12Ecclesiastes 12

1¶ Holim tingting nau long Man i kamapim yu long nating long ol de yu stap yangpela, taim ol de nogut i no kamap, o ol yia i no wok long kam klostu, taim yu bai tok, Mi no gat amamas insait long ol,Select Ecclesiastes 12:1

2Taim san, o lait, o mun, o ol sta, i no stap tudak, o ol klaut i no kam bek bihain long ren,Select Ecclesiastes 12:2

3Long dispela de, taim ol wasman bilong haus bai guria, na ol strongpela man bai lindaunim ol yet, na ol lain bilong krungutim wit bai pinis, bilong wanem, ol i no planti, na ol dispela husat i lukluk i go ausait long ol windo bai stap tudak,Select Ecclesiastes 12:3

4Na ol dua bai pas long ol rot, taim nois bilong krungutim wit i daunbilo, na em bai kirap long nek bilong pisin, na olgeta pikinini meri bilong musik bai ol i bringim i kam daun,Select Ecclesiastes 12:4

5Na tu taim ol bai pret long dispela samting i stap antap, na ol pasin pret bai stap long rot, na ol diwai almon bai go gutpela tru, na ol grasop bai stap wanpela hevi, na olgeta laik bai fel, bilong wanem, man i go long longtaim haus bilong em, na ol lain bilong soim sori bai go nabaut long ol rot,Select Ecclesiastes 12:5

6O bipo long rop silva i go lus, o dis gol i bruk pinis, o jak bai bruk pinis long ai bilong wara i sut, o wil i bruk pinis long tang wara.Select Ecclesiastes 12:6

7Nau bai das i go bek long graun olsem em i stap bipo. Na spirit bai go bek long God, husat i givim dispela.Select Ecclesiastes 12:7

8¶ Samting nating bilong ol samting nating, man bilong autim tok i tok. Olgeta samting em i samting nating.Select Ecclesiastes 12:8

9Na moa tu, bikos man bilong autim tok em i saveman, em i skulim ol manmeri yet long save. Yes, em i tingting gut, na painimaut, na putim long lain planti provep.Select Ecclesiastes 12:9

10Man bilong autim tok i painim rot bilong painim ol toktok i orait. Na dispela samting ol i raitim em i stretpela, yes, ol toktok i tru.Select Ecclesiastes 12:10

11Ol toktok bilong ol saveman i stap olsem ol ain bilong hariapim animal, na olsem ol nil i pas strong long wok bilong han bilong ol bosman bilong bungim samting, dispela i kam long wanpela wasman bilong sipsip.Select Ecclesiastes 12:11

12Na moa, long ol dispela, pikinini man bilong mi, kisim strongpela skul. Long wokim planti buk i no gat pinis bilong en. Na taim man i stadi planti, dispela i mekim bodi i les tru.Select Ecclesiastes 12:12

13¶ Larim yumi harim pinis bilong ol dispela samting olgeta. Pret long God, na holimpas ol tok strong bilong Em. Long wanem, dispela em i wok stret olgeta bilong man.Select Ecclesiastes 12:13

14Long wanem, God bai bringim olgeta wan wan wok long kot, wantaim olgeta wan wan samting hait, sapos em i gutpela, o sapos em i nogut.Select Ecclesiastes 12:14