16Genesis 16

1¶ Nau Sarai, meri bilong Ebram, i no karim pikinini long em. Na em i gat wanpela wokmeri, wanpela meri Isip, husat nem bilong en em Hegar.Select Genesis 16:1

2Na Sarai i tokim Ebram, Lukim nau, BIKPELA i bin pasim mi long karim. Mi askim plis long yu, go insait i go long wokmeri bilong mi. Em i ken stap olsem long mi ken kisim ol pikinini long em. Na Ebram i bihainim nek bilong Sarai.Select Genesis 16:2

3Na Sarai, meri bilong Ebram, i kisim Hegar, wokmeri bilong en, meri Isip, bihain long Ebram i stap tenpela yia long hap bilong Kenan, na givim em long man bilong em Ebram bilong stap meri bilong em.Select Genesis 16:3

4¶ Na em i go insait i go long Hegar, na em i kisim bel. Na taim em i luksave long em i bin kisim bel pinis, bosmeri bilong em i samting nating long ai bilong em.Select Genesis 16:4

5Na Sarai i tokim Ebram, Rong bilong mi i stap antap long yu. Mi bin givim wokmeri bilong mi long bros bilong yu. Na taim em i luksave long em i bin kisim bel, mi stap samting nating long ai bilong em. BIKPELA i ken stap jas namel long mi na yu.Select Genesis 16:5

6Tasol Ebram i tokim Sarai, Lukim, wokmeri bilong yu i stap long han bilong yu. Mekim long em olsem em i amamasim yu. Na taim Sarai i mekim pasin i hat tru long em, em i ranawe long pes bilong em.Select Genesis 16:6

7¶ Na ensel bilong BIKPELA i lukim em klostu long wanpela ai bilong wara i sut, long ples i no gat man, klostu long ai bilong wara i sut long rot i go long Sur.Select Genesis 16:7

8Na Em i tok, Hegar, wokmeri bilong Sarai, yu kam long we? Na bai yu go we? Na em i tok, Mi ranawe long pes bilong bosmeri bilong mi, Sarai.Select Genesis 16:8

9Na ensel bilong BIKPELA i tokim em, Go bek long bosmeri bilong yu, na yu putim yu yet aninit long tupela han bilong em.Select Genesis 16:9

10¶ Na ensel bilong BIKPELA i tokim em, Mi bai mekim tumbuna pikinini bilong yu i kamap planti moa planti moa yet, inap long ol bai i no inap long kaunim, long wanem, ol i bikpela lain tru.Select Genesis 16:10

11Na ensel bilong BIKPELA i tokim em, Lukim, yu gat bel, na yu bai karim wanpela pikinini man, na yu bai kolim nem bilong em Ismael, bilong wanem, BIKPELA i bin harim long hevi bilong yu.Select Genesis 16:11

12Na em bai stap wanpela wailman. Na han bilong em bai birua long olgeta wan wan man, na han bilong olgeta wan wan man bai birua long em. Na em bai stap long pes bilong olgeta brata bilong em.Select Genesis 16:12

13Na em i kolim nem bilong BIKPELA husat toktok long em, Yu God i lukim mi. Long wanem, em i tok, Ating mi tu hia i bin lukluk i bihainim Em husat i lukim mi?Select Genesis 16:13

14Olsem na ol i kolim dispela hul wara Biar-lahairoi. Lukim, em i stap namel long Kedes na Beret.Select Genesis 16:14

15¶ Na Hegar i karim long Ebram wanpela pikinini man. Na Ebram i kolim nem bilong pikinini man bilong em, husat Hegar i karim, Ismael.Select Genesis 16:15

16Na Ebram i gat 86 krismas, taim Hegar i karim Ismael long Ebram.Select Genesis 16:16