31Proverbs 31

1¶ Ol toktok bilong king Lemyuel, dispela tok profet mama bilong em i skulim em long en.Select Proverbs 31:1

2Wanem samting, pikinini man bilong mi? Na wanem samting, pikinini man bilong bel bilong mi? Na wanem samting, pikinini man bilong ol strongpela promis bilong mi?Select Proverbs 31:2

3No ken givim strong bilong yu long ol meri, o ol rot bilong yu long dispela samting i bagarapim ol king olgeta.Select Proverbs 31:3

4Em i no bilong ol king, O Lemyuel, em i no bilong ol king bilong dring wain, o ol hetman strongpela dring.Select Proverbs 31:4

5Nogut ol i dring, na ol i lusim tingting long lo, na ol i paulim kot bilong wanpela man i kisim hevi.Select Proverbs 31:5

6Givim strongpela dring long em husat i redi long dai, na wain long ol husat ol bel bilong ol i hevi.Select Proverbs 31:6

7Larim em dring, na lusim tingting long rabisman pasin bilong em, na em i no ken holim tingting long ol hevi bilong em moa.Select Proverbs 31:7

8Opim maus bilong yu long sait bilong mauspas long wari bilong olgeta kain man husat ol i makim bilong kisim bagarap olgeta.Select Proverbs 31:8

9Opim maus bilong yu, jasim stretpela, na toktok wantaim strongpela askim long sait bilong wari bilong rabisman na man i gat nid.Select Proverbs 31:9

10¶ Husat i ken painim pinis meri bilong gutpela pasin? Long wanem, pe bilong em i antap longwe tru long pe bilong ol rubi.Select Proverbs 31:10

11Bel bilong man bilong em i bilip long em na i stap gut, inap long em bai i no gat nid long kisim kago bilong pait.Select Proverbs 31:11

12Meri bai mekim gut long em, na i no nogut, olgeta de bilong laip bilong em.Select Proverbs 31:12

13Em i painim gras bilong sipsip, na flaks, na mekim wok wantaim laik bilong bel wantaim tupela han bilong en.Select Proverbs 31:13

14Em i olsem ol sip bilong ol bisnisman. Em i bringim kaikai bilong em long longwe ples.Select Proverbs 31:14

15Em i kirap tu taim em i nait yet, na givim kaikai long ol wanhaus bilong en, na wanpela hap skel long ol yangpela meri bilong en.Select Proverbs 31:15

16Em i tingim na skelim wanpela ples kunai, na baim dispela. Wantaim kaikai bilong tupela han bilong en, em i planim gaden wain.Select Proverbs 31:16

17Strong em i pasim long bel bilong em olsem laplap, na em i strongim tupela han bilong en.Select Proverbs 31:17

18Em i kisim save long kago bilong em i gutpela. Kandel bilong em i no save dai long nait.Select Proverbs 31:18

19Em i putim tupela han bilong em long spindel, na tupela han bilong em i holim distap.Select Proverbs 31:19

20Em i opim han bilong en i go ausait long ol rabisman. Yes, em i stretim ol han bilong en i go ausait long helpim ol man i gat nid.Select Proverbs 31:20

21Em i no pret long ais long wanhaus bilong em. Long wanem, olgeta wanhaus bilong em i pasim klos skalet.Select Proverbs 31:21

22Em i wokim bilong em yet ol laplap i gat naispela piksa na kala. Ol klos bilong em i silka na purpelpela.Select Proverbs 31:22

23Ol i save long man bilong em long ol dua bilong banis, taim em i sindaun namel long ol lapun hetman bilong dispela hap.Select Proverbs 31:23

24Em i wokim naispela laplap, na salim dispela. Na em i kisim ol bikpela let i go long bisnisman.Select Proverbs 31:24

25Strong na ona em ol klos bilong en. Na em bai wokim amamas tru long taim i laik kamap.Select Proverbs 31:25

26Em i opim maus bilong em wantaim save tru. Na lo bilong mekim gut i stap long tang bilong em.Select Proverbs 31:26

27Em i lukluk gut long ol rot bilong ol wanhaus bilong em, na em i no save kaikai bret bilong les pasin.Select Proverbs 31:27

28Ol pikinini bilong em i kirap, na kolim em meri i gat blesing. Man bilong em tu, na em i litimapim nem bilong em.Select Proverbs 31:28

29Planti pikinini meri i bin mekim gutpela pasin, tasol yu winim ol olgeta.Select Proverbs 31:29

30Gutpela amamas em i samting bilong giaman, na naispela pes tru em i samting nating. Tasol meri husat i pret long BIKPELA, ol bai litimapim nem bilong em.Select Proverbs 31:30

31Givim em kaikai bilong tupela han bilong em. Na larim ol wok bilong em yet i litimapim nem bilong em long ol dua bilong banis.Select Proverbs 31:31