34Jeremiah 34

1¶ Dispela tok i kam long Jeremaia long BIKPELA, taim Nebukatnesar king bilong Babilon, na olgeta ami bilong en, na olgeta kingdom bilong dispela graun i bilong em bilong bosim, na olgeta manmeri, i pait birua long Jerusalem, na i pait birua long olgeta biktaun bilong en, i spik,Select Jeremiah 34:1

2BIKPELA, God bilong Isrel, i tok olsem, Go na toktok long Sedekaia king bilong Juda, na tokim em, BIKPELA i tok olsem, Lukim, Mi bai givim dispela biktaun i go long han bilong king bilong Babilon, na em bai kukim dispela wantaim paia.Select Jeremiah 34:2

3Na yu bai i no inap ranawe ausait long han bilong em, tasol tru tumas, ol bai kisim yu, na ol bai givim yu long han bilong em. Na ai bilong yu bai lukim ol ai bilong king bilong Babilon, na em bai toktok wantaim yu maus i go long maus, na yu bai go long Babilon.Select Jeremiah 34:3

4Tasol harim tok bilong BIKPELA, O Sedekaia, king bilong Juda. BIKPELA i tok olsem long sait bilong yu, Yu bai i no inap dai long bainat.Select Jeremiah 34:4

5Tasol yu bai dai wantaim bel isi. Na wantaim ol pasin bilong ol tumbuna papa bilong yu long kukim, ol king bipo husat ol i stap bipo long yu, olsem tasol bai ol i kukim ol samting bilong smel long tingim yu. Na ol bai krai sori long yu, i spik, Ah bikman! Long wanem, Mi bin kolim dispela tok, BIKPELA i tok.Select Jeremiah 34:5

6Nau profet Jeremaia i autim olgeta dispela toktok i go long Sedekaia, king bilong Juda, long Jerusalem,Select Jeremiah 34:6

7Taim ami bilong king bilong Babilon i pait birua long Jerusalem, na i pait birua long olgeta biktaun bilong Juda husat i stap yet, na i pait birua long Lekis, na i pait birua long Aseka. Long wanem, ol dispela biktaun i gat banis bilong pasim birua i stap yet long ol biktaun bilong Juda.Select Jeremiah 34:7

8¶ Dispela em i tok i kam long Jeremaia long BIKPELA, bihain long king Sedekaia i bin wokim wanpela kontrak wantaim olgeta manmeri husat i stap long Jerusalem, long tokaut long ol long ol i stap fri,Select Jeremiah 34:8

9Inap long olgeta wan wan man i mas larim wokboi bilong em, na olgeta wan wan man wokmeri bilong en long go fri, husat i wanpela man Hibru o wanpela meri Hibru, inap long i no ken gat wanpela husat bai kisim bilong em yet long ol, em i olsem, wanpela Ju long brata bilong em.Select Jeremiah 34:9

10Nau taim olgeta hetman, na olgeta manmeri, husat i bin go insait long dispela kontrak, i harim olsem olgeta wan wan i mas larim wokboi bilong em, na olgeta wan wan i mas larim wokmeri bilong em long go fri, inap long i no ken gat wanpela i ken kisim bilong em yet long ol moa liklik, orait ol i bihainim tok, na larim ol i go.Select Jeremiah 34:10

11Tasol bihain long en ol i tanim, na mekim ol wokboi na ol wokmeri, husat ol i bin larim i go fri, long kam bek, na ol i bringim ol aninit long pawa bilong ol bilong stap ol wokboi na bilong stap ol wokmeri.Select Jeremiah 34:11

12Olsem na tok bilong BIKPELA i kam long Jeremaia long BIKPELA, i spik,Select Jeremiah 34:12

13BIKPELA, God bilong Isrel, i tok olsem, Mi wokim wanpela kontrak wantaim ol tumbuna papa bilong yupela long dispela de Mi bringim ol ausait long hap bilong Isip, ausait long haus bilong ol wokboi nating, i spik,Select Jeremiah 34:13

14Long pinis bilong sevenpela yia, yupela olgeta wan wan man i mas larim brata bilong em, wanpela man Hibru, i go fri, husat ol i bin salim long yu. Na taim em i bin stap aninit long yu sikispela yia, yu bai larim em i go fri i lusim yu. Tasol ol tumbuna papa bilong yupela i no harim long Mi, o lindaunim ia bilong ol long Mi.Select Jeremiah 34:14

15Na nau yupela i bin tanim pinis, na bin wokim stretpela pasin long ai bilong Mi, taim yupela olgeta wan wan man i autim toksave long olgeta man i stap klostu bilong em i stap fri. Na yupela i bin wokim wanpela kontrak long ai bilong Mi long dispela haus ol i kolim long nem bilong Mi.Select Jeremiah 34:15

16Tasol yupela i tanim gen na mekim nem bilong Mi doti, na yupela olgeta wan wan man i mekim wokboi bilong en, na yupela olgeta wan wan man i mekim wokmeri bilong en, husat yupela i bin larim i go fri long laik bilong ol yet, long kam bek, na yupela i bringim ol aninit long pawa bilong yupela, bilong stap ol wokboi na ol wokmeri long yupela.Select Jeremiah 34:16

17Olsem na BIKPELA i tok olsem, Yupela i no bin harim Mi, long autim toksave long ol i stap fri, olgeta wan wan man long brata bilong em, na olgeta wan wan man long man i stap klostu long em. Lukim, Mi autim toksave long wanpela pasin bilong stap fri bilong yupela, BIKPELA i tok, long bainat, na long bikpela sik nogut, na long bikpela taim hangre. Na Mi bai mekim ol long rausim yupela i go long olgeta kingdom bilong dispela graun.Select Jeremiah 34:17

18Na Mi bai givim ol man husat i bin kalapim lo bilong kontrak bilong Mi, husat i no bin bihainim ol toktok bilong dispela kontrak ol i bin wokim long ai bilong Mi, taim ol i katim pikinini bulmakau long tupela hap, na wokabaut namel long tupela hap bilong en,Select Jeremiah 34:18

19Ol hetman bilong Juda, na ol hetman bilong Jerusalem, ol yunik, na ol pris, na olgeta manmeri bilong dispela hap, husat i wokabaut namel long ol hap bilong pikinini bulmakau,Select Jeremiah 34:19

20Yes, Mi bai givim ol i go long han bilong ol birua bilong ol, na i go long han bilong ol husat i painim laip bilong ol. Na ol daibodi bilong ol bai stap abus bilong ol pisin bilong heven, na long ol animal bilong dispela graun.Select Jeremiah 34:20

21Na Sedekaia, king bilong Juda, na ol hetman bilong em bai Mi givim i go long han bilong ol birua bilong ol, na i go long han bilong ol husat i painim laip bilong ol, na i go long han bilong ami bilong king bilong Babilon, husat i lusim yupela na go antap.Select Jeremiah 34:21

22Lukim, Mi bai tok strong, BIKPELA i tok, na mekim ol long kam bek long dispela biktaun. Na ol bai pait birua long en, na kisim dispela, na kukim dispela wantaim paia. Na Mi bai mekim ol biktaun bilong Juda long kamap wanpela ples i stap nating na i no gat man i stap.Select Jeremiah 34:22