4Genesis 4

1¶ Na Adam i save long Iv, meri bilong em. Na em i kisim bel, na karim Ken, na tok, Mi bin kisim wanpela man long BIKPELA.Select Genesis 4:1

2Na gen em i karim brata bilong en Ebel. Na Ebel em i man bilong lukautim sipsip, tasol Ken em i man bilong brukim graun long gaden.Select Genesis 4:2

3¶ Na taim taim i wok long ran em i kamap olsem, long Ken i bringim kaikai bilong graun long stap wanpela ofa i go long BIKPELA.Select Genesis 4:3

4Na Ebel, em tu i bringim bilong ol namba wan pikinini bilong lain sipsip bilong em bilong ol gris bilong en. Na BIKPELA i bin lukluk wantaim amamas long Ebel na long ofa bilong em.Select Genesis 4:4

5Tasol long Ken na long ofa bilong em Em i no bin lukluk wantaim amamas. Na Ken em i belhat nogut tru, na pes bilong em i pundaun.Select Genesis 4:5

6¶ Na BIKPELA i tokim Ken, Bilong wanem yu stap belhat tru? Na bilong wanem pes bilong yu i pundaun?Select Genesis 4:6

7Sapos yu mekim gutpela pasin, ating Mi bai i no inap orait long yu? Na sapos yu no mekim gutpela pasin, orait sin i slip klostu long dua. Na laik bilong en bai stap long yu, na yu bai bosim em.Select Genesis 4:7

8¶ Na Ken i toktok wantaim Ebel, brata bilong em. Na em i kamap olsem, taim tupela i stap long ples kunai, long Ken i kirap na birua long Ebel, brata bilong em. Na em i kilim em i dai.Select Genesis 4:8

9¶ Na BIKPELA i tokim Ken, Brata bilong yu Ebel i stap we? Na em i tok, Mi no save. Mi man bilong lukautim brata bilong mi?Select Genesis 4:9

10Na God i tok, Yu bin mekim wanem? Nek bilong blut bilong brata bilong yu i singaut long Mi long graun.Select Genesis 4:10

11Na nau yu stap aninit long kot bilong dispela graun, husat i bin opim maus bilong em bilong kisim blut bilong brata bilong yu i kam long han bilong yu.Select Genesis 4:11

12Taim yu brukim graun long gaden, em bai i no inap givim strong bilong en long yu i stat long nau i go. Long dispela graun bai yu stap man bilong ranawe na rabisman i bilong raun nating.Select Genesis 4:12

13¶ Na Ken i tokim BIKPELA, Mekim save bilong mi em bikpela moa long mi ken karim.Select Genesis 4:13

14Lukim, Yu bin ranim mi i go ausait tude long pes bilong dispela graun. Na long pes bilong Yu bai mi stap hait. Na mi bai stap man i ranawe na rabisman i raun nating insait long dispela graun. Na em bai kamap olsem, long olgeta wan wan husat i lukim mi bai kilim mi i dai.Select Genesis 4:14

15Na BIKPELA i tokim em, Olsem na husat man i kilim i dai Ken, Mi bai bekim pe antap long em sevenpela taim. Na BIKPELA i putim wanpela mak antap long Ken, nogut taim wanpela man i lukim em em i ken kilim em.Select Genesis 4:15

16¶ Na Ken i go ausait i lusim pes bilong BIKPEL, na em i stap long hap bilong Not, long hap sankamap bilong Iden.Select Genesis 4:16

17Na Ken i save long meri bilong en. Na em i kisim bel, na karim Inok. Na em i wokim wanpela biktaun, na kolim nem bilong dispela biktaun, i bihainim nem bilong pikinini man bilong en, Inok.Select Genesis 4:17

18Na long Inok meri i karim Irat. Na Irat i kamapim Mehujael. Na Mehujael i kamapim Metusael. Na Metusael i kamapim Lamek.Select Genesis 4:18

19¶ Na Lamek i maritim tupela meri. Nem bilong wanpela em Eda, na nem bilong arapela Sila.Select Genesis 4:19

20Na Eda i karim Jebal. Em i papa bilong kain man i save stap long ol haus sel, na bilong kain man i gat ol bulmakau samting.Select Genesis 4:20

21Na nem bilong brata bilong en em Jubal. Em i papa bilong olgeta kain man i save putim han long harp na organ.Select Genesis 4:21

22Na Sila, em tu i karim Tubal-ken, wanpela man bilong skulim olgeta wan wan man i wokim samting long bras na ain. Na susa bilong Tubal-ken em Neama.Select Genesis 4:22

23¶ Na Lamek i tokim tupela meri bilong em, Eda na Sila, Harim nek bilong mi, Yutupela meri bilong Lamek, harim gut toktok bilong mi. Long wanem, mi bin kilim i dai wanpela man inap long bagarap bilong mi, na wanpela yangpela man inap long pen bilong mi.Select Genesis 4:23

24Sapos God bai bekim pe long man i kilim i dai Ken sevenpela taim, tru tumas, long Lamek em bai 77-pela taim.Select Genesis 4:24

25¶ Na Adam i save gen long meri bilong em, na em i karim wanpela pikinini man, na kolim nem bilong em Set. Long wanem, God, em i tok, i bin makim narapela pikinini long mi bilong kisim ples bilong Ebel, husat Ken i kilim i dai.Select Genesis 4:25

26Na long Set, long em tu meri bilong em i karim wanpela pikinini man. Na em i kolim nem bilong em Inos. Nau ol man i stat long singaut long nem bilong BIKPELA.Select Genesis 4:26