22Genesis 22

1¶ Na em i kamap olsem bihain long ol dispela samting, long God i bin traim Ebraham na tokim em, Ebraham. Na em i tok, Lukim, mi stap hia.Select Genesis 22:1

2Na Em i tok, Kisim nau pikinini man bilong yu, dispela wanpela pikinini man bilong yu Aisak, husat yu laikim tru, na kisim yu yet i go long hap bilong Moraia. Na ofaim em long dispela hap bilong wanpela ofa i kuk olgeta antap long wanpela bilong ol maunten, dispela Mi bai tokim yu long en.Select Genesis 22:2

3¶ Na Ebraham i kirap long moning tru, na putim sia long donki bilong em, na kisim tupela bilong ol yangpela man bilong em wantaim em, na Aisak, pikinini man bilong em, na brukim diwai bilong ofa i kuk olgeta, na kirap, na go long dispela ples God i bin tokim em long en.Select Genesis 22:3

4Nau long namba tri de Ebraham i litimapim tupela ai bilong em, na lukim dispela ples longwe.Select Genesis 22:4

5Na Ebraham i tokim ol yangpela man bilong en, Yupela stap hia wantaim donki. Na mi na manki bai go long hap na lotu, na kam gen long yupela.Select Genesis 22:5

6Na Ebraham i kisim diwai bilong ofa i kuk olgeta, na putim dispela antap long Aisak, pikinini man bilong em. Na em i kisim paia long han bilong em, na wanpela naip. Na tupela wantaim i go wantaim.Select Genesis 22:6

7Na Aisak i tokim Ebraham, papa bilong em, i spik, Papa bilong mi. Na em i tok, Mi stap hia, pikinini man bilong mi. Na em i tok, Lukim paia na diwai. Tasol pikinini sipsip bilong wanpela ofa i kuk olgeta i stap we?Select Genesis 22:7

8Na Ebraham i tok, Pikinini man bilong mi, God bai givim Em Yet wanpela pikinini sipsip bilong wanpela ofa i kuk olgeta. Olsem tasol tupela wantaim i go wantaim.Select Genesis 22:8

9Na tupela i kamap long dispela ples God i bin tokim em long en. Na Ebraham i wokim wanpela alta long dispela hap, na slipim diwai lain, na pasim Aisak, pikinini man bilong em, na slipim em long alta antap long diwai.Select Genesis 22:9

10Na Ebraham i stretim han bilong em i go ausait, na kisim naip bilong kilim i dai pikinini man bilong em.Select Genesis 22:10

11¶ Na ensel bilong BIKPELA i singaut long em long heven, na tok, Ebraham, Ebraham. Na em i tok, Mi stap hia.Select Genesis 22:11

12Na Em i tok, No ken putim han bilong yu antap long dispela manki, na tu yu no ken mekim wanpela samting long em. Long wanem, nau Mi save long yu pret long God, taim Mi luksave long yu no bin holim bek long Mi pikinini man bilong yu, dispela wanpela pikinini man bilong yu tasol.Select Genesis 22:12

13Na Ebraham i litimapim tupela ai bilong em, na lukluk, na lukim baksait long em wanpela sipsip man i pas long ol kom bilong em long wanpela ples bus i pas klostu klostu. Na Ebraham i go na kisim dispela sipsip man, na ofaim em i go antap bilong wanpela ofa i kuk olgeta bilong kisim ples bilong pikinini man bilong em.Select Genesis 22:13

14Na Ebraham i kolim nem bilong dispela ples Jehova-jaira. Olsem ol i tok inap long tude, Long maunten bilong BIKPELA bai ol i lukim dispela.Select Genesis 22:14

15¶ Na ensel bilong BIKPELA i singaut long Ebraham ausait long heven namba tu taim,Select Genesis 22:15

16Na tok, Long Mi Yet Mi bin wokim bikpela promis, BIKPELA i tok, Long wanem, bikos yu bin mekim dispela samting, na yu no bin holim bek pikinini man bilong yu, dispela wanpela pikinini man bilong yu tasol.Select Genesis 22:16

17Long blesing Mi bai blesim yu, na long wok bilong mekim i kamap planti moa bai Mi mekim tumbuna pikinini bilong yu i kamap planti moa olsem ol sta bilong heven, na olsem dispela wesan i stap antap long nambis bilong solwara. Na tumbuna pikinini bilong yu bai holimpas dua bilong banis bilong ol birua bilong em.Select Genesis 22:17

18Na long tumbuna pikinini bilong yu bai olgeta kantri bilong dispela graun kisim blesing. Bilong wanem, yu bin bihainim nek bilong Mi.Select Genesis 22:18

19Olsem na Ebraham i go bek long ol yangpela man bilong em, na ol i kirap na go wantaim long Biar-siba. Na Ebraham i stap long Biar-siba.Select Genesis 22:19

20¶ Na em i kamap olsem bihain long ol dispela samting, long ol i tokim Ebraham, i spik, Lukim, Milka, em i bin karim tu ol pikinini long brata bilong yu Nehor.Select Genesis 22:20

21Hus, namba wan pikinini man bilong em, na Bus, brata bilong em, na Kemuel, papa bilong Aram,Select Genesis 22:21

22Na Keset, na Haso, na Pildas, na Jitlap, na Betyuel.Select Genesis 22:22

23Na Betyuel i kamapim Rebeka. Ol dispela etpela Milka i bin karim long Nehor, brata bilong Ebraham.Select Genesis 22:23

24Na namba tu lain meri bilong em, husat nem bilong en em Reuma, em i karim tu Teba, na Gaham, na Tahas, na Meaka.Select Genesis 22:24