50Genesis 50

1¶ Na Josep i pundaun antap long pes bilong papa bilong en. Na em i krai long em na givim kis long em.Select Genesis 50:1

2Na Josep i givim strongpela tok long ol wokboi bilong en, ol i dokta, long putim marasin long bodi bilong papa bilong en long em i no ken sting. Na ol dokta i putim dispela marasin long bodi bilong Isrel.Select Genesis 50:2

3Na em i stap inap long 40-pela de. Long wanem, ol man ol i putim marasin long bodi bilong en, ol i mas i stap olsem. Na ol Isip i krai sori long em inap long 70-pela de.Select Genesis 50:3

4Na taim ol de bilong krai sori i pinis, Josep i tok long ol wanhaus bilong Fero, i spik, Sapos nau mi bin kisim marimari long ol ai bilong yupela mi askim plis long yupela long tok long ia bilong Fero, na spik,Select Genesis 50:4

5Papa bilong mi i mekim mi tok tru antap, em i spik, Harim, mi laik i dai pinis. Yu mas planim mi long matmat bilong mi, em mi bin digim long mi long graun bilong Kenan. Olsem na nau mi askim plis long yu long larim mi go antap na planim papa bilong mi, na bai mi kam bek gen.Select Genesis 50:5

6Na Fero i tok, Yu go antap, na yu planim papa bilong yu, olsem em i mekim yu tok tru antap long mekim.Select Genesis 50:6

7¶ Na Josep i go antap bilong planim papa bilong en. Na olgeta wokboi bilong Fero, na ol lapun hetman bilong haus bilong em, na olgeta lapun hetman bilong graun bilong Isip, ol i go antap wantaim em.Select Genesis 50:7

8Na olgeta wanhaus bilong Josep, na ol brata bilong em, na ol wanhaus bilong papa bilong em, ol i go wantaim. Ol liklik pikinini na ol lain sipsip samting na ol lain bulmakau samting tasol, ol i bin larim i stap long hap graun bilong Gosen.Select Genesis 50:8

9Na ol karis wantaim ol man i sindaun long hos, ol tu i go antap wantaim em. Em bikpela tru lain manmeri.Select Genesis 50:9

10Na ol i kamap long ples bilong krungutim wit long Atat, em long hap sait bilong Jordan. Na long dispela hap ol i krai sori long bikpela krai i bikpela nogut tru. Na em i wokim wanpela krai sori bilong papa bilong en inap long sevenpela de.Select Genesis 50:10

11Na taim ol manmeri bilong dispela hap, ol lain Kenan, i lukim dispela krai sori long plua bilong Atat, ol i tok, Dispela em i bikpela krai sori tru long ol lain Isip. Olsem na ol i kolim nem bilong en Ebel-misraim, dispela i stap hapsait long Jordan.Select Genesis 50:11

12Na ol pikinini man bilong em, ol i mekim long em bilong bihainim strongpela tok bilong em long ol.Select Genesis 50:12

13Long wanem, ol pikinini man bilong em i karim em i go long hap bilong Kenan, na planim em long hul long maunten bilong ples kunai bilong Makpela, dispela Ebraham i baim wantaim ples kunai bilong wanpela holimpas bilong stap ples matmat long man Hit Efron, long ai bilong Mamre.Select Genesis 50:13

14Na Josep i go bek long Isip. Em wantaim ol brata bilong en, na olgeta i bin go antap wantaim em bilong planim papa bilong en, bihain long em i planim papa bilong en, ol i go bek.Select Genesis 50:14

15¶ Na taim ol brata bilong Josep i lukim papa bilong ol i dai pinis, ol i tok, Ating Josep bai i no laikim tru yumi. Na tru tumas, bai em i bekim long yumi olgeta pasin nogut yumi bin mekim long em.Select Genesis 50:15

16Na ol i salim wanpela mausman i go long Josep. Na em i spik, Papa bilong yu i no dai pinis yet, na em i givim strongpela tok, i spik,Select Genesis 50:16

17Yupela i mas tok olsem long Josep, Mi askim plis long yu nau long lusim pasin bilong ol brata bilong yu long kalapim lo na sin bilong ol. Long wanem, ol i bin mekim pasin nogut long yu. Na nau, mipela i askim plis long yu, yu lusim pasin bilong ol wokboi bilong God bilong papa bilong yu, ol i bin sakim lo. Na Josep i krai, taim ol i toktok long em.Select Genesis 50:17

18Na ol brata bilong en tu ol i go na pundaun long pes bilong en. Na ol i tok, Lukim, mipela i ol wokboi bilong yu.Select Genesis 50:18

19Na Josep i tokim ol, Yupela i no ken pret. Long wanem, ating mi stap senis bilong God, a?Select Genesis 50:19

20Tasol mi tok long yupela, yupela i bin tingting long mekim pasin nogut long mi. Tasol God i tingting long em i kamap gutpela, bai em i ken i kamap olsem em i stap long dispela de. Em bilong kisim bek planti manmeri na ol i stap laip.Select Genesis 50:20

21Olsem na nau yupela i no ken pret. Bai mi givim kaikai long yupela na ol liklik pikinini bilong yupela. Na em i givim bel isi long ol na em i mekim gutpela tok long ol.Select Genesis 50:21

22¶ Na Josep i stap long Isip, em wantaim wanhaus bilong papa bilong en. Na Josep i stap laip 110 krismas.Select Genesis 50:22

23Na Josep i lukim ol tumbuna pikinini bilong Ifraim inap long namba tri lain. Na ol pikinini bilong Makir, pikinini man bilong Manasa, ol i sindaun long lek bilong Josep.Select Genesis 50:23

24Na Josep i tokim ol brata bilong en, Mi laik i dai pinis. Na tru tumas, God bai kam lukim yupela. Na Em bai bringim yupela i lusim dispela hap graun, na i go long hap graun Em i bin tok tru antap long givim long Ebraham, na long Aisak, na long Jekop.Select Genesis 50:24

25Na Josep i mekim ol pikinini bilong Isrel i tok tru antap, na em i spik, Tru tumas, God bai i kam lukim yupela. Na yupela i mas karim ol bun bilong mi i lusim hia na i go antap.Select Genesis 50:25

26Olsem na Josep i dai pinis. Em i gat 110 krismas. Na ol i putim marasin long bodi bilong em long em i no ken sting. Na ol i putim em long wanpela bokis bilong daiman long Isip.Select Genesis 50:26