34Genesis 34

1¶ Na Daina, pikinini meri bilong Lia, em i karim em long Jekop, em i go bilong lukim ol pikinini meri bilong dispela hap graun.Select Genesis 34:1

2Na taim Sekem, pikinini man bilong man Hiv Hemor, hetman bilong dispela kantri, i lukim em, em i kisim em. Na em i slip wantaim em, na mekim em i doti.Select Genesis 34:2

3Na tewel bilong em i pas long Daina, pikinini meri bilong Jekop. Na em i laikim tru dispela yangpela meri. Na em i mekim gutpela tok long dispela yangpela meri.Select Genesis 34:3

4Na Sekem i tokim papa bilong en Hemor, i spik, Yu mas kisim dispela yangpela meri bilong kamap meri bilong mi.Select Genesis 34:4

5Na Jekop i harim tok long em i bin mekim Daina, pikinini meri bilong en, i kamap doti. Nau ol pikinini man bilong em, ol i stap long ples kunai wantaim ol bulmakau samting. Na Jekop i pasim maus inap long ol i kam.Select Genesis 34:5

6¶ Na Hemor, papa bilong Sekem, em i go long Jekop bilong toktok wantaim em.Select Genesis 34:6

7Na ol pikinini man bilong Jekop i kam long lusim ples kunai taim ol i harim tok long dispela. Na ol dispela man i bel hevi na ol i gat bikpela belhat, bilong wanem, em i bin mekim pasin nogut long Isrel, taim em i slip wantaim pikinini meri bilong Jekop. Dispela samting man i no ken mekim.Select Genesis 34:7

8Na Hemor i toktok wantaim ol, i spik, Tewel bilong pikinini man bilong mi Sekem em i krai long kisim pikinini meri bilong yupela. Mi askim plis long yupela long yupela i mas givim em long em bilong i stap meri bilong em.Select Genesis 34:8

9Na yupela i mas mekim ol marit wantaim mipela. Na yupela i ken givim ol pikinini meri bilong yupela long mipela. Na yupela i ken kisim ol pikinini meri bilong mipela i kam long yupela.Select Genesis 34:9

10Na yupela i ken stap wantaim mipela. Na dispela hap graun bai i stap long pes bilong yupela. Yupela i ken stap na wok bisnis long en, na yupela i ken kisim ol kago long en.Select Genesis 34:10

11Na Sekem i tok long papa bilong dispela meri na long ol brata bilong em, Yupela i mas larim mi kisim marimari long ol ai bilong yupela. Na samting yupela bai tokim mi, em bai mi givim.Select Genesis 34:11

12Yupela i ken askim mi long givim pe bilong meri na presen olsem olsem, na bai mi givim bilong bihainim tok yupela i mekim long mi. Tasol yupela i mas givim mi dispela yangpela meri bilong i kamap meri bilong mi.Select Genesis 34:12

13Na ol pikinini man bilong Jekop i bekim tok giaman long Sekem na long Hemor, papa bilong em. Ol i tok olsem, bilong wanem, em i bin mekim Daina, susa bilong ol, i doti.Select Genesis 34:13

14Na ol i tokim tupela, Mipela i no inap mekim dispela samting na givim susa bilong mipela long man i no bin katim skin. Long wanem, dispela i givim sem long mipela.Select Genesis 34:14

15Tasol bai mipela i tok yes long yupela long dispela samting. Sapos yupela bai i stap olsem mipela, na olgeta wan wan man bilong yupela i katim skin,Select Genesis 34:15

16Orait bai mipela i givim ol pikinini meri bilong mipela long yupela. Na bai mipela i kisim ol pikinini meri bilong yupela i kam long mipela. Na bai mipela i sindaun wantaim yupela. Na bai yumi kamap wanpela lain manmeri.Select Genesis 34:16

17Tasol sapos yupela i no harim mipela na katim skin, orait bai mipela i kisim pikinini meri bilong mipela, na bai mipela i go.Select Genesis 34:17

18¶ Na ol tok bilong ol i amamasim Hemor na Sekem, pikinini man bilong Hemor.Select Genesis 34:18

19Na dispela yangpela man i no wet long mekim dispela samting, bilong wanem, em i amamas long pikinini meri bilong Jekop. Na long pasin bilong kisim ona, em i winim olgeta wanhaus bilong papa bilong en.Select Genesis 34:19

20Na Hemor na Sekem, pikinini man bilong en, tupela i kam long dua bilong banis bilong biktaun bilong ol. Na tupela i toktok wantaim ol man bilong biktaun bilong ol, i spik,Select Genesis 34:20

21Ol dispela man i stap bel isi wantaim yumi. Olsem na yumi mas larim ol i stap long dispela hap, na wok bisnis insait long en. Long wanem, lukim, dispela em bikpela inap long ol. Larim yumi kisim ol pikinini meri bilong ol long i kamap ol meri bilong yumi, na larim yumi givim ol pikinini meri bilong yumi long ol.Select Genesis 34:21

22Bai ol dispela man i tok yes long yumi long sindaun wantaim yumi na kamap wanpela lain manmeri sapos yumi mekim wanpela samting tasol. Sapos olgeta wan wan man namel long yumi i katim skin, olsem ol i bin katim skin, orait bai ol i tok yes.Select Genesis 34:22

23Ating ol bulmakau samting bilong ol na ol kago bilong ol na olgeta wan wan animal bilong ol bai i kamap samting bilong yumi, a? Tasol yumi mas tok yes long ol, na bai ol i sindaun wantaim yumi.Select Genesis 34:23

24Na olgeta wan wan man i save go ausait long dua bilong banis bilong biktaun bilong Hemor, ol i harim tok bilong Hemor na Sekem, pikinini man bilong em. Na olgeta wan wan man i katim skin. Em olgeta man i save go ausait long dua bilong banis bilong biktaun bilong en.Select Genesis 34:24

25¶ Na long de namba tri, taim ol i pilim pen, em i kamap olsem, tupela pikinini man bilong Jekop, em Simion na Livai, ol i brata bilong Daina, tupela wan wan i kisim bainat bilong en. Na tupela i no pret na i kam long dispela biktaun. Na ol i kilim i dai olgeta man na pikinini man.Select Genesis 34:25

26Na long sap bilong bainat ol i kilim i dai Hemor na Sekem, pikinini man bilong em. Na ol i rausim Daina long haus bilong Sekem, na ol i go.Select Genesis 34:26

27Ol pikinini man bilong Jekop i kamap long ol man ol i bin kilim i dai, na i karim i go ol kago bilong dispela biktaun, bilong wanem, ol i bin mekim susa bilong ol doti.Select Genesis 34:27

28Ol i kisim i go ol sipsip bilong ol, na ol bulmakau man bilong ol, na ol donki bilong ol, na ol dispela samting i stap long biktaun, na ol dispela samting i stap long ples kunai,Select Genesis 34:28

29Na olgeta mani samting bilong ol, na olgeta pikinini bilong ol. Na ol i kisim ol meri bilong ol i go kalabus. Na tu ol i karim i go, yes, em olgeta samting i stap insait long haus.Select Genesis 34:29

30Na Jekop i tokim Simion na Livai, Yupela i bin givim hevi long mi na mekim mi i sting namel long ol manmeri bilong dispela hap graun, namel long ol lain Kenan na ol lain Peres. Na lain bilong mi i no planti, olsem na bai ol yet i bung wantaim bilong birua long mi na kilim i dai mi. Na bai mi kisim bagarap olgeta, mi wantaim ol wanhaus bilong mi.Select Genesis 34:30

31Na ol i tok, Ating em i ken mekim kain pasin long susa bilong mipela, olsem ol i mekim long wanpela pamuk meri, a?Select Genesis 34:31