35Genesis 35

1¶ Na God i tokim Jekop, Yu kirap. Yu mas go antap na go long Betel na sindaun long dispela hap. Na long dispela hap yu mas wokim wanpela alta long God, Em i bin kamap long ai bilong yu taim yu bin ranawe long pes bilong Iso, brata bilong yu.Select Genesis 35:1

2Na Jekop i tok long ol wanhaus bilong en na long olgeta manmeri i stap wantaim em olsem, Yupela i mas rausim ol arapela god giaman i stap namel long yupela. Na yupela i mas stap klin na senisim ol klos bilong yupela.Select Genesis 35:2

3Na yumi ken kirap na go antap long Betel. Na long dispela hap bai mi wokim wanpela alta long God. Em i bekim tok long mi long taim bilong hevi bilong mi. Na Em i stap wantaim mi long rot mi bin i go long en.Select Genesis 35:3

4Na ol i givim long Jekop olgeta god giaman i stap long han bilong ol, na olgeta bilas bilong ia i stap long ia bilong ol. Na Jekop i haitim ol aninit long diwai ok i stap klostu long Sekem.Select Genesis 35:4

5Na ol i bin wokabaut i go, na pret long God i stap long ol biktaun i stap nabaut long ol. Na ol i no ranim ol pikinini man bilong Jekop.Select Genesis 35:5

6¶ Olsem na Jekop i kam long Lus, em i stap long hap graun bilong Kenan, na em Betel. Em wantaim olgeta manmeri i stap wantaim em, ol i kam.Select Genesis 35:6

7Na long dispela hap em i wokim wanpela alta. Na em i kolim dispela ples El-betel. Bilong wanem, God i kamap long ai bilong em long dispela hap, taim em i ranawe long pes bilong brata bilong en.Select Genesis 35:7

8Tasol Debora, wokmeri bilong Rebeka i lukautim ol pikinini, em i dai pinis. Na ol i planim em daunbilo long Betel aninit long wanpela diwai ok. Na ol i kolim nem bilong dispela diwai Alon-bakut.Select Genesis 35:8

9Na God i kamap long ai bilong Jekop gen, taim em i lusim Padan-aram Na Em i blesim em.Select Genesis 35:9

10Na God i tok long em, Nem bilong yu Jekop. Ol i no moa bai kolim nem bilong yu Jekop, nogat. Tasol nem bilong yu bai i stap Isrel. Na Em i kolim nem bilong em Isrel.Select Genesis 35:10

11Na God i tok long em, Mi God i Gat Olgeta Strong. Yu mas karim kaikai na kamap planti. Bai yu kamap wanpela kantri na bung bilong planti kantri. Na bai yu stap tumbuna bilong ol king.Select Genesis 35:11

12Na dispela graun Mi bin givim Ebraham na Aisak, bai Mi givim long yu. Na bai Mi givim dispela hap graun long ol tumbuna pikinini bilong yu i kamap bihain long yu.Select Genesis 35:12

13Na God i lusim em na i go antap long dispela ples Em i toktok wantaim em long en.Select Genesis 35:13

14Na Jekop i sanapim wanpela pos long dispela ples Em i bin toktok wantaim Em long en, yes, wanpela ston olsem pos. Na em i kapsaitim wanpela ofa bilong dring long dispela. Na tu em i kapsaitim wel long dispela.Select Genesis 35:14

15Na dispela ples God i bin toktok wantaim em long dispela hap, Jekop i kolim nem bilong en Betel.Select Genesis 35:15

16¶ Na ol i lusim Betel na wokabaut i go. Na rot i kam long Efrat em sotpela tasol. Na Resel i pilim pen, na em i gat hatwok long karim pikinini.Select Genesis 35:16

17Na em i kamap olsem, taim em i hatwok, meri bilong helpim meri i karim pikinini em i tok long em, Yu no ken pret. Bai yu karim dispela pikinini man tu.Select Genesis 35:17

18Na em i kamap olsem, taim tewel bilong em i laik lusim em (long wanem, em i dai pinis) em i kolim nem bilong em Benoni. Tasol papa bilong em i kolim em Benjamin.Select Genesis 35:18

19Na Resel i dai pinis, na ol i planim em long rot i go long Efrat, em Betlehem.Select Genesis 35:19

20Na Jekop i sanapim wanpela pos antap long matmat bilong em. Dispela em pos bilong matmat bilong Resel inap long dispela de.Select Genesis 35:20

21¶ Na Isrel i wokabaut i go. Na em i sanapim haus sel bilong en long hapsait bilong taua Eder.Select Genesis 35:21

22Na em i kamap olsem, taim Isrel i sindaun i stap long dispela hap graun, Ruben i go na slip wantaim Bilha, wanpela nambatu lain meri bilong papa bilong en. Na Isrel i harim tok long dispela. Nau ol pikinini man bilong Jekop i 12-pela.Select Genesis 35:22

23Ol pikinini man bilong Lia i olsem, Ruben, namba wan pikinini i kamap long Jekop, na Simion, na Livai, na Juda, na Isaka, na Sebyulan.Select Genesis 35:23

24Ol pikinini man bilong Resel i Josep na Benjamin.Select Genesis 35:24

25Na ol pikinini man bilong Bilha, wokmeri bilong Resel, i Dan na Naptalai.Select Genesis 35:25

26Na ol pikinini man bilong Silpa, wokmeri bilong Lia i Gat na Asia. Ol dispela i ol pikinini man bilong Jekop, ol i kamap long em long Padan-aramSelect Genesis 35:26

27Na Jekop i kam long Aisak, papa bilong en, long Mamri, long biktaun Arba. Arba em Hibron, ples Ebraham na Aisak i bin i stap sampela taim.Select Genesis 35:27

28Na ol de bilong Aisak i 180 krismas.Select Genesis 35:28

29Na spirit bilong Aisak i lusim em na em i dai pinis. Na em i bungim lain tumbuna manmeri bilong en. Em i lapun na pulap long ol de. Na ol pikinini man bilong em, Iso na Jekop, ol i planim em.Select Genesis 35:29