2Genesis 2

1¶ Olsem tasol ol heven na dispela graun i pinis, na olgeta bikpela lain bilong ol.Select Genesis 2:1

2Na long de namba seven God i pinisim wok bilong Em, dispela Em i bin wokim. Na Em i malolo long de namba seven long olgeta wok bilong Em, dispela Em i bin wokim.Select Genesis 2:2

3Na God i blesim de namba seven, na mekim dispela i kamap holi. Bilong wanem, insait long en Em i bin malolo long olgeta wok bilong Em, dispela God i kamapim long nating na wokim.Select Genesis 2:3

4¶ Ol dispela em ol kamapim bilong ol heven na bilong dispela dispela graun taim God i kamapim ol long nating, long dispela de long God BIKPELA i wokim dispela graun na ol heven,Select Genesis 2:4

5Na olgeta wan wan samting bilong planim bilong ples kunai long bipo em i stap insait long dispela graun, na olgeta wan wan sayor bilong bikpela gaden bipo em i go bikpela. Long wanem, God BIKPELA i no bin mekim ren long pundaun antap long dispela graun, na i no gat wanpela man bilong brukim graun.Select Genesis 2:5

6Tasol sno wara i kamap long graun na givim wara long antap bilong olgeta hap bilong graun.Select Genesis 2:6

7Na God BIKPELA i wokim man long das bilong dispela graun, na winim win bilong laip i go insait long tupela hul bilong nus bilong em. Na man i kamap tewel i stap laip.Select Genesis 2:7

8¶ Na God BIKPELA i planim wanpela gaden long hap sankamap insait long Iden. Na Em i putim long dispela hap dispela man husat Em i bin wokim.Select Genesis 2:8

9Na ausait long graun God BIKPELA i mekim long go bikpela olgeta wan wan diwai i naispela bilong lukluk long en, na i gutpela bilong kaikai. Diwai bilong laip tu i stap insait long namel long gaden, na diwai bilong save long gutpela pasin na pasin nogut.Select Genesis 2:9

10Na wanpela riva i lusim Iden i go ausait bilong givim wara long gaden. Na long dispela hap em i bruk, na kamap fopela het bilong wara.Select Genesis 2:10

11Nem bilong namba wan em Paisan. Dispela em dispela husat i raunim olgeta hap bilong Havila, we gol i stap.Select Genesis 2:11

12Na gol bilong dispela hap em i gutpela. Long dispela hap bedeliam na ston oneks i stap.Select Genesis 2:12

13Na nem bilong namba tu riva em Gihon. Dispela stret em dispela husat i save raunim olgeta hap bilong Itiopia.Select Genesis 2:13

14Na nem bilong namba tri riva em Hidikel. Dispela em dispela husat i go long sait sankamap bilong Asiria. Na namba foa riva em Yufretis.Select Genesis 2:14

15Na God BIKPELA i kisim man, na putim em insait long gaden bilong Iden bilong wokim dispela na bilong lukautim dispela.Select Genesis 2:15

16¶ Na God BIKPELA i tok strong long dispela man, i spik, Long olgeta diwai bilong dispela gaden yu ken kaikai long laik bilong yu.Select Genesis 2:16

17Tasol long diwai bilong save bilong gutpela pasin na pasin nogut, yu bai i no inap kaikai long en. Long wanem, long de yu kaikai long en, tru tumas, yu bai dai.Select Genesis 2:17

18¶ Na God BIKPELA i tok, Em i no gutpela long man i ken stap wanpis. Mi bai wokim bilong em wanpela helpim i fit stret long em.Select Genesis 2:18

19Na ausait long graun God BIKPELA i wokim olgeta wan wan animal bilong ples kunai, na olgeta wan wan pisin bilong skai. Na Em i bringim ol long Adam bilong luksave long em bai i kolim ol wanem. Na wanem nem Adam i kolim olgeta wan wan samting i stap laip, dispela em i nem bilong en.Select Genesis 2:19

20Na Adam i givim ol nem long olgeta bulmakau samting, na long ol pisin bilong skai, na long olgeta wan wan animal bilong ples kunai. Tasol long Adam, God i no lukim wanpela helpim i fit stret long em.Select Genesis 2:20

21¶ Na God BIKPELA i mekim wanpela slip i dai i dip tru long pundaun antap long Adam, na em i slip. Na Em i kisim wanpela bilong ol bun bilong banis bilong em, na pasim bodi gen i kisim ples bilong en.Select Genesis 2:21

22Na dispela bun bilong banis, dispela God BIKPELA i bin kisim long man, Em i wokim i kamap wanpela meri, na bringim em i kam long man.Select Genesis 2:22

23Na Adam i tok, Dispela nau em i bun bilong ol bun bilong mi, na bodi bilong bodi bilong mi. Ol bai kolim em Meri, bilong wanem, God i kisim em i kam ausait long Man.Select Genesis 2:23

24Olsem na bai wanpela man i lusim papa bilong em na mama bilong em, na em bai holimpas strong meri bilong em. Na tupela bai stap wanpela bodi.Select Genesis 2:24

25Na tupela i stap skin nating, dispela man na meri bilong em, na tupela i no sem.Select Genesis 2:25