131 Corinthians 13

1¶ Sapos mi toktok wantaim ol tok ples bilong ol man na bilong ol ensel, na mi no gat pasin bilong laikim tru, mi kamap olsem bras i pairap, o simbol i krai isi isi.Select 1 Corinthians 13:1

2Na sapos mi gat presen bilong autim tok profet, na mi gat gutpela save long olgeta samting hait, na olgeta save, na sapos mi gat olgeta bilip tru, inap long mi ken rausim ol maunten i go, na mi no gat pasin bilong laikim tru, mi stap samting nating.Select 1 Corinthians 13:2

3Na sapos mi givim olgeta kago bilong mi long givim kaikai long ol rabisman, na sapos mi givim bodi bilong mi long ol i ken kukim, na mi no gat pasin bilong laikim tru, em i no helpim mi liklik.Select 1 Corinthians 13:3

4¶ Pasin bilong laikim tru i karim hevi longpela taim, na em i gutpela. Pasin bilong laikim tru i no gat mangal tingting. Pasin bilong laikim tru i no litimapim em yet, em i no bikhet,Select 1 Corinthians 13:4

5Em i no wokabaut em yet long pasin i no stretpela, em i no painim samting bilong em yet, i no isi long skrapim bel bilong em, em i no tingting nogut.Select 1 Corinthians 13:5

6Em i no wokim amamas tru long sin nogut, tasol em i wokim amamas tru long pasin i tru.Select 1 Corinthians 13:6

7Em i karim olgeta samting, bilipim olgeta samting, hop long olgeta samting, stap yet long olgeta samting.Select 1 Corinthians 13:7

8¶ Pasin bilong laikim tru i no inap fel. Tasol sapos i gat ol tok profet, ol bai fel. Sapos i gat ol tok ples, ol bai pinis. Sapos i gat save, em bai go pinis olgeta.Select 1 Corinthians 13:8

9Long wanem, yumi save long hap, na yumi autim tok profet long hap.Select 1 Corinthians 13:9

10Tasol taim dispela samting i inap tru i kam pinis, nau dispela samting i stap long hap hap bai pinis olgeta.Select 1 Corinthians 13:10

11Taim mi stap pikinini, mi toktok olsem pikinini, mi save olsem pikinini, mi tingting olsem pikinini. Tasol taim mi kamap man, mi rausim i go ol samting bilong pikinini.Select 1 Corinthians 13:11

12Long wanem, nau yumi lukluk namel long wanpela glas, i tudak liklik, tasol long dispela taim, pes i go long pes. Nau mi save long hap, tasol long dispela taim bai mi save, yes, olsem tu ol i save long mi.Select 1 Corinthians 13:12

13Na nau dispela tripela i stap yet, bilip tru, hop, na pasin bilong laikim tru. Tasol nambawan bilong ol dispela em pasin bilong laikim tru.Select 1 Corinthians 13:13