25Genesis 25

1¶ Nau gen Ebraham i kisim wanpela meri, na nem bilong en em Ketura.Select Genesis 25:1

2Na em i karim long em Simran, na Joksan, na Medan, na Midian, na Isbak, na Sua.Select Genesis 25:2

3Na Joksan i kamapim Siba, na Dedan. Na ol pikinini man bilong Dedan em Asurim, na Letusim, na Leumim.Select Genesis 25:3

4Na ol pikinini man bilong Midian, Ifa na Efer, na Hanok, na Abida, na Eldea. Olgeta dispela em ol pikinini bilong Ketura.Select Genesis 25:4

5Na Ebraham i givim olgeta samting em i gat long Aisak.Select Genesis 25:5

6Tasol long ol pikinini man bilong ol namba tu lain meri, husat Ebraham i gat, Ebraham i givim ol presen, na salim ol i go lusim Aisak, pikinini man bilong em, taim em i stap laip yet, i go long hap sankamap, i go long hap graun bilong hap sankamap.Select Genesis 25:6

7Na ol dispela em ol de bilong ol yia bilong laip bilong Ebraham, dispela em i stap laip, 175 yia.Select Genesis 25:7

8Na Ebraham i lusim spirit bilong em, na dai taim em i lapun tru, wanpela lapun man, i pulap long ol yia. Na em i go bungim ol lain bilong em.Select Genesis 25:8

9Na tupela pikinini man bilong em Aisak na Ismael i planim em long dispela hul i go insait long maunten bilong Makpela, long ples kunai bilong Efron, pikinini man bilong man Hit Sohar, dispela i stap long ai bilong Mamri,Select Genesis 25:9

10Dispela ples kunai Ebraham i baim long ol pikinini man bilong Het. Long dispela hap ol i planim Ebraham. na Sara, meri bilong em.Select Genesis 25:10

11¶ Na em i kamap olsem bihain long dai bilong Ebraham, long God i blesim pikinini man bilong em Aisak. Na Aisak i stap klostu long hul wara Lahairoi.Select Genesis 25:11

12Nau ol dispela em ol lain tumbuna bilong Ismael, pikinini man bilong Ebraham, husat meri Isip Hegar, wokmeri bilong Sara, i karim long Ebraham.Select Genesis 25:12

13Na ol dispela em ol nem bilong ol pikinini man bilong Ismel, long ol nem bilong ol, bilong bihainim ol lain tumbuna bilong ol. Namba wan pikinini bilong Ismael, Nebasot. Na Kedar, na Apdel, na Mipsam,Select Genesis 25:13

14Na Misma, na Duma, na Masa,Select Genesis 25:14

15Hadar, na Tema, Jetur, Nafis, na Kedema.Select Genesis 25:15

16Ol dispela em ol pikinini man bilong Ismael, na ol dispela em ol nem bilong ol, long ol taun bilong ol, na long ol strongpela haus soldia bilong ol, 12-pela hetman bilong bihainim ol kantri bilong ol.Select Genesis 25:16

17Na ol dispela em ol yia bilong laip bilong Ismael, 137 yia. Na em i lusim spirit bilong em na dai. Na em i go bungim ol lain bilong em.Select Genesis 25:17

18Na ol i stap long Havila i go inap long Sua, dispela i stap long long ai bilong Isip, taim yu go long Asiria. Na em i dai long pes bilong olgeta brata bilong em.Select Genesis 25:18

19¶ Na ol dispela em ol lain tumbuna bilong Aisak, pikinini man bilong Ebraham. Ebraham i kamapim Aisak.Select Genesis 25:19

20Na Aisak i gat 40-pela krismas taim em i kisim Rebeka long maritim, pikinini meri bilong man Siria Betyuel bilong Padan-aram, susa bilong man Siria Leban.Select Genesis 25:20

21Na Aisak i mekim strongpela askim long BIKPELA long sait bilong meri bilong em, bilong wanem, em i no inap long karim. Na BIKPELA i harim strongpela askim bilong em, na Rebeka, meri bilong em, i kisim bel.Select Genesis 25:21

22Na ol pikinini i pait wantaim insait long em. Na em i tok, Sapos em i stap olsem, bilong wanem mi stap olsem? Na em i go bilong askim long BIKPELA.Select Genesis 25:22

23Na BIKPELA i tokim em, Tupela kantri i stap insait long bel bilong yu, na tupela kain lain manmeri bai lusim rop bilong bel bilong yu. Na wanpela lain manmeri bai stap strong moa long arapela lain manmeri. Na namba wan pikinini bai stap wokboi bilong pikinini i yangpela moa.Select Genesis 25:23

24Na taim ol de bilong karim pikinini bilong em i kamap inap pinis, lukim, i gat twins i stap insait long bel bilong em.Select Genesis 25:24

25Na namba wan i kamaut retpela, olgeta hap bodi i olsem wanpela klos i gat planti gras bilong man. Na ol i kolim nem bilong em Iso.Select Genesis 25:25

26Na bihain long dispela brata bilong em i kamaut, na han bilong em i holimpas baksait bilong fut bilong Iso. Na ol i kolim nem bilong em Jekop. Na Aisak i gat 60 krismas, taim Rebeka i karim tupela.Select Genesis 25:26

27Na tupela pikinini man i go bikpela. Na Iso em i gat save stret long painim abus, wanpela man bilong ples kunai. Na Jekop i man i no gat namba, taim em stap long ol haus sel.Select Genesis 25:27

28Na Aisak i laikim tru Iso, bilong wanem, em i bin kaikai long abus bilong wail animal bilong em. Tasol Rebeka i laikim tru Jekop.Select Genesis 25:28

29¶ Na Jekop i boilim sup. Na Iso i kam long ples kunai, na em i hap i dai.Select Genesis 25:29

30Na Iso i tokim Jekop, Givim kaikai long mi, mi askim yu plis, wantaim dispela retpela sup stret. Long wanem, mi hap i dai. Olsem na ol i kolim nem bilong em Idom.Select Genesis 25:30

31Na Jekop i tok, Salim long mi tude rait bilong yu bilong namba wan pikinini.Select Genesis 25:31

32Na Iso i tok, Lukim, mi stap klostu tru long dai. Na dispela rait bilong namba wan pikinini bai helpim mi olsem wanem?Select Genesis 25:32

33Na Jekop i tok, Wokim strongpela promis long mi tude. Na em i wokim strongpela promis long em. Na em i salim long Jekop rait bilong em bilong namba wan pikinini.Select Genesis 25:33

34Na Jekop i givim Iso bret na sup bilong ol lentel. Na em i bin kaikai na dring, na kirap, na go long rot bilong em. Olsem tasol Iso i tingim rait bilong em bilong namba wan pikinini em i samting nating.Select Genesis 25:34