25Proverbs 25

1¶ Ol dispela tu i ol provep bilong Solomon, dispela ol man bilong Hesekaia, king bilong Juda, i wokim kopi long en.Select Proverbs 25:1

2¶ Em i glori bilong God bilong haitim samting. Tasol ona bilong ol king em bilong painimaut samting.Select Proverbs 25:2

3Antap bilong heven, na dip bilong graun long, na bel bilong ol king em ol samting man i no inap painimaut.Select Proverbs 25:3

4¶ Tekewe pipia long silva, na wanpela sospen samting bai kam ausait bilong man i wok long rausim pipia.Select Proverbs 25:4

5Tekewe man nogut long ai bilong king, na bai sia king bilong em i kamap strong long stretpela pasin.Select Proverbs 25:5

6¶ No ken putim yu yet long go ausait long pes bilong king, na no ken sanap long ples bilong ol bikman.Select Proverbs 25:6

7Long wanem, em i mobeta long ol i tokim yu, Kam antap long hia, long ol i mas putim yu long ples daun long pes bilong hetman husat tupela ai bilong yu i bin lukim pinis.Select Proverbs 25:7

8¶ No ken go ausait hariap long pait, nogut yu no save long wanem samting yu bai mekim long pinis bilong en, taim man i stap klostu long yu i bin mekim yu sem.Select Proverbs 25:8

9Tok pait long wari bilong yu wantaim man i stap klostu long yu em yet. Na no ken kamapim ples klia tok hait long narapela.Select Proverbs 25:9

10Nogut em husat i harim dispela i mekim yu sem, na nem nogut bilong yu i no lusim yu.Select Proverbs 25:10

11¶ Tok man i autim long taim stret em i olsem ol epel gol long ol piksa silva.Select Proverbs 25:11

12Olsem ring gol bilong ia, na bilas ol i wokim long naispela gol, saveman bilong stretim man i stap olsem tasol long ia bilong bihainim tok.Select Proverbs 25:12

13¶ Olsem kol bilong ais long taim bilong kamautim kaikai, mausman yu inap bilip long em em i olsem long ol man husat i salim em. Long wanem, em i strongim gen tewel bilong ol bikman bilong em.Select Proverbs 25:13

14¶ Husat man i tok hambak long em yet i gat giaman presen em i olsem ol klaut na win i no gat ren.Select Proverbs 25:14

15¶ Long pasin bilong stap isi longpela taim, man inap senisim tingting bilong hetman, na tang i tok isi i brukim bun.Select Proverbs 25:15

16¶ Ating yu painim hani pinis, a? Kaikai hamas i inap long yu tasol, nogut yu pulap long en, na trautim dispela.Select Proverbs 25:16

17¶ Tekewe lek bilong yu long haus bilong man i stap klostu long yu. Nogut em i les tru long yu, na long dispela em i no laikim tru yu.Select Proverbs 25:17

18¶ Man husat i stap giaman witnes i birua long man i stap klostu long em, em i bikpela hama, na bainat, na spia i sap.Select Proverbs 25:18

19¶ Strongpela bilip long man yu no inap putim bilong long em long taim bilong hevi em i olsem wanpela tit i bruk na wanpela skru bilong fut i lus.Select Proverbs 25:19

20¶ Olsem em husat i tekewe klos long taim bilong kol, na olsem vinega i mekim long naita, em husat i singim ol song long man i bel hevi em i stap olsem tasol.Select Proverbs 25:20

21¶ Sapos birua bilong yu i hangre, givim bret long em bilong kaikai. Na sapos em i hangre long wara, givim wara long em bilong dring.Select Proverbs 25:21

22Long wanem, yu bai hipim ol hatpela sakol antap long het bilong em, na BIKPELA bai givim pe long yu.Select Proverbs 25:22

23¶ Win i kam long hap not i rausim ren i go. Olsem tasol pes i belhat i rausim i go tang i tok hait bilong daunim man.Select Proverbs 25:23

24¶ Em i mobeta long stap long kona antap long haus, long stap wantaim meri bilong pait na insait long haus i gat bikpela brait.Select Proverbs 25:24

25¶ Olsem ol kol wara long tewel i hangre long wara, olsem tasol em gutpela nius i kam long longwe kantri.Select Proverbs 25:25

26¶ Stretpela man i pundaun long pes bilong man nogut em i olsem ai bilong wara i sut i bagarap na ai bilong wara i paul.Select Proverbs 25:26

27¶ Em i no gutpela long kaikai planti hani. Olsem tasol sapos ol man i painim glori bilong ol yet, dispela i no glori tru.Select Proverbs 25:27

28¶ Em husat i no bosim spirit bilong em yet em i olsem biktaun i bruk pinis, na i no gat ol banis.Select Proverbs 25:28