32Genesis 32

1¶ Na Jekop i wokabaut i go long rot bilong em. Na ol ensel bilong God i bungim em.Select Genesis 32:1

2Na taim Jekop i lukim ol, em i tok, Dispela em i ami bilong God. Na em i kolim nem bilong dispela ples Mahanaim.Select Genesis 32:2

3¶ Na Jekop i salim ol mausman i go pas long em. Ol i go long Iso, brata bilong em, long hap graun bilong Sir, em kantri bilong Idom.Select Genesis 32:3

4Na em i givim strongpela tok long ol, i spik, Yupela i mas tok long bikman bilong mi Iso olsem, Wokboi bilong yu Jekop i tok olsem, Mi bin sindaun sampela taim wantaim Leban, na mi bin i stap long hap inap long nau.Select Genesis 32:4

5Na mi gat ol bulmakau man, na ol donki, na ol sipsip samting, na ol wokboi, na ol wokmeri. Na mi bin salim man bilong tokim bikman bilong mi, bai mi ken kisim marimari long ai bilong yu.Select Genesis 32:5

6Na ol mausman i kam bek long Jekop, na i spik, Mipela i kamap long brata bilong yu Iso. Na tu em i kam bilong bungim yu. Na 400 man i kam wantaim em.Select Genesis 32:6

7Orait Jekop i pret nogut tru na i pilim hevi. Na em i brukim ol manmeri i stap wantaim em, na ol sipsip samting, na ol bulmakau, na ol kemel, em i brukim ol long tupela lain.Select Genesis 32:7

8Na em i tok, Sapos Iso i kamap long wanpela lain na i paitim dispela, orait arapela lain i stap yet em i ken ranawe.Select Genesis 32:8

9¶ Na Jekop i tok, O God bilong papa bilong mi Ebraham, na God bilong papa bilong mi Aisak, em dispela BIKPELA i bin tokim mi olsem, Yu go bek long kantri bilong yu, na long ol wanlain bilong yu, na bai Mi mekim gutpela pasin long yu.Select Genesis 32:9

10Mi no gutpela inap long kisim liklik hap bilong olgeta sori bilong Yu, na bilong olgeta tok tru Yu bin soim dispela long wokboi bilong Yu. Long wanem, long wokabaut stik bilong mi, mi bin brukim dispela Jordan. Na nau mi kamap tupela lain.Select Genesis 32:10

11Mi askim plis long yu long yu mas tekewe mi long han bilong brata bilong mi, long han bilong Iso. Long wanem, mi pret long em. Nogut em bai kam na paitim mi na mama wantaim ol pikinini.Select Genesis 32:11

12Na Yu bin tok, Tru tumas, bai Mi mekim gutpela pasin long yu. Na bai Mi mekim ol tumbuna pikinini bilong yu i kamap olsem wesan bilong solwara, man i no inap kaunim ol, long wanem, ol i planti tru.Select Genesis 32:12

13¶ Na long dispela nait yet, em i stap long dispela hap. Na long dispela samting i kam long han bilong en, em i kisim presen i go long Iso, brata bilong en.Select Genesis 32:13

14Em i kisim 200 meme meri, na 20 meme man, na 200 sipsip meri, na 20 sipsip man,Select Genesis 32:14

15Na 30 kemel meri wantaim ol pikinini bilong ol, na 40 bulmakau meri, na tenpela bulmakau man, na 20 donki meri, na tenpela yangpela donki.Select Genesis 32:15

16Na em i givim ol long han bilong ol wokboi bilong en, olgeta wan wan lain long ples bilong ol yet. Na em i tokim ol wokboi bilong en, Yupela i mas brukim dispela hap paslain long mi. Na yupela i mas putim spes namel long arapela lain na arapela lain.Select Genesis 32:16

17Na em i givim strongpela tok long man i go pas, na em i spik, Taim Iso brata bilong mi i bungim yu na em i askim yu, i spik, Yu bilong husat? Na yu go we? Na ol dispela i stap long pes bilong yu, ol i bilong husat?Select Genesis 32:17

18Orait yu mas tok, Ol i bilong wokboi bilong yu Jekop. Em i wanpela presen em i salim i kam long bikman bilong mi Iso. Na, lukim, em tu i stap baksait long mipela.Select Genesis 32:18

19Na em i givim wankain strongpela tok long namba tu man, na long namba tri man, na long olgeta man i bihainim ol lain animal. Na em i spik, Long dispela wankain pasin yupela i mas toktok long Iso, taim yupela i lukim em.Select Genesis 32:19

20Na moa tu yupela i mas tok, Lukim, wokboi bilong yu Jekop i stap baksait long mipela. Long wanem, em i tok, Long dispela presen i go paslain long mi, bai mi mekim em i bel isi. Na bihain bai mi lukim pes bilong em, sapos em bai orait long kisim dispela long mi.Select Genesis 32:20

21Olsem na dispela presen i go long hap paslain long em. Na em yet i stap long kem dispela nait.Select Genesis 32:21

22Na long dispela nait em i kirap. Na em i kisim tupela meri bilong en, na tupela wokmeri bilong en, na 11-pela pikinini man bilong en, na em i brukim liklik wara Jabok.Select Genesis 32:22

23Na em i kisim ol na salim ol i go long hapsait bilong liklik wara. Na em i salim i go hapsait ol samting bilong en.Select Genesis 32:23

24¶ Na Jekop tasol i stap. Na long dispela hap wanpela man i pait wantaim em inap long tulait i kamap.Select Genesis 32:24

25Na taim em i lukim em i no winim em, orait em i tasim skru i antap bilong lek bilong em. Na skru i antap bilong lek bilong Jekop i lus, taim em i pait wantaim em.Select Genesis 32:25

26Na em i tok, Larim mi go, long wanem, tulait i wok long kamap. Na em i tok, Mi no bai larim yu i go, sapos yu no blesim mi.Select Genesis 32:26

27Na em i tokim em, Wanem em i nem bilong yu? Na em i tok, Jekop.Select Genesis 32:27

28Na em i tok, Bai ol i no moa kolim nem bilong yu Jekop, nogat. Bai ol i kolim yu Isrel. Long wanem, olsem wanpela pikinini man bilong king, yu gat pawa wantaim God na wantaim man. Na yu bin win.Select Genesis 32:28

29Na Jekop i askim em, na tok, Mi askim plis long yu long yu tokim mi long nem bilong yu. Na em i tok, Bilong wanem yu askim nem bilong mi? Na long dispela hap em i blesim em.Select Genesis 32:29

30Na Jekop i kolim nem bilong dispela ples Peniel. Em i tok, Long wanem, mi bin lukim God long pes i lukim pes na mi stap laip yet.Select Genesis 32:30

31Na taim em i brukim Penyuel, san i kamap long em, na em i wokabaut kranki long lek bilong en.Select Genesis 32:31

32Olsem na inap long dispela de ol pikinini bilong Isrel i no save kaikai dispela rop bilong skru i bin kamap liklik. Em i stap long skru bilong lek. Bilong wanem, em i bin tasim skru i antap bilong lek bilong Jekop, long dispela rop bilong skru i bin kamap liklik.Select Genesis 32:32