15John 15

1¶ Mi stap diwai wain tru, na Papa bilong mi em i man bilong lukautim gaden.Select John 15:1

2Olgeta wan wan han bilong diwai insait long mi husat i no karim kaikai em i tekewe. Na olgeta wan wan han bilong diwai husat i karim kaikai, em i klinim dispela, inap long em i ken karim moa kaikai.Select John 15:2

3Nau yupela i stap klin long dispela tok mi bin toktok long yupela.Select John 15:3

4Stap insait long mi, na mi insait long yupela. Olsem han bilong diwai i no inap karim kaikai long em yet, sapos em i no stap insait long diwai wain, yupela tu i no inap, sapos yupela i no stap insait long mi.Select John 15:4

5Mi stap dispela diwai wain, yupela i stap ol han bilong diwai. Em husat i stap insait long mi, na mi insait long em, em yet i karim planti kaikai. Long wanem, ausait long mi yupela i no inap wokim wanpela samting.Select John 15:5

6Sapos wanpela man i no stap insait long mi, Papa bai tromoi em i go ausait olsem wanpela han bilong diwai, na em i drai. Na ol man i bungim ol, na tromoi ol i go insait long paia, na ol i kuk.Select John 15:6

7Sapos yupela i stap insait long mi, na ol toktok bilong mi i stap insait long yupela, yupela bai askim wanem samting yupela i laik, na em bai kamap long yupela.Select John 15:7

8Papa bilong mi i kisim glori insait long dispela, long yupela i karim planti kaikai. Olsem tasol yupela bai stap ol disaipel bilong mi.Select John 15:8

9¶ Olsem Papa i bin laikim mi tru, olsem tasol mi bin laikim yupela tru. Yupela i mas stap yet insait long laikim tru bilong mi.Select John 15:9

10Sapos yupela i bihainim ol tok strong bilong mi, yupela bai stap insait long laikim tru bilong mi. Yes, olsem mi bin bihainim ol tok strong bilong Papa bilong mi, na stap yet insait long laikim tru bilong em.Select John 15:10

11Ol dispela samting mi bin toktok long yupela, inap long amamas tru bilong mi i ken stap yet insait long yupela, na long amamas tru bilong yupela i ken pulap.Select John 15:11

12Dispela em i tok strong bilong mi, Long yupela i gat laikim tru wanpela i go long narapela, olsem mi bin laikim yupela tru.Select John 15:12

13I no gat narapela laikim tru i winim dispela, long wanpela man i givim laip bilong em bilong helpim ol pren bilong em.Select John 15:13

14Yupela i stap ol pren bilong mi, sapos yupela i mekim wanem samting mi tok strong long yupela.Select John 15:14

15I stat long nau i go mi no kolim yupela ol wokboi. Long wanem, wokboi i no save long bikman bilong em i mekim wanem. Tasol mi bin kolim yupela ol pren. Long wanem, olgeta dispela samting mi bin harim long Papa bilong mi mi bin mekim yupela long save.Select John 15:15

16Yupela i no bin makim mi, tasol mi bin makim yupela, na makim yupela long wok, inap long yupela i ken go na karim kaikai, na long kaikai bilong yupela i ken stap yet. Inap long wanem samting yupela bai askim long Papa long nem bilong mi, em i ken givim dispela long yupela.Select John 15:16

17Ol dispela samting mi tok strong long yupela, inap long yupela i ken gat laikim tru wanpela i go long narapela.Select John 15:17

18¶ Sapos dispela graun i hetim yupela, yupela i save long em i hetim mi bipo long em i hetim yupela.Select John 15:18

19Sapos yupela i bilong dispela graun, dispela graun bai laikim tru ol bilong em yet. Tasol bikos yupela i no bilong dispela graun, tasol mi bin makim yupela ausait long dispela graun, olsem na dispela graun i hetim yupela.Select John 15:19

20Tingim gen long dispela tok mi tokim yupela, Wokboi i no winim bikman bilong em. Sapos ol i bin givim hevi long mi, ol bai givim hevi long yupela tu. Sapos ol i bin bihainim tok bilong mi, ol bai bihainim tok bilong yupela tu.Select John 15:20

21Tasol olgeta dispela samting bai ol i mekim long yupela bilong tingim nem bilong mi, bilong wanem, ol i no save em husat i salim mi.Select John 15:21

22Sapos mi no bin kam na toktok long ol, ol i no bin gat sin. Tasol nau ol i no gat ausait saket bilong haitim sin bilong ol.Select John 15:22

23Em husat i hetim mi i hetim Papa bilong mi tu.Select John 15:23

24Sapos mi no bin mekim namel long ol ol dispela wok i no gat wanpela arapela man i mekim, ol i no bin gat sin. Tasol nau ol i bin lukim na ol i hetim mi na Papa bilong mi wantaim.Select John 15:24

25Tasol dispela i kamap olsem, inap long dispela tok ol i raitim long lo bilong ol i ken kamap pinis, Ol i hetim mi taim i no gat as bilong en.Select John 15:25

26¶ Tasol taim Poroman i kam pinis, husat mi bai salim long yupela i kam long Papa, yes, Spirit bilong tok tru, husat i kam ausait long Papa, em bai tokaut klia long mi.Select John 15:26

27Na yupela tu bai stap witnes, bilong wanem, yupela i bin stap wantaim mi long stat i kam inap long nau.Select John 15:27