12John 12

1¶ Nau Jisas, sikispela de bipo long pasova, i kam long Betani, we Lasaras i stap husat i bin stap daiman, husat em i kirapim long dai.Select John 12:1

2Long dispela hap ol i wokim wanpela apinun kaikai long em. Na Marta i wokim wok. Tasol Lasaras i wanpela bilong ol husat i sindaun long tebol wantaim em.Select John 12:2

3Nau Maria i kisim wanpela paun bilong wel i gat marasin bilong spaiknard, i dia tru, na em i makim tupela fut bilong Jisas, na klinim tupela fut bilong em wantaim gras bilong em. Na haus i pulap wantaim smel bilong dispela wel i gat marasinSelect John 12:3

4Nau wanpela bilong ol disaipel bilong em, Judas Iskariot, pikinini man bilong Saimon, husat bai putim em long han bilong birua, i tok,Select John 12:4

5Bilong wanem em i no salim dispela wel i gat marasin long 300 pens, na givim long ol rabisman?Select John 12:5

6Dispela em i tok, i no long em i wari long ol rabisman, tasol bikos em i wanpela stilman, na em i holim bek, na karim wanem samting ol i putim insait long en.Select John 12:6

7Nau Jisas i tok, Larim meri i stap. Long redi long de bilong planim mi em i bin holimpas dispela.Select John 12:7

8Long wanem, yupela i gat ol rabisman wantaim yupela olgeta taim. Tasol yupela i no gat mi olgeta taim.Select John 12:8

9Olsem na planti manmeri bilong ol Ju i save long em i stap long dispela hap. Na ol i no kam bilong tingim Jisas tasol, tasol long ol i ken lukim Lasaras tu, husat em i bin kirapim long dai.Select John 12:9

10Tasol ol bikpris i painim tingting long ol i ken mekim Lasaras i dai tu,Select John 12:10

11Bikos em i as bilong planti bilong ol Ju i go lusim ol, na bilip long Jisas.Select John 12:11

12¶ Long de bihain planti manmeri husat i kam long dispela bikpela kaikai, taim ol i harim long Jisas i kam long Jerusalem,Select John 12:12

13I kisim ol han bilong diwai palmen, na go ausait long bungim em, na singaut, Hosana. Blesing i stap long King bilong Isrel husat i kam long nem bilong Bikpela.Select John 12:13

14Na Jisas, taim em i bin painim pinis wanpela yangpela donki, i sindaun antap long en, olsem rait i stap pinis,Select John 12:14

15No ken pret, pikinini meri bilong Saion. Lukim, King bilong yu i kam, na sindaun antap long pikinini bilong donki.Select John 12:15

16Ol dispela samting ol disaipel bilong em i no kisim save long en pastaim. Tasol taim Jisas i kisim glori pinis, nau ol i tingim gen long ol dispela samting ol i raitim long em, na long ol i bin mekim ol dispela samting long em.Select John 12:16

17Olsem na ol manmeri husat i stap wantaim em taim em i singautim Lasaras long kam ausait long matmat bilong em, na kirapim em long dai, i stap witnes long en.Select John 12:17

18Long dispela as ol manmeri tu i bungim em, bikos ol i harim long em i bin wokim dispela mirakel.Select John 12:18

19Olsem na ol Farisi i toktok namel long ol yet, Yupela i kisim save long yupela i no win long wanpela samting olsem wanem? Lukim, ol manmeri bilong dispela graun i go bihainim em.Select John 12:19

20¶ Na long dispela hap i gat sampela Grik namel long ol husat i kam antap long lotu long dispela bikpela kaikai.Select John 12:20

21Olsem na ol yet i kam long Filip, husat i bilong Betsaida bilong Galili, na askim em, i spik, Bikman, mipela i gat laik long lukim Jisas.Select John 12:21

22Filip i kam na tokim Andru. Na gen Andru na Filip i tokim JisasSelect John 12:22

23Na Jisas i bekim ol, i spik, Aua i kam pinis, long Pikinini Man bilong man i mas kisim glori.Select John 12:23

24Tru tumas, tru tumas, mi tokim yupela, Sapos pikinini kaikai bilong wit i no pundaun insait long graun na dai, em i stap wanpis. Tasol sapos em i dai, em i karim planti kaikai.Select John 12:24

25Em husat i laikim tru laip bilong em bai lusim dispela. Na em husat i hetim laip bilong em long dispela graun bai holimpas dispela inap long laip i stap gut oltaim oltaim.Select John 12:25

26Sapos wanpela man i wokim wok wokboi long mi, larim em bihainim mi. Na we mi stap, long dispela hap tu wokboi bilong mi bai stap. Sapos wanpela man i wokim wok wokboi long mi, Papa bilong mi bai givim ona long em.Select John 12:26

27¶ Nau tewel bilong mi i pilim wari. Na mi bai tok wanem, Papa, kisim bek mi long dispela aua? Long dispela as tasol mi kam long dispela aua.Select John 12:27

28Papa, givim glori long nem bilong yu. Nau i gat wanpela nek i kam long heven, i spik, Mi bin givim glori long en, na mi bai givim glori long en gen wantaim.Select John 12:28

29Olsem na ol manmeri, husat i sanap klostu, na harim dispela, i tok long klaut i pairap. Ol arapela i tok, Wanpela ensel i toktok long em.Select John 12:29

30Jisas i bekim na tok, Dispela nek i no kam bilong helpim mi, tasol bilong helpim yupela.Select John 12:30

31Nau kot i kam long dispela graun. Nau God bai tromoi hetman bilong dispela graun i go ausait.Select John 12:31

32Na mi, sapos ol i litimapim mi i lusim dispela graun, mi bai pulim olgeta man i kam long mi.Select John 12:32

33Dispela em i tok, bilong mekim klia wanem kain dai em i mas dai long en.Select John 12:33

34Ol manmeri i bekim tok long em, Mipela i bin harim ausait long lo long Kraist i stap oltaim oltaim. Na olsem wanem yu tok, Ol i mas litimapim Pikinini Man bilong man? Dispela Pikinini Man bilong man em i husat?Select John 12:34

35Nau Jisas i tokim ol, Liklik taim yet lait i stap wantaim yupela. Wokabaut taim yupela i gat dispela lait, nogut tudak i kam antap long yupela. Long wanem, em husat i wokabaut long tudak i no save long em i go we.Select John 12:35

36Taim yupela i gat lait, bilip long dispela lait, inap long yupela i ken stap ol pikinini bilong lait. Ol dispela samting Jisas i tok, na lusim ol, na em i bin haitim em yet long ol.Select John 12:36

37¶ Tasol maski em i bin mekim planti mirakel olsem long ai bilong ol, yet ol i no bilip long em.Select John 12:37

38Inap long toktok bilong profet Eseas i ken kamap pinis, dispela em i tok, Bikpela, husat i bin bilipim ripot bilong mipela? Na han bilong Bikpela i bin kamap ples klia long husat?Select John 12:38

39Olsem na ol i no inap long bilip, bikos Eseas i tok gen,Select John 12:39

40Em i bin aipasim ol ai bilong ol, na strongim bel bilong ol, inap long ol i no ken lukluk wantaim ol ai bilong ol, o kisim save wantaim bel bilong ol, na senisim bilip, na mi ken oraitim ol.Select John 12:40

41Ol dispela samting Eseas i tok, taim em i lukim glori bilong em, na toktok long sait bilong em.Select John 12:41

42¶ Tasol namel long ol nambawan hetman tu planti i bilip long em. Tasol bilong tingim ol Farisi ol i no bin tok yes long em, nogut ol i ken rausim ol long sinagog.Select John 12:42

43Long wanem, ol i laikim tru ol biknem i kam long ol man moa long biknem i kam long God.Select John 12:43

44¶ Jisas i singaut na tok, Em husat i bilip long mi, em i no bilip long mi, tasol long em husat i salim mi.Select John 12:44

45Na em husat i lukim mi i lukim em husat i salim mi.Select John 12:45

46Mi kam wanpela lait insait long dispela graun, long husat man i bilip long mi bai i no ken stap long tudak.Select John 12:46

47Na sapos wanpela man i harim ol toktok bilong mi, na em i no bilip, mi no jasim em. Long wanem, mi no kam long jasim dispela graun, tasol long kisim bek dispela graun.Select John 12:47

48Em husat i tok nogat olgeta long mi, na i no kisim ol toktok bilong mi, i gat wanpela husat i jasim em. Dispela tok mi bin toktok, dispela stret bai jasim em long las de.Select John 12:48

49Long wanem, mi no bin toktok long laik bilong mi yet. Tasol Papa husat i salim mi, em i givim mi wanpela tok strong, long mi mas tok wanem, na long wanem samting mi mas toktok.Select John 12:49

50Na mi save long tok strong bilong em em i laip i stap gut oltaim oltaim. Olsem na wanem samting mi toktok, yes, olsem Papa i tokim mi, olsem tasol mi toktok.Select John 12:50