15Isaiah 15

1¶ Hevi bilong Moap. Long wanem Ar bilong Moap i kisim bagarap long nait na i no gat nois long dispela hap. Long wanem Kir bilong Moap i kisim bagarap long nait na i no gat nois long dispela hap.Select Isaiah 15:1

2Em i bin go antap long Basit, na long Dibon, em ol ples i antap moa, bilong krai sori. Moap bai singaut sori long Nibo na long Medeba. Olgeta bai rausim gras long het bilong ol na rausim mausgras bilong olgeta wan wan.Select Isaiah 15:2

3Ol bai putim klos bilong soim sori na stap long ol rot bilong ol. Olgeta wan wan bai singaut sori na krai sori planti antap long ol haus bilong ol na long ol rot bilong ol.Select Isaiah 15:3

4Na Hesbon na Eleale bai krai. Ol i inap harim nek bilong ol, yes inap long Jahas. Olsem na ol soldia bilong Moap i holim samting bilong pait, ol bai bikmaus. Em bai tingim laip bilong em i bagarap.Select Isaiah 15:4

5Bel bilong mi bai krai sori long Moap. Lain bilong em bai lusim birua na ranawe i go long Soar, em i olsem wanpela bulmakau meri i no bin karim pikinini na i stap tripela krismas. Long wanem Luhit bai go antap. Taim ol i go antap ol bai krai sori planti. Long wanem, long rot i go long Horonaim ol bai kirapim bikpela singaut i tokaut long bagarap.Select Isaiah 15:5

6¶ Long wanem ol wara bilong Nimrim bai bagarap. Long wanem ol kaikai bilong bulmakau samting em i drai olgeta na i no gat gras na i no gat wanpela grinpela samting i stap.Select Isaiah 15:6

7Olsem na, ol bai karim ol dispela planti samting ol i bin kisim, na ol kago ol i bin holim, i go long liklik wara bilong ol diwai wilo.Select Isaiah 15:7

8Long wanem krai i go raun nabaut long ol arere bilong Moap. Singaut sori bilong wanpela hap i go long Eklaim na singaut sori bilong narapela hap i go long Biarelim.Select Isaiah 15:8

9Long wanem ol wara bilong Dimon bai i pulap long blut. Long wanem bai Mi bringim samting moa i kam long Dimon. Ol laion bai kam long man Moap i bin ranawe na long ol lain i stap yet long dispela hap.Select Isaiah 15:9