6Exodus 6

1¶ Long dispela taim BIKPELA i tok long Moses, Nau bai yu lukim bai Mi mekim wanem long Fero. Long wanem em bai larim ol i go long strongpela han, na em bai rausim ol long graun bilong em long strongpela han.Select Exodus 6:1

2Na God i tok long Moses na Em i tokim em, Mi stap BIKPELA.Select Exodus 6:2

3Na Mi bin kamap ples klia long Ebraham, na long Aisak, na long Jekop, long nem bilong Mi, em God i gat Olgeta Strong, tasol ol i no bin save long nem bilong Mi em JEHOVA.Select Exodus 6:3

4Na tu Mi bin wokim kontrak bilong Mi wantaim ol long givim ol dispela graun bilong Kenan, em graun ol i bin wokabaut long em taim ol i stap ol man bilong longwe ples.Select Exodus 6:4

5Na tu Mi bin harim krai bilong pen bilong ol pikinini bilong Isrel, taim lain bilong Isip i holimpas ol long slev pasin. Na Mi bin tingim gen kontrak bilong Mi.Select Exodus 6:5

6Olsem na tok long ol pikinini bilong Isrel olsem, Mi stap BIKPELA, na bai Mi kisim yupela i kam long lusim ol hevi bilong lain Isip, na bai Mi tekewe yupela long pasin bilong i stap slev bilong ol, na bai Mi baim bek yupela long pasin bilong taitim han na long bikpela pe bilong kotim ol.Select Exodus 6:6

7Na bai Mi kisim yupela i kam long Mi long i stap lain manmeri bilong Mi, na bai Mi stap God bilong yupela. Na bai yupela i save long Mi stap BIKPELA, em God bilong yupela, husat i bin bringim yupela i kamaut long aninit long ol hevi bilong lain Isip.Select Exodus 6:7

8Na bai Mi bringim yupela i go long dispela graun Mi bin tok tru antap long givim dispela long Ebraham, na long Aisak, na long Jekop. Na bai Mi givim dispela long yupela long i stap samting papa i givim long ol pikinini. Mi stap BIKPELA.Select Exodus 6:8

9Na Moses i tok olsem long ol pikinini bilong Isrel. Tasol ol i no harim gut tok bilong Moses, long wanem ol i pilim hevi tru long spirit bilong ol na long ol i stap long dispela slev pasin i hat tumas.Select Exodus 6:9

10¶ Na BIKPELA i tok long Moses, na spik,Select Exodus 6:10

11Go insait na tok long Fero, king bilong Isip, long em i mas larim ol pikinini bilong Isrel i go lusim graun bilong em.Select Exodus 6:11

12Na Moses i tok long pes bilong BIKPELA na em i spik, Harim, ol pikinini bilong Isrel i no bin harim gut tok bilong mi. Olsem wanem Fero bai harim mi, man husat maus bilong mi i hevi?Select Exodus 6:12

13Na BIKPELA i tok long Moses na long Eron, na Em i givim tok long tupela i go long ol pikinini bilong Isrel na long Fero, king bilong Isip, long bringim ol pikinini bilong Isrel i kamaut long lusim graun bilong Isip.Select Exodus 6:13

14¶ Ol dispela i stap ol het bilong lain bilong ol papa bilong ol. Ol pikinini man bilong Ruben, namba wan pikinini bilong Isrel, em Hanok, na Palu, na Hesron, na Karmi. Ol i stap ol famili bilong Ruben.Select Exodus 6:14

15Na ol pikinini man bilong Simion em i Jemyuel, na Jamin, na Ohat, na Jakin, na Soha, na Saul, pikinini man bilong wanpela meri Kenan. Ol dispela i stap ol famili bilong Simion.Select Exodus 6:15

16Na dispela em i ol nem bilong ol pikinini man bilong Livai bilong tokaut long ol tumbuna pikinini bilong ol, em Gerson, na Kohat, na Merari. Na ol yia bilong laip bilong Livai em i 137 krismas.Select Exodus 6:16

17Ol pikinini man bilong Gerson em i Lipni na Simhi, em bilong tokaut long ol famili bilong ol.Select Exodus 6:17

18Na ol pikinini man bilong Kohat em i Amram, na Ishar, na Hebron, na Usiel. Na ol yia bilong laip bilong Kohat em i 133 krismas.Select Exodus 6:18

19Na ol pikinini man bilong Merari em i Mahali na Musi. Ol dispela em i ol famili bilong Livai, em bilong tokaut long ol tumbuna pikinini bilong ol.Select Exodus 6:19

20Na Amram i kisim Jokebet long kamap meri bilong em, na em i susa bilong papa bilong em, na em i karim Eron na Moses long em. Na ol yia bilong laip bilong Amram em i 137 krismas.Select Exodus 6:20

21Na ol pikinini man bilong Ishar em i Kora na Nefek na Sikri.Select Exodus 6:21

22Na ol pikinini man bilong Usiel em i Misel na Elsafan na Sitri.Select Exodus 6:22

23Na Eron i kisim Eliseba i kamap meri bilong em, em i pikinini meri bilong Aminadap na susa bilong Nason. Ne em i karim Nedap, na Abaihu, na Eleasar, na Itamar long em.Select Exodus 6:23

24Na ol pikinini man bilong Kora em i Asir, na Elkana, na Abiasap. Ol dispela em i ol famili bilong lain bilong Kora.Select Exodus 6:24

25Na Eleasar, pikinini man bilong Eron, i kisim wanpela bilong ol pikinini meri bilong Putiel long kamap meri bilong em. Na em i karim Finias long em. Ol dispela em i ol hetman bilong ol papa bilong lain Livai bilong tokaut long ol famili bilong ol.Select Exodus 6:25

26Ol i dispela Eron na Moses BIKPELA i tok long tupela, Bringim ol pikinini bilong Isrel i kamaut long graun bilong Isip long pasin ol ami bilong ol i save mekim.Select Exodus 6:26

27Ol i dispela tupela i toktok long Fero, king bilong Isip, long larim tupela i bringim ol pikinini bilong Isrel i kamaut long Isip. Tupela i stap dispela Moses na Eron.Select Exodus 6:27

28Na em i kamap olsem long dispela de BIKPELA i tok long Moses long graun bilong Isip,Select Exodus 6:28

29BIKPELA i tok long Moses na spik, Mi stap BIKPELA. Yu mas toktok long Fero, king bilong Isip long olgeta samting Mi tok long yu long em.Select Exodus 6:29

30Na Moses i tok long pes bilong BIKPELA, Harim, maus bilong mi i hevi, na Fero bai harim gut tok bilong mi olsem wanem?Select Exodus 6:30