2Exodus 2

1¶ Na wanpela man long lain bilong Livai i bin i go na kisim i kamap meri bilong em wanpela pikinini meri bilong lain Livai.Select Exodus 2:1

2Na dispela meri i kisim bel na em i karim wanpela pikinini man. Na taim em i lukim em na save em i naispela pikinini, em i haitim em tripela mun.Select Exodus 2:2

3Na taim em i no inap haitim em moa, em i kisim wanpela liklik bot bilong em ol i bin wokim long gras samting. Na em i strongim dispela wantaim kolpela na hatpela kolta. Na em i putim dispela pikinini insait long dispela, na em i putim liklik bot long ol pitpit long arere bilong wara riva.Select Exodus 2:3

4Na susa bilong em i sanap longwe liklik long kisim save long ol bai mekim wanem long em.Select Exodus 2:4

5¶ Na pikinini meri bilong Fero i kam daun long wasim em yet long wara riva. Na ol wokmeri bilong em i wokabaut long arere bilong wara. Na taim em i lukim dispela liklik bot i stap namel long ol pitpit, em i salim wokmeri bilong em long kisim dispela.Select Exodus 2:5

6Na taim em i opim dispela, em i lukim pikinini, na harim, bebi i krai. Na em i sori tru long em na tok, Dispela em i wanpela bilong ol pikinini bilong ol Hibru.Select Exodus 2:6

7Long dispela taim susa bilong pikinini i tokim pikinini meri bilong Fero, Yu laik mi go na singautim wanpela meri i gat susu bilong ol meri Hibru i kam long yu, bai em i ken givim susu long dispela pikinini bilong helpim yu?Select Exodus 2:7

8Na pikinini meri bilong Fero i tokim em, Go. Na dispela yangpela meri i go na singautim mama bilong dispela pikinini.Select Exodus 2:8

9Na pikinini meri bilong Fero i tokim em, Kisim dispela pikinini i go, na givim susu long em bilong helpim mi, na bai mi givim yu pe bilong yu. Na meri i kisim dispela pikinini na em i givim susu long em.Select Exodus 2:9

10Na pikinini i kamap bikpela na mama i bringim em long pikinini meri bilong Fero, na em i kamap pikinini man bilong em. Na em i makim nem Moses long em. Na em i tok, Long wanem mi bin kisim em i kamaut long wara.Select Exodus 2:10

11¶ Na em i kamap long ol dispela de, taim Moses i kamap bikpela pinis, long em i go long ol lain bilong em na lukim ol hevi bilong ol. Na em i lukim wanpela man Isip i paitim wanpela Hibru, em long lain bilong em.Select Exodus 2:11

12Na em i lukluk long dispela sait na long arapela sait, na taim em i lukim olsem i no gat man, em i kilim i dai dispela man Isip na haitim em long wesan.Select Exodus 2:12

13Na taim em i go ausait long namba tu de, harim, tupela man bilong ol Hibru i pait wantaim. Na Moses i tokim man i mekim rong, Bilong wanem yu paitim wantok bilong yu?Select Exodus 2:13

14Na dispela man i tok, Husat i bin mekim yu wanpela hetman na jas bilong mipela? Yu gat laik long kilim mi i dai olsem yu bin kilim i dai dispela man Isip? Na Moses i pret na tok, Tru tumas ol i save long dispela samting.Select Exodus 2:14

15Nau taim Fero i harim dispela samting, em i laik kilim Moses i dai. Tasol Moses i ranawe long pes bilong Fero, na em i go stap long hap graun bilong Midian. Na em i sindaun klostu long wanpela hul wara.Select Exodus 2:15

16¶ Nau pris bilong Midian i gat sevenpela pikinini meri. Na ol i kam na kisim wara i kam antap na pulapim ol bokis bilong holim wara bilong givim wara long ol sipsip samting bilong papa bilong ol.Select Exodus 2:16

17Na ol wasman bilong sipsip i kam na rausim ol i go. Tasol Moses i sanap na helpim ol meri na givim wara long ol sipsip samting bilong ol.Select Exodus 2:17

18Na taim ol i kam long Reuel, em papa bilong ol, em i tok, Olsem wanem yupela i kam kwiktaim tude?Select Exodus 2:18

19Na ol i tok, Wanpela man Isip i kisim bek mipela long han bilong ol wasman bilong sipsip, na tu em i pulim wara i kam antap inap long mipela na em i givim wara long ol sipsip samting.Select Exodus 2:19

20Na em i toktok long ol pikinini meri bilong em, Na em i stap we? Bilong wanem yupela i bin lusim dispela man? Singautim em, bai em i ken kaikai bret.Select Exodus 2:20

21Na Moses i kisim bel isi long stap wantaim dispela man. Na em i givim Moses pikinini meri bilong em Sipora.Select Exodus 2:21

22Na em i karim wanpela pikinini man long Moses, na Moses i makim nem bilong em Gersom. Long wanem em i tok, Mi bin i stap man bilong longwe ples long narapela hap graun.Select Exodus 2:22

23¶ Na em i kamap long taim bilong em yet olsem, king bilong Isip i dai pinis. Na ol pikinini bilong Isrel i soim wari bilong hevi, na as bilong dispela em i ol i stap long slev pasin, na ol i krai na as bilong dispela em i ol i stap long slev pasin na krai bilong ol i kamap long God.Select Exodus 2:23

24Na God i harim ol krai bilong pen bilong ol, na God i tingim gen long kontrak bilong Em wantaim Ebraham, na wantaim Aisak, na wantaim Jekop.Select Exodus 2:24

25Na God i lukluk long ol pikinini bilong Isrel, na God i givim ona long ol.Select Exodus 2:25