antap long Ramot-gileat, na kamap gutpela. Long wanem, BIKPELA bai givim dispela i go long han bilong king.Select 2 Chronicles 18:11

12Na dispela mausman husat i go bilong singautim Mikea i toktok i go long em, i spik, Lukim, ol toktok bilong ol profet i tokaut gutpela long king wantaim wanpela bel. Olsem na, larim tok bilong yu, mi askim yu plis, stap wankain olsem wanpela bilong ol, na yu toktok gutpela.Select 2 Chronicles 18:12

13Na Mikea i tok, Olsem BIKPELA i stap laip, yes, wanem samting God bilong mi i toktok, dispela bai mi toktok.Select 2 Chronicles 18:13

14Na taim em i kam long king, king i tokim em, Mikea, bai mipela go long Ramot-gileat long pait, o bai mi stap isi? Na em i tok, Yupela go antap, na kamap gutpela, na God bai givim ol i go long han bilong yupela.Select 2 Chronicles 18:14

15Na king i tokim em, Hamas taim bai mi tok strong long yu long yu no ken tok wanpela samting, tasol yu mas tok tru long mi long nem bilong BIKPELA?Select 2 Chronicles 18:15

16Nau em i tok, Mi bin lukim olgeta Isrel i bruk nabaut antap long ol maunten, olsem ol sipsip husat i no gat wasman bilong sipsip. Na BIKPELA i tok, Ol dispela i no gat bikman. Olsem na, larim ol i go bek, olgeta wan wan man, long haus bilong em wantaim bel isi.Select 2 Chronicles 18:16

17Na king bilong Isrel i tokim Jehosafat, Ating i yes long mi tokim yu long em bai i no inap autim tok profet long mi i gutpela, tasol samting i nogut?Select 2 Chronicles 18:17

18Na gen em i tok, Olsem na harim tok bilong BIKPELA. Mi lukim BIKPELA i sindaun antap long sia king bilong Em, na olgeta ami bilong heven i sanap long han sut bilong Em na long han kais.Select 2 Chronicles 18:18

19Na BIKPELA i tok, Husat bai grisim Ehap, king bilong Isrel, inap long em i ken go antap na pundaun long Ramot-gileat? Na wanpela i tok i spik i bihainim dispela kain pasin, na narapela i spik i bihainim dispela kain pasin.Select 2 Chronicles 18:19

20Nau wanpela spirit i kam ausait, na sanap long ai bilong BIKPELA, na tok, Mi bai grisim em. Na BIKPELA i tokim em, Wantaim wanem samting?Select 2 Chronicles 18:20

21Na em i tok, Mi bai go ausait, na stap wanpela spirit bilong giaman long maus bilong olgeta profet bilong em. Na BIKPELA i tok, Yu bai grisim em, na yu bai win tu. Go ausait, na yes, mekim olsem.Select 2 Chronicles 18:21

22Olsem na nau, lukim, BIKPELA i bin putim wanpela spirit bilong giaman long maus bilong ol dispela, ol profet bilong yu, na BIKPELA i bin toktok nogut i birua long yu.Select 2 Chronicles 18:22

23Nau Sedekaia, pikinini man bilong Keneana, i kam klostu, na paitim Mikea antap long wasket, na tok, Spirit bilong BIKPELA i lusim mi i go long wanem rot bilong toktok i go long yu?Select 2 Chronicles 18:23

24Na Mikea i tok, Lukim, yu bai lukim long dispela de, taim yu bai go insait long wanpela rum insait bilong haitim yu yet.Select 2 Chronicles 18:24

25Nau king bilong Isrel i tok, Yupela kisim Mikea, na karim em i go bek long Amon, nambawan gavman bilong biktaun, na long Joas, pikinini man bilong king.Select 2 Chronicles 18:25

26Na tok, King i tok olsem, Putim dispela man long kalabus, na givim kaikai long em wantaim bret bilong kisim hevi na wantaim wara bilong kisim hevi, inap long mi kam bek wantaim bel isi.Select 2 Chronicles 18:26

27Na Mikea i tok, Sapos yu kam bek tru tru wantaim bel isi, orait BIKPELA i no bin toktok long maus bilong mi. Na em i tok, Harim, yupela olgeta manmeri.Select 2 Chronicles 18:27

28¶ Olsem na king bilong Isrel na Jehosafat, king bilong Juda, i go antap long Ramot-gileat.Select 2 Chronicles 18:28

29Na king bilong Isrel i tokim Jehosafat, Mi bai senisim pes bilong mi yet, na mi bai go long pait. Tasol yu mas putim ol longpela saket bilong yu. Olsem na king bilong Isrel i senisim pes bilong em. Na ol i go insait long pait.Select 2 Chronicles 18:29

30Nau king bilong Siria i bin tok strong long ol kepten bilong ol karis husat i stap wantaim em, i spik, Yupela i no ken pait wantaim man nating o bikman, long dispela tasol, wantaim king bilong Isrel.Select 2 Chronicles 18:30

31Na em i kamap olsem, taim ol kepten bilong ol karis i lukim Jehosafat, long ol i tok, Em i king bilong Isrel. Olsem na ol i raunim em nabaut bilong pait. Tasol Jehosafat i singaut, na BIKPELA i helpim em. Na God i kirapim ol long lusim em.Select 2 Chronicles 18:31

32Long wanem, em i kamap olsem, long, taim ol kepten bilong ol karis i kisim save long em i no king bilong Isrel, ol i tanim i go bek gen na lusim wok bilong ran bihainim em.Select 2 Chronicles 18:32

33Na wanpela man stret i taitim banara long sans tasol, na paitim king bilong Isrel namel long ol ples bung bilong klos pait. Olsem na em i tokim man bilong em bilong ranim karis, Tanim han bilong yu, inap long yu ken karim mi ausait long ami. Long wanem, mi kisim bagarap.Select 2 Chronicles 18:33

34Na dispela pait i kamap bikpela moa long dispela de. Tasol king bilong Isrel i pasim em yet antap insait long karis bilong em i birua long ol lain Siria i go inap long apinun tru. Na klostu long taim bilong san i go daun em i dai pinis.Select 2 Chronicles 18:34