17John 17

1¶ Ol dispela toktok Jisas i tok, na litimapim tupela ai bilong em i go long heven, na tok, Papa, dispela aua i kam pinis. Givim glori long Pikinini Man bilong yu, inap long Pikinini Man bilong yu tu i ken givim glori long yu.Select John 17:1

2Olsem yu bin givim em pawa long bosim olgeta bodi, inap long em i ken givim laip i stap gut oltaim oltaim long hamas man yu bin givim em.Select John 17:2

3Na dispela em i laip i stap gut oltaim oltaim, long ol i ken save long yu, dispela wanpela God tru tasol, na Jisas Kraist, husat yu bin salim.Select John 17:3

4Mi bin givim glori long yu long dispela graun. Mi bin pinisim dispela wok yu givim mi long mekim.Select John 17:4

5Na nau, O Papa, yu givim glori long mi wantaim yu yet wantaim dispela glori mi bin gat wantaim yu bipo long dispela graun i stap.Select John 17:5

6¶ Mi bin mekim nem bilong yu i kamap ples klia long ol man husat yu givim mi ausait long dispela graun. Ol i bilong yu, na yu givim ol long mi. Na ol i bin holimpas tok bilong yu.Select John 17:6

7Nau ol i bin save long olgeta wanem samting yu bin givim long mi i kam long yu.Select John 17:7

8Long wanem, mi bin givim long ol ol dispela toktok yu givim mi. Na ol i bin kisim ol, na ol i bin save tru tumas long mi kam ausait long yu, na ol i bin bilip long yu bin salim mi.Select John 17:8

9Mi beten long ol. Mi no beten long ol manmeri bilong dispela graun, tasol long ol husat yu bin givim mi. Long wanem, ol i bilong yu.Select John 17:9

10Na olgeta bilong mi i bilong yu, na bilong yu i bilong mi. Na mi kisim glori long ol.Select John 17:10

11¶ Na nau mi no stap moa long dispela graun, tasol ol dispela i stap long dispela graun, na mi kam long yu. Holi Papa, holimpas, long nem bilong yu yet, ol dispela husat yu bin givim mi, inap long ol i ken stap wanpela, olsem yumi stap.Select John 17:11

12Taim mi stap wantaim ol long dispela graun, mi lukautim ol long nem bilong yu. Ol dispela husat yu givim long mi mi bin lukautim, na i no gat wanpela bilong ol i lus, pikinini man bilong bagarap olgeta long hel tasol, inap long rait bilong God i ken kamap pinis.Select John 17:12

13Na nau mi kam long yu. Na ol dispela samting mi toktok taim mi stap long dispela graun, inap long ol i ken gat amamas tru bilong mi i kamap pinis insait long ol yet.Select John 17:13

14Mi bin givim tok bilong yu long ol. Na ol manmeri bilong dispela graun i bin hetim ol, bilong wanem, ol i no bilong dispela graun, yes, olsem mi no bilong dispela graun.Select John 17:14

15Mi no beten long yu mas tekewe ol ausait long dispela graun, tasol long yu mas pasim ol long pasin nogut.Select John 17:15

16Ol i no bilong dispela graun, yes, olsem mi no bilong dispela graun.Select John 17:16

17¶ Mekim ol i kamap holi long tok tru bilong yu. Tok bilong yu i tru.Select John 17:17

18Olsem yu bin salim mi long dispela graun, yes, olsem tasol mi tu i bin salim ol long dispela graun.Select John 17:18

19Na bilong tingim ol mi mekim mi yet long kamap holi, inap long ol tu i ken kamap holi long tok tru.Select John 17:19

20¶ Na tu mi no beten long ol dispela tasol, tasol long ol tu husat bai bilip long mi long tok bilong ol,Select John 17:20

21Inap long ol olgeta i ken stap wanpela. Olsem yu, Papa, i stap insait long mi, na mi insait long yu, long ol tu i ken stap wanpela insait long yumi. Inap long ol man bilong dispela graun i ken bilip long yu bin salim mi.Select John 17:21

22Na dispela glori yu givim mi mi bin givim ol. Inap long ol i ken stap wanpela, yes, olsem yumi stap wanpela.Select John 17:22

23Mi insait long ol, na yu insait long mi, inap long ol i ken kamap inap tru insait long wanpela, na inap long ol manmeri bilong dispela graun i ken save long yu bin salim mi, na yu bin laikim ol tru, olsem yu bin laikim mi tru.Select John 17:23

24¶ Papa, mi gat laik long ol tu, husat yu bin givim mi, i ken stap wantaim mi we mi stap, inap long ol i ken lukim glori bilong mi, dispela yu bin givim mi. Long wanem, yu laikim mi tru bipo yu slipim ol as ston bilong dispela graun.Select John 17:24

25O stretpela Papa, ol man bilong dispela graun i no bin save long yu. Tasol mi bin save long yu, na ol dispela i bin save long yu bin salim mi.Select John 17:25

26Na mi bin tokaut long ol long nem bilong yu, na mi bai tokaut long en, inap long dispela laikim tru we yu bin laikim mi tru long en i ken stap insait long ol, na mi insait long ol.Select John 17:26