50Isaiah 50

1¶ BIKPELA i tok olsem, Pepa i tokaut long Mi bin brukim marit wantaim mama bilong yupela em i stap we? O Mi gat dinau long husat na Mi bin salim yupela long em? Harim, as bilong yupela bin salim yupela yet em ol sin bilong yupela, na as bilong Mi bin brukim marit wantaim mama bilong yupela em i ol pasin bilong yupela long kalapim lo.Select Isaiah 50:1

2Olsem na taim Mi bin kam, i no gat wanpela man i stap? Taim Mi bin singaut, i no gat wanpela long bekim? Han bilong Mi i sotpela liklik, bai em i no inap baim bek? O Mi no gat strong long mekim ol i kamap fri? Harim, long strong bilong hatim bilong Mi, Mi mekim solwara i kamap drai, na Mi mekim ol wara riva i kamap ples gras, na ol pis bilong ol i sting, long wanem i no gat wara na ol i dai pinis long nek i drai.Select Isaiah 50:2

3Mi putim tudak long ol heven olsem klos, na Mi mekim klos bilong soim sori i stap samting bilong karamapim ol.Select Isaiah 50:3

4¶ God Bikpela i bin givim mi tang bilong saveman, bai mi ken save long mekim tok long stretpela taim long man i stap skin i les. Em i kirap long olgeta moning na em i kirapim ia bilong mi long harim olsem saveman.Select Isaiah 50:4

5GOD Bikpela i bin opim ia bilong mi, na mi no bin i stap bikhet, o tanim mi yet i go bek.Select Isaiah 50:5

6Mi bin givim baksait bilong mi long ol man bilong paitim na ol sait bilong pes bilong mi long ol husat i kamautim ol mausgras. Mi no bin haitim pes bilong mi long sem na ol spet.Select Isaiah 50:6

7Long wanem GOD Bikpela bai helpim mi, olsem na bai mi no pilim bel nogut. Olsem na mi bin strongim pes bilong mi olsem ston flint, na mi save bai mi no kisim sem.Select Isaiah 50:7

8Man i mekim mi stap stretpela em i stap klostu, na husat bai tok pait wantaim mi? Larim mipela i sanap wantaim. Husat i stap birua bilong mi? Larim em i kam klostu long mi.Select Isaiah 50:8

9Harim, GOD Bikpela bai helpim mi. Em husat na em bai sutim tok long mi? Harim, olgeta bilong ol bai kamap olpela olsem klos, na ol bataplai bai kaikai ol.Select Isaiah 50:9

10¶ Husat i stap namel long yupela na em i pret long BIKPELA, na bihainim nek bilong wokboi bilong Em, na em i wokabaut long tudak na i no gat lait? Larim em i putim bilip bilong en long nem bilong BIKPELA na sapotim em yet long God bilong em.Select Isaiah 50:10

11Harim, yupela olgeta husat i kirapim paia na raunim yupela yet long ol liklik hap paia. Yupela i mas wokabaut long lait bilong paia bilong yupela, na long ol liklik hap paia yupela i bin kirapim. Bai yupela i kisim dispela long han bilong Mi, yupela bai slip long pasin bilong bel hevi.Select Isaiah 50:11