4Proverbs 4

1¶ Harim, yupela pikinini, tok skul bilong wanpela papa, na putim ia bilong kisim save long gutpela save.Select Proverbs 4:1

2Long wanem, mi givim gutpela skul long yupela. Yupela no ken givim baksait long lo bilong mi.Select Proverbs 4:2

3Long wanem, mi bin stap pikinini man bilong papa bilong mi, long ai bilong mama bilong mi mi no gat strong na mi wanpela i stap klostu tru long bel bilong em.Select Proverbs 4:3

4Papa i skulim mi tu, na tokim mi, Larim bel bilong yu holim i stap ol toktok bilong mi. Holimpas ol strongpela tok bilong mi, na stap laip.Select Proverbs 4:4

5Kisim save tru, kisim gutpela save. No ken lusim tingting long en. Na tu yu no ken lusim rot bilong ol toktok bilong maus bilong mi.Select Proverbs 4:5

6No ken givim baksait long em, na em bai lukautim yu i stap. Laikim em tru, na em bai holimpas yu.Select Proverbs 4:6

7Save tru em nambawan samting. Olsem na yu mas kisim save tru. Na wantaim olgeta samting yu kisim, kisim gutpela save.Select Proverbs 4:7

8Litimapim em, na bai em i litimapim yu. Em bai bringim yu long ona, taim yu holimpas em.Select Proverbs 4:8

9Em bai givim wanpela bilas bilong marimari long het bilong yu. Wanpela hat king bilong glori bai em i givim long yu.Select Proverbs 4:9

10Harim, O pikinini man bilong mi, na kisim ol toktok bilong mi. Na ol yia bilong laip bilong yu bai stap planti.Select Proverbs 4:10

11Mi bin skulim yu long rot bilong save tru. Mi bin go pas long yu long ol stretpela liklik rot.Select Proverbs 4:11

12Taim yu go, ol step bilong yu bai i no inap pas tumas. Na taim yu ran, yu bai i no inap sutim lek.Select Proverbs 4:12

13Holimpas tok skul na holim strong. No ken lusim em. Holimpas em. Long wanem, em i laip bilong yu.Select Proverbs 4:13

14¶ No ken go long liklik rot bilong ol man nogut, na no ken go long rot bilong ol man nogut.Select Proverbs 4:14

15Abrusim dispela, no ken go klostu long en, tanim i lusim dispela, na wokabaut i go.Select Proverbs 4:15

16Long wanem, ol i no slip, sapos ol i no bin mekim hambak pasin. Na slip bilong ol i go pinis, sapos ol i no mekim sampela man i pundaun.Select Proverbs 4:16

17Long wanem, ol i kaikai bret bilong pasin nogut, na ol i dring wain bilong pasin pait.Select Proverbs 4:17

18Tasol liklik rot bilong ol stretpela man em i olsem lait i strongpela, dispela i lait moa na moa i go inap long de i inap tru.Select Proverbs 4:18

19Rot bilong man nogut em i olsem tudak. Ol i no save ol i sutim lek long wanem samting.Select Proverbs 4:19

20¶ Pikinini man bilong mi, harim gut ol toktok bilong mi, putim ia bilong yu i go long ol toktok bilong mi.Select Proverbs 4:20

21No ken larim ol lusim tupela ai bilong yu. Holimpas ol long namel bilong bel bilong yu.Select Proverbs 4:21

22Long wanem, ol i stap laip long ol husat i painim ol pinis, na samting i mekim olgeta hap bilong bodi bilong ol i stap orait.Select Proverbs 4:22

23Holimpas bel bilong yu wantaim olgeta strong bilong yu. Long wanem, ol as bilong laip i save kamaut long en.Select Proverbs 4:23

24Rausim i go long yu maus i bikhet, na rausim maus i paul longwe long yu.Select Proverbs 4:24

25Larim tupela ai bilong yu lukluk stret, na larim ol laplap bilong ai bilong yu i lukluk stret long rot bilong yu.Select Proverbs 4:25

26Tingim na skelim liklik rot bilong ol lek bilong yu, na larim olgeta rot bilong yu i stap strong.Select Proverbs 4:26

27No ken tanim i go long han sut o long han kais. Tekewe lek bilong yu long pasin nogut.Select Proverbs 4:27