4Lamentations 4

1¶ Gol i no lait gut olsem wanem! Nambawan naispela gol i senis olsem wanem! Ol ston bilong rum holi ol i kapsaitim i go long antap bilong olgeta wan wan rot.Select Lamentations 4:1

2Ol pikinini man bilong Saion i dia tumas, husat i wankain olsem naispela gol, ol man i givim ona long ol olsem ol jak graun olsem wanem, wok bilong ol han bilong man bilong wokim sospen graun!Select Lamentations 4:2

3Yes, ol strongpela animal bilong biksi i pulim i go ausait susu, ol i givim susu long ol yangpela bilong ol. Pikinini meri bilong lain bilong mi i kamap meri i amamas bilong givim pen, olsem ol ostaris long ples i no gat man.Select Lamentations 4:3

4Tang bilong susu pikinini i pas strong long rup bilong maus bilong en, long wanem, em i nekdrai. Ol yangpela pikinini i askim long bret, na i no gat man bilong brukim dispela i go long ol.Select Lamentations 4:4

5Ol husat i bin kaikai isi tru i stap nating long ol rot. Ol husat mama i lukautim inap long ol i bikpela wantaim skalet klos i holimpas ol hip pekpek.Select Lamentations 4:5

6Long wanem, mekim save bilong sin nogut bilong pikinini meri bilong lain bilong mi i bikpela moa long mekim save bilong sin bilong Sodom, dispela God i bagarapim wantu tasol, na i no gat ol han i pas antap long en.Select Lamentations 4:6

7Ol Nasarait bilong i bin klin moa long ais, ol i bin wait moa long susu, ol i retpela moa long bodi long ol rubi, klinim bilong ol i kam long sapaia.Select Lamentations 4:7

8Pes bilong ol i blakpela moa long wanpela sakol. Ol man i no save long ol long ol rot. Skin bilong ol i pas strong long ol bun bilong ol. Em i go drai pinis, em i kamap olsem wanpela stik.Select Lamentations 4:8

9Ol husat ol i kilim i dai wantaim bainat i stap gutpela moa long ol husat ol i kilim i dai wantaim hangre. Long wanem, ol dispela i wok long go bun nating, ol i kisim taim, long wanem, ol i sot long ol kaikai bilong bikpela gaden.Select Lamentations 4:9

10Ol han bilong ol meri i gat nid long sori i bin boilim ol pikinini bilong ol yet. Ol i kaikai bilong ol long taim pikinini meri bilong lain manmeri bilong mi i kisim bagarap olgeta.Select Lamentations 4:10

11BIKPELA i bin inapim belhat nogut tru bilong Em. Em i bin kapsaitim strongpela belhat bilong Em, na Em i bin kirapim wanpela paia long Saion, na dispela i bin kaikai ol as ston bilong en olgeta.Select Lamentations 4:11

12Ol king bilong dispela graun, na olgeta husat i stap long dispela graun, i no bin bilip long ol birua nogut na ol birua i ken go insait long ol dua bilong banis bilong Jerusalem.Select Lamentations 4:12

13¶ Bilong tingim ol sin bilong ol profet bilong en, na ol sin nogut bilong ol pris bilong en, husat i bin kapsaitim blut bilong ol stretpela man insait long namel bilong en,Select Lamentations 4:13

14Ol i bin raun nating olsem ol aipas man long ol rot, ol i bin mekim ol yet i kamap doti wantaim blut, inap long ol man i no ken tasim ol klos bilong ol.Select Lamentations 4:14

15Ol i singaut long ol, Yupela go.Em i no klin. Go, go, no ken tasim. Taim ol i ranawe i go na raun nating, ol i tok namel long ol haiden, Ol bai i no inap stap waira long dispela hap.Select Lamentations 4:15

16Belhat bilong BIKPELA i bin brukim ol. Em i no inap tingting planti long ol moa. Ol i no givim namba long nem bilong ol pris, ol i no soim laikim moa long ol lapun hetman.Select Lamentations 4:16

17Long sait bilong mipela, ol ai bilong mipela i fel yet long helpim nating bilong mipela. Taim mipela i was, mipela i bin was long wanpela kantri husat i no inap long kisim bek mipela.Select Lamentations 4:17

18Ol i painim ol step bilong mipela, inap long mipela no ken go long ol rot bilong mipela. Pinis bilong mipela i klostu, ol de bilong mipela em inap pinis. Long wanem, pinis bilong mipela i kamap pinis.Select Lamentations 4:18

19Ol lain i givim hevi long mipela i save hariap moa long ol igal bilong heven. Ol i ran bihainim mipela antap long ol maunten, ol i wet hait long mipela long ples i no gat man.Select Lamentations 4:19

20Win bilong tupela hul bilong nus bilong mipela, man BIKPELA i makim, ol i kisim long ol bikpela hul bilong ol, long sait bilong husat mipela i tok, Aninit long tewel bilong san bilong em mipela bai stap laip namel long ol haiden.Select Lamentations 4:20

21¶ Wokim amamas tru na stap amamas, O pikinini meri bilong Idom, husat i stap long hap bilong Us. Kap tu bai wokabaut namel long yu. Yu bai stap spak, na yu bai mekim yu yet i kamap skin nating.Select Lamentations 4:21

22Mekim save bilong sin nogut bilong yu i kamap pinis, O pikinini meri bilong Saion. Em bai i no inap karim yu i go long kalabus moa. Em bai kam lukim sin nogut bilong yu, O pikinini meri bilong Idom. Em bai soim ples klia ol sin bilong yu.Select Lamentations 4:22