181 Kings 18

1¶ Na em i kamap olsem bihain long planti de, long tok bilong BIKPELA i kam long Ilaija long namba tri yia, i spik, Go, soim yu yet long Ehap. Na Mi bai salim ren antap long dispela graun.Select 1 Kings 18:1

2Na Ilaija i go bilong soim em yet long Ehap. Na i gat wanpela taim hangre i strong tru long Samaria.Select 1 Kings 18:2

3Na Ehap i singautim Obadaia, husat i nambawan gavman bilong haus bilong em. (Nau Obadaia i pret long BIKPELA planti.Select 1 Kings 18:3

4Long wanem, em i stap olsem, taim Jesebel i rausim olgeta ol profet bilong BIKPELA, long Obadaia i kisim 100 profet, na haitim ol long 50 50 insait long wanpela hul i go insait long maunten, na givim kaikai long ol wantaim bret na wara.)Select 1 Kings 18:4

5Na Ehap i tokim Obadaia, Go insait long dispela hap, long olgeta ai bilong wara i sut, na long olgeta liklik wara, sapos i gat sans long yumi ken painim sampela gras bilong kisim bek ol hos na ol miul bilong stap laip, inap long olgeta dispela animal i no lus long yumi.Select 1 Kings 18:5

6Olsem na tupela i brukim dispela hap namel long ol yet long go wokabaut namel long en. Ehap i bihainim wanpela rot long em yet, na Obadaia i bihainim narapela long rot em yet.Select 1 Kings 18:6

7Na taim Obadaia i stap long rot, lukim, Ilaija i bungim em. Na em i save long em, na pundaun long pes bilong em, na tok, Ating yu dispela bikman bilong mi Ilaija, a?Select 1 Kings 18:7

8Na em i bekim tok long em, Mi stap. Go, tokim bikman bilong yu, Lukim, Ilaija i stap hia.Select 1 Kings 18:8

9Na em i tok, Mi bin mekim wanem sin, inap long yu gat laik long givim wokboi bilong yu long han bilong Ehap, long kilim mi i dai?Select 1 Kings 18:9

10Olsem BIKPELA, God bilong yu, i stap laip, i no gat wanpela kantri o kingdom we bikman bilong mi i no bin salim tok long painim yu. Na taim ol i tok, Em i no stap long hap, em i kisim wanpela strongpela promis long dispela kingdom na kantri, long ol i no lukim yu.Select 1 Kings 18:10

11Na nau yu tok, Go, tokim bikman bilong yu, Lukim, Ilaija i stap hia.Select 1 Kings 18:11

12Na em bai kamap olsem, long taim stret long mi lusim yu pinis, long Spirit bilong BIKPELA bai karim yu long wanem hap we mi no save. Na olsem tasol taim mi kam na tokim Ehap, na em i no painim yu pinis, em bai kilim mi i dai. Tasol mi, wokboi bilong yu, i pret long BIKPELA long taim mi stap yangpela i kam inap long nau.Select 1 Kings 18:12

13Ating i yes long ol i tokim bikman bilong mi long wanem samting mi mekim taim Jesebel i kilim i dai ol profet bilong BIKPELA, long mi haitim 100 man bilong ol profet bilong BIKPELA long 50 50 insait long wanpela hul i go insait long maunten olsem wanem, na givim kaikai long ol wantaim bret na wara?Select 1 Kings 18:13

14Na nau yu tok, Go, tokim bikman bilong yu, Lukim, Ilaija i stap hia. Na em bai kilim mi i dai.Select 1 Kings 18:14

15Na Ilaija i tok, Olsem BIKPELA bilong ol ami i stap laip, long ai bilong husat mi sanap, tru tumas, mi bai soim mi yet long em tude.Select 1 Kings 18:15

16Olsem na Obadaia i go long bungim Ehap, na tokim em. Na Ehap i go long bungim Ilaija.Select 1 Kings 18:16

17¶ Na em i kamap olsem, taim Ehap i lukim Ilaija, long Ehap i tokim em,Ating yu dispela man husat i givim trabel long Isrel, a?Select 1 Kings 18:17

18Na em i bekim tok, Mi no bin givim trabel long Isrel. Tasol yu, na hauslain bilong papa bilong yu, long dispela, yupela i bin givim baksait long ol tok strong bilong BIKPELA, na yu bin bihainim Bealim.Select 1 Kings 18:18

19Olsem na nau salim tok, na bungim long mi olgeta Isrel i kam long maunten Karmel, na ol profet bilong Beal 450, na ol profet bilong ol lain diwai 400, husat i kaikai long tebol bilong Jesebel.Select 1 Kings 18:19

20Olsem na Ehap i salim tok long olgeta pikinini bilong Isrel, na bungim ol profet wantaim long maunten Karmel.Select 1 Kings 18:20

21¶ Na Ilaija i kamap long olgeta manmeri, na tok, Inap long wanem taim bai yupela i stap namel long tupela tingting? Sapos BIKPELA em i God, bihainim Em. Tasol sapos Beal, orait bihainim em. Na ol manmeri i no bekim tok long em long wanpela tok.Select 1 Kings 18:21

22Nau Ilaija i tokim ol manmeri, Mi, yes, mi wanpela tasol, i stap yet wanpela profet bilong BIKPELA. Tasol ol profet bilong Beal em 450 man.Select 1 Kings 18:22

23Olsem na larim ol i givim yumi tupela bulmakau man. Na larim ol makim wanpela bulmakau man bilong ol yet, na katim dispela long ol planti hap hap, na slipim dispela antap long diwai, na ol i no ken putim paia aninit. Na mi bai stretim arapela bulmakau man, na slipim dispela antap long diwai, na mi no bai putim paia aninit.Select 1 Kings 18:23

24Na yupela singaut long nem bilong ol god bilong yupela, na mi bai singaut long nem bilong BIKPELA. Na dispela God husat i bekim wantaim paia, larim em i stap God. Na olgeta manmeri i bekim na tok, Em i gutpela toktok.Select 1 Kings 18:24

25Na Ilaija i tokim ol profet bilong Beal, Yupela makim wanpela bulmakau man bilong yupela yet, na stretim dispela pastaim. Long wanem, yupela i planti. Na singaut long nem bilong ol god bilong yupela, tasol yupela i no ken putim paia aninit.Select 1 Kings 18:25

26Na ol i kisim dispela bulmakau man ol i givim ol, na ol i stretim dispela, na singaut long nem bilong Beal long moning, yes, i go inap long belo stret, i spik, O Beal, harim mipela. Tasol i no gat wanpela nek, o wanpela husat i bekim tok. Na ol i kalap kalap antap long dispela alta ol i wokim.Select 1 Kings 18:26

27Na em i kamap olsem long belo stret, long Ilaija i wokim pani long daunim ol, na tok, Singaut strong. Long wanem, em i wanpela god. Ating em i bisi long toktok, o em i ran bihainim samting, o em i stap long wanpela wokabaut, o sapos i gat sans long em i slip, na yupela i mas kirapim em.Select 1 Kings 18:27

28Na ol i singaut strong, na katim ol yet, i bihainim kastam bilong ol, wantaim ol naip na ol naip bilong dokta i sap, inap long blut i sut i kam ausait antap long ol.Select 1 Kings 18:28

29Na em i kamap olsem, taim belo i pinis, na ol i autim tok profet inap long taim bilong ofaim sakrifais bilong apinun tru, long i no gat wanpela nek, o wanpela long bekim tok, o wanpela husat i lukluk gut long ol tu.Select 1 Kings 18:29

30Na Ilaija i tokim olgeta manmeri, Kam klostu long mi. Na olgeta manmeri i kam klostu long em. Na em i stretim gen dispela alta bilong BIKPELA i bruk pinis.Select 1 Kings 18:30

31Na Ilaija i kisim twelpela ston, bilong bihainim namba bilong ol lain bilong ol pikinini man bilong Jekop, husat tok bilong BIKPELA i kam long ol, i spik, Isrel bai stap nem bilong yu.Select 1 Kings 18:31

32Na wantaim ol dispela ston em i wokim wanpela alta long nem bilong BIKPELA. Na em i wokim wanpela baret raun nabaut long alta, bikpela inap long holim tupela skel bilong pikinini kaikai.Select 1 Kings 18:32

33Na em i putim diwai long lain gut, na katim bulmakau man long ol planti hap hap, na slipim em antap long diwai, na tok, Pulimapim fopela kas wantaim wara, na kapsaitim dispela long dispela sakrifais bilong kuk olgeta, na antap long diwai.Select 1 Kings 18:33

34Na em i tok, Mekim namba tu taim. Na ol i mekim namba tu taim. Na em i tok, Mekim namba tri taim. Na ol i mekim namba tri taim.Select 1 Kings 18:34

35Na dispela wara i ran raun nabaut long alta. Na em i pulimapim dispela baret tu wantaim wara.Select 1 Kings 18:35

36Na em i kamap olsem long taim bilong ofaim sakrifais bilong apinun tru, long profet Ilaija i kam klostu, na tok, God BIKPELA bilong Abraham, Aisak, na bilong Isrel, larim ol man i ken save tude long Yu stap God insait long Isrel, na long mi stap wokboi bilong Yu, na long mi bin wokim olgeta dispela samting long bihainim tok bilong Yu.Select 1 Kings 18:36

37Harim mi, O BIKPELA, harim mi, inap long dispela lain manmeri i ken save long Yu stap God BIKPELA, na long Yu bin tanim ol bel bilong ol i kam bek gen.Select 1 Kings 18:37

38Nau paia bilong BIKPELA i pundaun, na kaikai olgeta dispela sakrifais bilong kuk olgeta, na ol diwai, na ol ston, na das, na paia i rapim tang bilong en i karim i go antap dispela wara i stap long baret.Select 1 Kings 18:38

39Na taim olgeta i manmeri lukim dispela, ol i pundaun long ol pes bilong ol. Na ol i tok, BIKPELA, Em i God tru, BIKPELA, Em i God tru.Select 1 Kings 18:39

40Na Ilaija i tokim ol, Kisim ol profet bilong Beal. No ken larim wanpela bilong ol i ranawe. Na ol i kisim ol. Na Ilaija i bringim ol i go daun long liklik wara Kison, na kilim ol i dai long dispela hap.Select 1 Kings 18:40

41¶ Na Ilaija i tokim Ehap, Yu go antap, kaikai na dring. Long wanem, i gat wanpela nois bilong ren i planti moa yet .Select 1 Kings 18:41

42Olsem na Ehap i go antap long kaikai na dring. Na Ilaija i go antap long antap bilong Karmel. Na em i tromoi em yet i go daun antap long graun, na putim pes bilong em namel long tupela skru bilong lek bilong em.Select 1 Kings 18:42

43Na em i tokim wokboi bilong em, Go antap nau, lukluk i go long biksi. Na em i go antap, na lukluk, na tok, I no gat wanpela samting. Na em i tok, Go gen sevenpela taim.Select 1 Kings 18:43

44Na em i kamap olsem long namba seven taim, long em i tok, Lukim, i gat wanpela liklik klaut i kirap i kam ausait long biksi, wankain olsem han bilong wanpela man. Na em i tok, Go antap, tokim Ehap, Redim karis bilong yu, na karim yu yet i go daun, inap long ren i no pasim yu.Select 1 Kings 18:44

45Na em i kamap olsem long dispela taim tu, long heven em i blakpela wantaim ol klaut na win, na i gat wanpela bikpela ren. Na Ehap i ran antap long karis, na go long Jesril.Select 1 Kings 18:45

46Na han bilong BIKPELA i stap antap long Ilaija. Na em i pasim strong ol namel bilong bel bilong em, na ran bipo long Ehap long dua bilong Jesril.Select 1 Kings 18:46