3Genesis 3

1¶ Nau, snek i gat tingting i antap tumas moa long olgeta wan wan animal bilong ples kunai husat God BIKPELA i bin wokim. Na em i tokim meri, Yes, ating God i tok, Yupela bai i no inap kaikai long olgeta diwai bilong gaden?Select Genesis 3:1

2Na meri i tokim snek, Mipela i ken kaikai kaikai bilong ol diwai bilong gaden.Select Genesis 3:2

3Tasol kaikai bilong dispela diwai i stap long namel bilong gaden, God i bin tok, Yupela bai i no inap kaikai long en, na tu yupela bai i no inap tasim dispela, nogut yupela i dai.Select Genesis 3:3

4Na snek i tokim meri, Tru tumas, yupela bai i no inap dai.Select Genesis 3:4

5Long wanem, God i save long de yupela i kaikai long en, nau ol ai bilong yupela bai op, na yupela bai stap olsem ol god, taim yupela i save long gutpela samting na samting nogut.Select Genesis 3:5

6¶ Na taim meri i luksave long dispela diwai i gutpela bilong kaikai, na long em i naispela long ol ai, na wanpela diwai wanpela i ken laikim bilong mekim em i kamap saveman, em i kisim kaikai long en, na em i bin kaikai, na givim tu long man bilong em wantaim em. Na em i bin kaikai.Select Genesis 3:6

7Na ol ai bilong tupela i op, na tupela i save long ol i stap skin nating. Na tupela i samapim ol lip bilong diwai fik wantaim, na wokim ol epron bilong ol yet.Select Genesis 3:7

8Na tupela i harim nek bilong God BIKPELA taim Em i wokabaut long gaden long taim kol liklik bilong de. Na Adam na meri bilong em i haitim ol yet long pes bilong God BIKPELA namel long ol diwai bilong gaden.Select Genesis 3:8

9¶ Na God BIKPELA i singaut long Adam, na tokim em, Yu stap we?Select Genesis 3:9

10Na Adam i tok, Mi harim nek bilong Yu long gaden, na mi pret, bilong wanem, mi stap skin nating. Na mi haitim mi yet.Select Genesis 3:10

11¶ Na God i tok, Husat i tokim yu long yu stap skin nating? Yu bin kaikai long dispela diwai, we Mi givim tok strong long yu long yu no ken kaikai long en?Select Genesis 3:11

12Na man i tok, Dispela meri husat Yu givim bilong stap wantaim mi, em i givim mi long dispela diwai, na mi bin kaikai.Select Genesis 3:12

13Na God BIKPELA i tokim meri, Dispela yu bin mekim em i wanem samting? Na meri i tok, Snek i trikim mi, na mi bin kaikai.Select Genesis 3:13

14¶ Na God BIKPELA i tokim snek, Bikos yu bin mekim dispela, tok nogut i stap antap long yu antap moa long olgeta bulmakau samting, na antap moa long olgeta wan wan animal bilong ples kunai. Antap long bel bilong yu bai yu wokabaut, na bai yu kaikai das olgeta de long laip bilong yu.Select Genesis 3:14

15Na Mi bai putim pasin birua namel long yu na meri, na namel long pikinini kaikai bilong yu na pikinini kaikai bilong em. Dispela bai bagarapim het bilong yu, na yu bai bagarapim lek bilong em.Select Genesis 3:15

16¶ Long meri Em i tok, Bel hevi bilong yu na hevi bilong yu taim yu kisim bel, Mi bai mekim i kamap planti moa tru. Long bel hevi yu bai karim ol pikinini. Na laik bilong yu bai stap long man bilong yu, na em bai bosim yu.Select Genesis 3:16

17¶ Na long Adam Em i tok, Bikos yu bin bihainim nek bilong meri bilong yu, na yu bin kaikai long dispela diwai, dispela Mi bin givim tok strong long yu, i spik, Yu bai i no inap kaikai long en, tok nogut i stap antap long dispela graun bilong tingim nem bilong yu. Long bel hevi bai yu kaikai long en olgeta de bilong laip bilong yu.Select Genesis 3:17

18Ol rop i gat nil tu na ol gras nogut bai em i karim long yu. Na yu bai kaikai sayor bilong bikpela gaden.Select Genesis 3:18

19Long tuhat bilong pes bilong yu bai yu kaikai bret, inap long yu go bek long graun. Long wanem, ausait long en Mi bin kisim yu. Long wanem, yu stap das, na yu bai go bek long das.Select Genesis 3:19

20¶ Na Adam i kolim nem bilong meri bilong em Iv. Bilong wanem, em i mama bilong olgeta i stap laip.Select Genesis 3:20

21¶ Na long Adam tu na long meri bilong em God BIKPELA i wokim ol saket bilong ol skin, na putim klos long ol.Select Genesis 3:21

22¶ Na God BIKPELA i tok, Lukim, man i kamap olsem wanpela bilong yumi, bilong save long gutpela samting na samting nogut. Na nau, nogut em i putim han bilong em i go ausait, na kisim tu bilong diwai bilong laip, na kaikai, na stap laip oltaim oltaim.Select Genesis 3:22

23Olsem na God BIKPELA i salim em i go ausait long gaden bilong Iden, bilong brukim graun we God i kisim em long en.Select Genesis 3:23

24Olsem tasol Em i ranim man i go ausait. Na Em i putim long hap sankamap bilong gaden bilong Iden ol Serupim, na wanpela bainat i paia, dispela i tanim nabaut long olgeta wan wan hap, bilong lukautim rot bilong diwai bilong laip.Select Genesis 3:24