21Exodus 21

1¶ Nau ol dispela em i ol tok bilong kot yu mas putim ol dispela long pes bilong ol.Select Exodus 21:1

2Sapos yu baim wanpela Hibru wokboi, em bai mekim wok bilong yu sikispela yia, na long yia namba seven, em bai lusim yu na i stap fri, na em i no mas baim dispela.Select Exodus 21:2

3Sapos em i bin kam long yu em yet tasol, em bai go lusim yu, em yet tasol. Sapos em i bin marit, orait meri bilong em bai go lusim yu wantaim em.Select Exodus 21:3

4Sapos bosman bilong em i bin givim em wanpela i kamap meri bilong em, na em i karim ol pikinini man o ol pikinini meri, meri na ol pikinini bilong em bai i bilong bosman bilong em, na man bai lusim na go, em yet tasol.Select Exodus 21:4

5Na sapos wokboi i tokaut klia na tok, Mi laikim tru bosman bilong mi, na meri bilong mi, na ol pikinini bilong mi. Mi no laik lusim ol na go fri.Select Exodus 21:5

6Long dispela taim bosman bilong em bai bringim em long ol jas. Na tu bosman bai bringim em long dua, o long pos bilong dua, na bosman bilong em bai kisim nil na mekim hul long ia bilong em, na em bai mekim wok bilong dispela bosman oltaim.Select Exodus 21:6

7Na sapos wanpela man i salim pikinini meri bilong em long em i kamap wokmeri, em bai i no lusim i go olsem ol wokboi i mekim.Select Exodus 21:7

8Sapos bosman bilong em i no amamas long em bihain long em i makim em long kamap meri bilong em yet, orait bosman bai larim wanpela i baim bek em. Bosman i no gat namba long salim em long narapela kantri, long wanem em i bin giamanim dispela meri.Select Exodus 21:8

9Na sapos em i bin makim em long kamap meri bilong pikinini man bilong em, em bai mekim pasin long em olsem em i pikinini meri bilong em.Select Exodus 21:9

10Sapos em i kisim narapela meri, em i no inap sotim kaikai bilong meri, o klos bilong meri, o marit pasin bilong dispela meri.Select Exodus 21:10

11Na sapos em i no mekim dispela tripela samting long em, orait meri bai lusim em i go fri, na em i no mas baim dispela long mani.Select Exodus 21:11

12¶ Man i paitim narapela man inap long em i dai pinis, tru tumas ol i mas kilim i dai dispela man.Select Exodus 21:12

13Na sapos wanpela man i no hait na wet long kilim em, tasol God i givim em long han bilong em, long dispela taim bai Mi makim wanpela ples long yu long em i ken ranawe long dispela.Select Exodus 21:13

14Tasol sapos wanpela man i kam long bikhet pasin long man i stap klostu long em bilong giamanim em bilong kilim em i dai, yu mas rausim em long alta bilong Mi, bai em i ken i dai pinis.Select Exodus 21:14

15Na man i paitim papa bilong em o mama bilong em, tru tumas ol i mas kilim em i dai.Select Exodus 21:15

16Na man i stilim narapela man, na em i salim em, o sapos em i stap yet long han bilong em, tru tumas ol i mas kilim dispela stilman i dai.Select Exodus 21:16

17Na man i tok nogut long papa bilong em, o mama bilong em, tru tumas ol bai kilim em i dai.Select Exodus 21:17

18Na sapos ol man i pait wantaim, na wanpela i paitim narapela long wanpela ston, o long han bilong em, na em i no dai pinis, tasol em i slip long bet bilong em.Select Exodus 21:18

19Sapos em i kirap gen na wokabaut nabaut long stik bilong wokabaut bilong em, long dispela taim man i bin paitim em bai winim kot. Tasol em i mas baim dispela man long taim em i bin lusim wok, na em i mas mekim em i kamap orait olgeta.Select Exodus 21:19

20Na sapos wanpela man i paitim wokboi bilong em o wokmeri bilong em long wanpela bikpela stik na em i dai pinis aninit long han bilong em, tru tumas ol i mas mekim save long em.Select Exodus 21:20

21Tasol sapos wokboi i sanap wanpela o tupela de, ol i no ken mekim save long bosman, long wanem wokboi em i mani bilong em.Select Exodus 21:21

22¶ Sapos ol man i pait na wanpela i bagarapim wanpela meri i gat bel inap long pikinini i lusim bel bilong em, tasol i no gat moa bagarap i kamap bihain, tru tumas ol i mas mekim save long dispela man olsem man bilong dispela meri bai makim long em, na em bai mekim pe olsem ol jas i makim.Select Exodus 21:22

23Na sapos sampela bagarap moa i kamap bihain, orait yu mas givim laip long bekim laip,Select Exodus 21:23

24Ai long bekim ai, tit long bekim tit, han long bekim han, fut long bekim fut.Select Exodus 21:24

25Kukim skin long bekim kukim skin, sua long bekim sua, paitim long wip long bekim paitim long wip.Select Exodus 21:25

26Na sapos em i paitim ai bilong wokboi bilong em, o ai bilong wokmeri bilong em inap long ai i bagarap olgeta, em i mas larim wokboi i go fri, long bekim long ai bilong em.Select Exodus 21:26

27Na sapos wanpela man i paitim em inap long rausim wanpela tit bilong wokboi bilong em, o wanpela tit bilong wokmeri bilong em, em i mas larim em i go fri long bekim long tit bilong em.Select Exodus 21:27

28Sapos wanpela bulmakau man i sutim long kom wanpela man o wanpela meri inap long ol i dai pinis, orait tru tumas ol i mas tromoi ol ston bilong kilim i dai dispela bulmakau man, na ol i no ken kaikai mit bilong em, tasol papa bilong bulmakau man bai winim kot.Select Exodus 21:28

29Tasol sapos dispela bulmakau man i gat laik long subim long kom bilong em pastaim, na ol i bin tokaut klia long papa bilong em, na papa i no bin pasim em, tasol em i bin kilim i dai wanpela man o wanpela meri, ol i mas tromoi ol ston bilong kilim i dai dispela bulmakau man, na tu ol i mas kilim i dai papa bilong dispela bulmakau man.Select Exodus 21:29

30Sapos ol i makim sampela mani long em, orait em i mas givim olgeta mani ol i bin makim long em long pe bilong baim bek laip bilong em.Select Exodus 21:30

31Maski em i sutim long kom wanpela pikinini man, o sutim long kom wanpela pikinini meri, ol i mas bihainim dispela tok bilong kot long em.Select Exodus 21:31

32Sapos bulmakau man bai subim wanpela wokboi o wanpela wokmeri, papa bilong bulmakau i mas givim 30-pela sekel bilong silva i go long bosman bilong ol, na ol i mas tromoi ston bilong kilim i dai dispela bulmakau man.Select Exodus 21:32

33Na sapos wanpela man i opim wanpela hul, o sapos wanpela man i digim wanpela hul, na em i no karamapim dispela na wanpela bulmakau man o wanpela donki i pundaun insait,Select Exodus 21:33

34Papa bilong hul i mas stretim dispela na givim mani long papa bilong animal. Na animal i bin i dai pinis em i bilong em.Select Exodus 21:34

35Na sapos bulmakau man bilong wanpela man i bagarapim bulmakau man bilong narapela man inap long em i dai pinis, orait tupela i mas salim bulmakau man i stap laip, na brukim mani bilong dispela long tupela hap bilong ol, na tu tupela i mas tilim mit bilong bulmakau man i dai pinis namel long tupela.Select Exodus 21:35

36O sapos ol i save long dispela bulmakau man i laik subim pastaim na papa bilong em i no pasim em, tru tumas papa bilong bulmakau man i mas bekim narapela bulmakau man long em na bulmakau man i dai pinis i bilong em yet.Select Exodus 21:36