1 Chronicles 20

1 ¶ Na em i kamap olsem, long bihain long yia i pinis, long taim bilong ol king bilong go ausait bilong pait, Joap i go pas ausait wantaim pawa bilong ami, na bagarapim olgeta kantri bilong ol pikinini bilong Amon, na kam na pasim Raba. Tasol Devit i stap yet long Jerusalem. Na Joap i paitim Raba, na bagarapim dispela olgeta.

2 Na Devit i kisim hat king bilong king bilong ol long het bilong em, na painimaut pinis long dispela i skel olsem wanpela talen gol, na i gat ol ston i dia tumas insait long en. Na ol i putim dispela antap long het bilong Devit. Na em i bringim tu planti kago bilong pait moa yet i kam ausait long dispela biktaun.

3 Na em i bringim i kam ausait ol manmeri husat i stap insait long en, na katim ol wantaim ol so, na wantaim ol ain bilong brukim graun, na wantaim ol akis. Yes, olsem tasol Devit i mekim long olgeta biktaun bilong ol pikinini bilong Amon. Na Devit na olgeta manmeri i kam bek long Jerusalem.

4 ¶ Na em i kamap olsem bihain long dispela, long bikpela pait i kirap long Geser wantaim ol Filistin. Long dispela taim man Husa Sibekai i kilim i dai Sipai, husat i bilong ol pikinini bilong dispela traipela man. Na ol i stap aninit.

5 Na i gat bikpela pait gen wantaim ol Filistin. Na Elhanan, pikinini man bilong Jair, i kilim i dai Lami, brata bilong man Git Golaiat, husat handel bilong spia bilong tromoi bilong em i olsem wanpela bikpela hap diwai bilong man bilong wokim laplap.

6 Na yet gen i gat bikpela pait long Gat, we i gat wanpela man i longpela tru, husat ol pinga na ol pinga bilong lek bilong en em i 24, sikispela long wan wan han, na sikispela long wan wan lek. Na em tu em pikinini man bilong dispela traipela man.

7 Tasol taim em i duim Isrel, Jonatan, pikinini man bilong Simea, brata bilong Devit, i kilim em i dai.

8 Ol dispela meri i karim long dispela traipela man long Gat. Na ol i pundaun long han bilong Devit, na long han bilong ol wokboi bilong em.