27Genesis 27

1¶ Na em i kamap olsem, long taim Aisak i lapun, na tupela ai bilong em i no lait gut, inap long em i no inap lukluk, em i singautim Iso, namba wan pikinini man bilong en, na tokim em, Pikinini man bilong mi. Na em i tokim em, Lukim, mi stap hia.Select Genesis 27:1

2Na em i tok, Lukim nau. Mi stap lapun, mi no save wanem de bai mi dai.Select Genesis 27:2

3Olsem na nau kisim, mi askim yu plis, ol samting bilong pait bilong yu, paus bilong yu i holim ol spia na banara bilong yu, na go long ples kunai, na kisim bilong mi sampela abus bilong wail animal.Select Genesis 27:3

4Na wokim bilong mi mit i gat gutpela test, kain olsem mi laikim tru, na bringim dispela long mi, inap long mi ken kaikai. Inap long tewel bilong mi i ken blesim yu bipo mi dai.Select Genesis 27:4

5Na Rebeka i harim taim Aisak i toktok long Iso, pikinini man bilong em. Na Iso i go long ples kunai bilong painim abus bilong wail animal, na bilong bringim dispela.Select Genesis 27:5

6¶ Na Rebeka i tokim Jekop, pikinini man bilong em, i spik, Lukim, mi harim papa bilong yu tokim Iso, brata bilong yu, i spik,Select Genesis 27:6

7Bringim mi abus bilong wail animal, na wokim bilong mi mit i gat gutpela test, inap long mi ken kaikai, na blesim yu long ai bilong BIKPELA bipo long dai bilong mi.Select Genesis 27:7

8Olsem na, nau pikinini man bilong mi, bihainim nek bilong mi bilong bihainim dispela samting mi tok strong long yu.Select Genesis 27:8

9Go nau long lain sipsip samting, na kisim i kam long mi long dispela hap tupela gutpela pikinini meme bilong ol meme. Na mi bai wokim mit i gat gutpela test bilong papa bilong yu, kain olsem em i laikim tru.Select Genesis 27:9

10Na yu bai ken bringim dispela i go long papa bilong yu, inap long em i ken kaikai, na inap long em i ken blesim yu bipo long dai bilong em.Select Genesis 27:10

11Na Jekop i tokim Rebeka, mama bilong en, Lukim, brata bilong mi Iso em i wanpela man i gat planti gras, na mi man skin i no rap liklik.Select Genesis 27:11

12Sapos i gat sans long papa bilong mi bai pilim mi, na mi bai luk olsem long em olsem wanpela man bilong giaman. Na mi bai bringim wanpela tok nogut antap long mi, na i no wanpela blesing.Select Genesis 27:12

13Na mama bilong em i tokim em, Tok nogut bilong yu bai stap antap long mi, pikinini man bilong mi. Tasol bihainim nek bilong mi, na go kisim tupela i kam long mi.Select Genesis 27:13

14Na em i go, na kisim, na bringim ol long mama bilong em. Na mama bilong em i wokim mit i gat gutpela test, kain olsem papa bilong em i laikim tru.Select Genesis 27:14

15Na Rebeka i kisim gutpela klos bilong namba wan pikinini man bilong em Iso, dispela i stap wantaim em long haus, na putim ol antap long Jekop, pikinini man bilong em i yangpela moa.Select Genesis 27:15

16Na em i putim ol skin bilong ol pikinini meme bilong ol meme antap long tupela han bilong em, na antap long hap i no rap bilong nek bilong em.Select Genesis 27:16

17Na em i givim dispela mit i gat gutpela test na bret, dispela em i bin wokim, i go long han bilong pikinini man bilong em Jekop.Select Genesis 27:17

18¶ Na em i kam long papa bilong em, na tok, Papa bilong mi. Na em i tok, Mi stap hia. Yu husat, pikinini man bilong mi?Select Genesis 27:18

19Na Jekop i tokim papa bilong em, Mi Iso, namba wan pikinini bilong yu. Mi bin mekim bilong bihainim olsem yu bin tokim mi. Kirap, mi askim yu plis, sindaun na kaikai long abus bilong wail animal bilong mi, inap long tewel bilong yu i ken blesim mi.Select Genesis 27:19

20Na Aisak i tokim pikinini man bilong em, Dispela i stap olsem wanem long yumi bin painim dispela hariap olsem, pikinini man bilong mi? Na em i tok, Bilong wanem, BIKPELA, God bilong yu, i bringim dispela i kam long mi.Select Genesis 27:20

21Na Aisak i tokim Jekop, Kam klostu, mi askim yu plis, inap long mi ken pilim yu, pikinini man bilong mi, sapos yu stap pikinini man tru bilong mi Iso, o nogat.Select Genesis 27:21

22Na Jekop i go klostu long Aisak, papa bilong en. Na em i pilim em, na tok, Nek em i nek bilong Jekop, tasol ol han em ol han bilong Iso.Select Genesis 27:22

23Na em i no klia tru long em, bilong wanem, ol han bilong em i gat planti gras, olsem ol han bilong brata bilong em Iso. Olsem na em i blesim em.Select Genesis 27:23

24Na em i tok, Ating tru tru yu pikinini man bilong mi Iso? Na em i tok, Em mi.Select Genesis 27:24

25Na em i tok, Bringim kaikai klostu long mi, na mi bai kaikai bilong abus bilong wail animal bilong pikinini man bilong mi, inap tewel bilong mi i ken blesim yu. Na em i bringim dispela klostu long em, na em i bin kaikai. Na em i bringim em wain, na em i dring.Select Genesis 27:25

26Na papa bilong em Aisak i tokim em, Kam klostu nau, na givim kis long mi, pikinini man bilong mi.Select Genesis 27:26

27Na em i kam klostu, na givim kis long em. Na em i smelim smel bilong klos bilong em, na blesim em, na tok, Lukim, smel bilong pikinini man bilong mi i olsem smel bilong ples kunai, dispela BIKPELA i bin blesim.Select Genesis 27:27

28Olsem na God i givim yu bilong liklik wara bilong nait bilong heven, na gris bilong graun, na planti bilong wit samting na wain.Select Genesis 27:28

29Larim ol manmeri i ken wokim wok wokboi long yu, na ol kantri i ken lindaun long yu. Stap bikman antap long ol brata bilong yu, na larim ol pikinini man bilong mama bilong yu i ken lindaun long yu. Tok nogut i stap long olgeta wan wan husat i tok nogut long yu, na blesing i stap long em husat i blesim yu.Select Genesis 27:29

30¶ Na em i kamap olsem, long taim stret long Aisak i bin wokim wanpela pinis long blesim Jekop, na klostu yet long taim Jekop i go ausait i lusim pes bilong Aisak, papa bilong en, long Iso, brata bilong em, i kam insait long wok bilong em bilong painim abus.Select Genesis 27:30

31Na em tu i bin wokim mit i gat gutpela test, na bringim dispela i go long papa bilong em, na tokim papa bilong em, Larim papa bilong mi kirap, na kaikai long abus bilong wail animal bilong pikinini man bilong em, inap long tewel bilong yu i ken blesim mi.Select Genesis 27:31

32Na Aisak, papa bilong em, i tokim em, Yu husat? Na em i tok, Mi pikinini man bilong yu, namba wan pikinini bilong yu Iso.Select Genesis 27:32

33Na Aisak i guria planti moa yet, na tok, Husat? Em husat i bin kisim abus bilong wail animal, na bringim dispela long mi, na mi bin kaikai bilong olgeta bipo yu kam, na bin blesim em, i stap we? Yes, na blesing bai stap long em.Select Genesis 27:33

34Na taim Iso i harim ol toktok bilong papa bilong em, em i singaut wantaim wanpela krai i bikpela na i pait tru, na tokim papa bilong em, Blesim mi, yes, mi tu, O papa bilong mi.Select Genesis 27:34

35Na em i tok, Brata bilong yu i kam wantaim tingting i antap tumas, na em i bin kisim i go blesing bilong yu.Select Genesis 27:35

36Na em i tok, Ating em i no stret long kolim nem bilong em Jekop? Long wanem, em i bin kisim ples bilong mi dispela tupela taim. Em i kisim i go rait bilong mi bilong namba wan pikinini. Na, lukim, nau em i bin kisim i go blesing bilong mi. Na em i tok, Yu no bin holim bek wanpela blesing bilong mi?Select Genesis 27:36

37Na Aisak i bekim na tokim Iso, Lukim, mi bin mekim em bikman bilong yu, na olgeta brata bilong em mi bin givim long em bilong stap ol wokboi bilong em. Na wantaim wit samting na wain mi bin strongim em. Na mi bai mekim wanem nau long yu, pikinini man bilong mi?Select Genesis 27:37

38Na Iso i tokim papa bilong em, Yu gat wanpela blesing tasol, papa bilong mi? Blesim mi, yes, mi tu, O papa bilong mi. Na Iso i litimapim nek bilong em, na krai tru.Select Genesis 27:38

39Na Aisak, papa bilong em, i bekim na tokim em, Lukim, ples bilong sindaun long en bilong yu bai stap dispela gris bilong dispela graun, na wara bilong nait bilong heven i kam daun long antap.Select Genesis 27:39

40Na long bainat bilong yu bai yu stap laip, na yu bai wokim wok wokboi long brata bilong yu. Na em bai kamap olsem taim yu gat strong bilong bosim, long yu bai brukim dispela yok i lusim nek bilong yu.Select Genesis 27:40

41¶ Na Iso i no laikim tru Jekop, bilong tingim dispela blesing we papa bilong em i bin blesim em wantaim dispela. Na Iso i tok insait long bel bilong em, Ol de bilong krai sori long papa bilong mi i klostu. Bihain bai mi kilim i dai brata bilong mi Jekop.Select Genesis 27:41

42Na ol i tokim Rebeka long ol dispela toktok bilong Iso, namba wan pikinini man bilong em. Na em i salim tok na singautim Jekop, pikinini man bilong em i yangpela moa, na tokim em, Lukim, brata bilong yu Iso, long sait bilong yu, i givim bel isi long em yet, taim em i wokim tingting long kilim yu.Select Genesis 27:42

43Olsem na nau, pikinini man bilong mi, bihainim nek bilong mi. Na kirap, na yu ranawe i go long Leban, brata bilong mi, long Haran.Select Genesis 27:43

44Na stap yet wantaim em sampela de, inap long belhat nogut tru bilong brata bilong yu i tanim i go,Select Genesis 27:44

45Inap belhat bilong brata bilong yu i tanim i go lusim yu, na em i lusim tingting long dispela samting yu bin mekim long em. Bihain mi bai salim tok, na kisim yu i kam long dispela hap. Bilong wanem God i ken tekewe tu yutupela wantaim long mi long wanpela de?Select Genesis 27:45

46Na Rebeka i tokim Aisak, Mi pilim les tru long laip bilong mi, bilong tingim ol pikinini meri Het. Sapos Jekop i kisim wanpela meri long ol pikinini meri bilong Het, kain olsem ol dispela husat i stap bilong ol pikinini meri bilong dispela hap, laip bilong mi bai mekim wanem gutpela samting long mi?Select Genesis 27:46