45Genesis 45

1¶ Long dispela taim Josep i no inap pasim bel bilong en yet long pes bilong olgeta man i sanap klostu long em. Na em i singaut, Yupela mekim olgeta wan wan man i lusim mi na i go. Na i no gat wanpela man i sanap wantaim em, taim Josep i toksave long em yet long ol brata bilong en.Select Genesis 45:1

2Na em i krai bikmaus. Na ol Isip na ol wanhaus bilong Fero ol i harim.Select Genesis 45:2

3Na Josep i tok olsem long ol brata bilong en, Mi Josep. Papa bilong mi i stap laip yet? Na ol brata bilong en ol i no inap bekim tok long em. Long wanem, ol i kirap nogut tru long em i stap.Select Genesis 45:3

4Na Josep i tok long ol brata bilong en, Mi askim plis long yupela long kam klostu long mi. Na ol i kam klostu. Na em i tok, Mi Josep, brata bilong yupela, yupela i bin salim mi long Isip.Select Genesis 45:4

5Olsem na nau yupela i no ken bel hevi o kros long yupela yet, long yupela i bin salim mi long kamap wokboi nating long hia. Long wanem, God i salim mi i kam paslain long yupela bilong helpim man i stap laip.Select Genesis 45:5

6Long wanem, dispela bikpela hangre i bin stap tupela yia long dispela hap graun. Na faipela yia i stap yet. Na wit samting bai i no karim pikinini na i no gat taim bilong kamautim kaikai long dispela taim.Select Genesis 45:6

7Na God i salim mi i kam paslain long yupela bilong helpim ol pikinini bilong yupela i stap laip long dispela graun, na bilong kisim bek ol laip bilong yupela long wanpela bikpela kisim bek.Select Genesis 45:7

8Olsem nau i no yupela i salim mi i kam long hia, nogat. Em God. Na Em i mekim mi i stap wanpela papa long Fero. Na mi stap bikman bilong olgeta wanhaus bilong em, na mi stap wanpela hetman long olgeta hap bilong Isip.Select Genesis 45:8

9Yupela hariap na go antap na go long papa bilong mi. Na yupela tokim em olsem, Pikinini man bilong yu, Josep, em i tok olsem, God i bin mekim mi i stap bikman bilong olgeta Isip. Yu kam daun long mi. Yu no ken wet.Select Genesis 45:9

10Na bai yu stap long hap graun bilong Gosen. Na bai yu stap klostu long mi. Yu na ol pikinini bilong yu, na ol pikinini bilong ol pikinini bilong yu, na ol lain sipsip samting bilong yu, na ol lain bulmakau samting bilong yu, na olgeta samting yu holim bai ol i stap.Select Genesis 45:10

11Na bai mi givim kaikai long yu long dispela hap. Long wanem, faipela yia bilong bikpela hangre i stap yet. Nogut yu na ol wanhaus bilong yu, na olgeta samting yu gat, ol bai i kamap rabisman.Select Genesis 45:11

12Na, lukim, ai bilong yupela i lukim na ai bilong brata bilong mi Benjamin i lukim em maus bilong mi i toktok long yupela.Select Genesis 45:12

13Na yupela i ken tokim papa bilong mi long olgeta glori bilong mi long Isip, na long olgeta samting yupela i bin lukim. Na yupela i mas hariap na bringim papa bilong mi i kam daun hia.Select Genesis 45:13

14Na em i krai long nek bilong brata bilong en Benjamin. Na Benjamin i krai long nek bilong em.Select Genesis 45:14

15Na moa tu em i givim kis long olgeta brata bilong en, na em i krai long ol. Na bihain long dispela, ol brata bilong en i toktok wantaim em.Select Genesis 45:15

16¶ Na long haus bilong Fero ol i harim gutpela tok long dispela. Na ol i spik, Ol brata bilong Josep i bin i kam. Na Fero wantaim ol wokboi bilong em, ol i amamas tru.Select Genesis 45:16

17Na Fero i tokim Josep, Yu tok olsem long ol brata bilong yu, Yupela mekim olsem, putim kago long ol animal bilong yupela na go. Yupela go long hap graun bilong Kenan.Select Genesis 45:17

18Na yupela kisim papa bilong yupela na ol wanhaus bilong yupela, na yupela kam long mi. Na bai mi givim yupela ol gutpela samting bilong hap graun bilong Isip. Na yupela bai kaikai ol gutpela kaikai bilong dispela hap bilong graun.Select Genesis 45:18

19Nau mi givim yupela strongpela tok. Yupela i mas mekim olsem, yupela i mas kisim ol karis i lusim Isip na i go. Em long karim ol liklik pikinini bilong yupela na ol meri bilong yupela. Na yupela i mas bringim papa bilong yupela na kam.Select Genesis 45:19

20Na tu yupela i no ken tingting long ol samting bilong yupela. Long wanem, ol gutpela samting bilong olgeta hap graun bilong Isip em bilong yupela.Select Genesis 45:20

21Na ol pikinini bilong Israel i mekim olsem. Na Josep i bin givim ol karis long ol, bilong bihainim strongpela tok bilong Fero. Na em i bin givim kaikai samting long ol long helpim ol long rot.Select Genesis 45:21

22Long olgeta wan wan man bilong ol, em i givim nupela klos. Tasol long Benjamin em i givim 300 hap silva na faipela senis klos.Select Genesis 45:22

23Na em i salim olsem long papa bilong en, tenpela donki i karim i go ol gutpela samting bilong Isip, na tenpela meri donki i karim i go wit samting na bret na kaikai long helpim papa bilong em long rot.Select Genesis 45:23

24Olsem na em i salim ol brata bilong en i go, na ol i lusim em. Na em i tok long ol, Yupela lukaut. Nogut yupela i kirap na pait long rot.Select Genesis 45:24

25¶ Na ol i lusim Isip na i go antap. Na ol i kam long Jekop, papa bilong ol, long graun bilong Kenan.Select Genesis 45:25

26Na ol i tokim em, i spik, Josep i stap laip yet, na em i stap nambawan gavman long olgeta hap bilong Isip. Na bel bilong Jekop i hap i dai, long wanem, em i no bilipim tok bilong ol.Select Genesis 45:26

27Na ol i tokim em long olgeta tok bilong Josep, em i bin tokim ol. Na taim em i lukim ol karis Josep i bin salim i kam bilong karim em i go, spirit bilong Jekop, papa bilong ol, i kirap gen.Select Genesis 45:27

28Na Isrel i tok, Em inap. Josep, pikinini man bilong mi, em i stap laip yet. Bai mi go na lukim em paslain long mi dai pinis.Select Genesis 45:28