151 Corinthians 15

1¶ Na moa tu, ol brata, mi tokaut i go long yupela long dispela gutnius mi bin autim long yupela, dispela tu yupela i bin kisim, na we yupela i sanap long en.Select 1 Corinthians 15:1

2Long dispela tu God i kisim bek yupela, sapos yupela i holimpas long tingting wanem samting mi autim long yupela, sapos yupela i no bin bilip nating.Select 1 Corinthians 15:2

3Long wanem, mi givim long yupela pastaim bilong olgeta dispela samting mi tu i bin kisim, olsem long Kraist i bin dai long ol sin bilong yumi bilong bihainim ol rait bilong God.Select 1 Corinthians 15:3

4Na long ol i planim em, na long em i kirap bek gen long namba tri de bilong bihainim ol rait bilong God,Select 1 Corinthians 15:4

5Na long Sifas i lukim em, nau bihain dispela twelpela.Select 1 Corinthians 15:5

6Bihain long dispela, antap long 500 brata i lukim em long wanpela taim, bilong husat bikpela hap moa bilong ol i stap yet inap long nau, tasol sampela i slip pinis.Select 1 Corinthians 15:6

7Bihain long dispela, Jems i lukim em, nau olgeta bilong ol aposel.Select 1 Corinthians 15:7

8Na las bilong olgeta mi tu mi lukim em, olsem wanpela husat i kamap nupela ausait long taim stret.Select 1 Corinthians 15:8

9Long wanem, mi las man bilong ol aposel, inap long mi no fit long ol i ken kolim mi wanpela aposel, bilong wanem, mi bin givim hevi long sios bilong God.Select 1 Corinthians 15:9

10Tasol long marimari bilong God mi stap wanem samting mi stap. Na dispela marimari bilong em em i givim long mi i no stap nating. Tasol mi hatwok planti moa yet long ol olgeta. Tasol i no mi, tasol dispela marimari bilong God i stap wantaim mi.Select 1 Corinthians 15:10

11Olsem na sapos em i mi o ol, olsem tasol mipela i autim tok, na olsem tasol yupela i bin bilip.Select 1 Corinthians 15:11

12¶ Nau sapos yumi autim tok long Kraist long em i kirap bek pinis long dai, olsem wanem sampela i tok namel long yupela long i no gat kirap bek long dai?Select 1 Corinthians 15:12

13Tasol sapos i no gat kirap bek long dai, orait Kraist i no kirap bek.Select 1 Corinthians 15:13

14Na sapos Kraist i no kirap bek, orait autim tok bilong yumi em i samting nating, na bilip tru bilong yupela tu em i samting nating.Select 1 Corinthians 15:14

15Yes, na ol bai lukim yumi tu olsem ol giaman witnes bilong God, bilong wanem, yumi bin tokaut long God long em i kirapim Kraist, husat em i no kirapim, sapos em i olsem long ol daiman i no kirap bek.Select 1 Corinthians 15:15

16Long wanem, sapos ol daiman i no kirap bek, orait Kraist i no kirap bek.Select 1 Corinthians 15:16

17Na sapos Kraist i no kirap bek, bilip tru bilong yupela em i samting nating. Yupela i stap yet long ol sin bilong yupela.Select 1 Corinthians 15:17

18Nau ol tu husat i slip pinis insait long Kraist i bin dai olgeta.Select 1 Corinthians 15:18

19Sapos long dispela laip tasol yumi gat hop long Kraist, yumi i winim olgeta man long pulap long ol hevi nogut.Select 1 Corinthians 15:19

20¶ Tasol nau Kraist i kirap bek pinis long dai, na em i kamap ol namba wan kaikai bilong ol husat i slip pinis.Select 1 Corinthians 15:20

21Long wanem, bikos dai i kam long wok bilong man, long wok bilong man tu kirap bek long dai i kam.Select 1 Corinthians 15:21

22Long wanem, olsem insait long Adam olgeta i dai, yes, olsem tasol insait long Kraist bai olgeta i ken kisim laip.Select 1 Corinthians 15:22

23Tasol olgeta wan wan man long taim bilong em yet. Kraist em i ol namba wan kaikai. Bihain long en ol husat i bilong Kraist taim em i kam.Select 1 Corinthians 15:23

24Nau pinis i kam, taim em i bin givim kingdom i go long God, yes, Papa, taim em i bin putim i go daun olgeta namba bilong bosim na olgeta namba na pawa.Select 1 Corinthians 15:24

25Long wanem, em i mas bosim kingdom, inap long taim em i bin putim olgeta birua aninit long tupela fut bilong em.Select 1 Corinthians 15:25

26Las birua husat em bai bagarapim olgeta em dai.Select 1 Corinthians 15:26

27Long wanem, em i bin putim olgeta samting aninit long tupela fut bilong em. Tasol taim em i tok olgeta samting em i putim aninit long em, em i klia tru long em i no kaunim em, husat i bin putim olgeta samting aninit long em.Select 1 Corinthians 15:27

28Na taim olgeta samting bai stap aninit long em, nau bai Pikinini Man tu em yet i stap aninit long em husat i putim olgeta samting aninit long em, inap long God i ken stap olgeta insait long olgeta.Select 1 Corinthians 15:28

29Sapos nogat, ol man husat i kisim baptais bilong daiman bai mekim wanem samting, sapos daiman i no kirap bek liklik? Bilong wanem nau ol i kisim baptais bilong daiman?Select 1 Corinthians 15:29

30Na bilong wanem mipela i sanap aninit long bikpela bagarap olgeta wan wan aua?Select 1 Corinthians 15:30

31Mi mekim strongpela tok i birua long ol amamas tru yupela i wokim, dispela mi gat insait long Kraist Jisas, Bikpela bilong yumi, mi dai olgeta wan wan de.Select 1 Corinthians 15:31

32Sapos long bihainim pasin bilong ol man mi bin pait wantaim ol animal long Efesas, em bai helpim mi olsem wanem, sapos daiman i no kirap bek? Larim yumi kaikai na dring, long wanem, tumora yumi bai dai.Select 1 Corinthians 15:32

33No ken bilipim giaman. Toktok nogut i bagarapim ol gutpela pasin.Select 1 Corinthians 15:33

34Kirap long stretpela pasin, na no ken mekim sin. Long wanem, sampela i no gat dispela save bilong God. Mi toktok long dispela long tingim sem bilong yupela.Select 1 Corinthians 15:34

35¶ Tasol sampela man bai tok, Daiman i kirap bek olsem wanem? Na ol i kam wantaim wanem kain bodi?Select 1 Corinthians 15:35

36Yu krankiman, dispela samting yu planim i no kisim laip, sapos em i no dai pastaim.Select 1 Corinthians 15:36

37Na dispela samting yu planim, yu no planim dispela kain bodi, dispela i bai kamap, tasol pikinini bilong en stret, em i ken bilong wit o bilong sampela arapela kain.Select 1 Corinthians 15:37

38Tasol God i givim dispela wanpela bodi olsem em i bin amamasim bel bilong em, na long olgeta wan wan pikinini kaikai bodi bilong em yet.Select 1 Corinthians 15:38

39Olgeta bodi i no wankain bodi. Tasol i gat wanpela kain bodi bilong ol man, narapela bodi bilong ol animal, narapela bilong ol pis, na narapela bilong ol pisin.Select 1 Corinthians 15:39

40I gat tu ol bodi bilong skai, na ol bodi bilong graun. Tasol glori bilong ol bodi bilong skai em i wanpela, na glori bilong bodi bilong graun em i narapela.Select 1 Corinthians 15:40

41I gat wanpela glori bilong san, na narapela glori bilong mun, na narapela glori bilong ol sta. Long wanem, wanpela sta i narakain long narapela sta long glori.Select 1 Corinthians 15:41

42Olsem tu em kirap bek bilong daiman. Yumi planim dispela olsem bodi i bagarap. Em i kirap bek olsem bodi i no inap bagarap.Select 1 Corinthians 15:42

43Yumi planim dispela long pasin i no gat ona. Em i kirap bek wantaim glori. Yumi planim dispela long pasin i no gat strong. Em i kirap bek wantaim pawa.Select 1 Corinthians 15:43

44Yumi planim dispela wanpela bodi bilong bodi sait. Em i kirap bek wanpela bodi bilong spirit sait. I gat bodi bilong bodi sait, na i gat bodi bilong spirit sait.Select 1 Corinthians 15:44

45Na rait i stap pinis olsem, Em i mekim namba wan man Adam wanpela tewel i stap laip. Em i mekim las Adam wanpela spirit bilong givim laip.Select 1 Corinthians 15:45

46Tasol dispela i stap pastaim em i no dispela i bilong spirit sait, tasol dispela samting i stap long bodi sait. Na bihain long en dispela samting i stap long spirit sait.Select 1 Corinthians 15:46

47Namba wan man em i bilong dispela graun, em i kam long graun. Namba tu man em i Bikpela i kam long heven.Select 1 Corinthians 15:47

48Olsem samting i kam long graun i stap, ol i stap kain tu husat i kam long graun. Na olsem samting i kam long heven i stap, ol i stap kain tu husat i kam long heven.Select 1 Corinthians 15:48

49Na olsem yumi bin stap piksa tru bilong samting i stap long dispela graun, yumi bai stap piksa tru tu bilong samting i kam long heven.Select 1 Corinthians 15:49

50Nau mi tok dispela, ol brata, long bodi na blut i no inap kisim kingdom bilong God olsem samting papa i givim pikinini. Na tu samting i bagarap i no inap kisim samting i no inap bagarap olsem samting papa i givim pikinini.Select 1 Corinthians 15:50

51¶ Lukim, mi soim yupela wanpela samting hait. Yumi olgeta bai i no inap slip, tasol yumi olgeta bai senis,Select 1 Corinthians 15:51

52Wantu tasol, long taim bilong ai i lait, long las biugel. Long wanem, biugel bai krai, na ol daiman bai kirap bek wantaim bodi i no inap bagarap, na yumi olgeta bai senis.Select 1 Corinthians 15:52

53Long wanem, dispela bodi i bagarap i mas putim bodi i no inap bagarap, na dispela bodi i ken dai i mas kamap bodi i no ken dai.Select 1 Corinthians 15:53

54Inap long taim dispela bodi i bagarap i bin kamap pinis bodi i no inap bagarap, na dispela bodi i ken dai i bin kamap bodi i no ken dai, nau bai dispela toktok i kamap pinis, dispela rait i stap pinis, Winim pait i bin daunim dai olgeta.Select 1 Corinthians 15:54

55O dai, samting bilong givim pen bilong yu i stap we? O matmat, winim pait bilong yu i stap we?Select 1 Corinthians 15:55

56Samting bilong givim pen bilong dai em sin. Na strong bilong sin em lo.Select 1 Corinthians 15:56

57Tasol tok tenkyu i go long God, husat i mekim yumi winim pait long wok bilong Bikpela bilong yumi Jisas Kraist.Select 1 Corinthians 15:57

58¶ Olsem na, ol brata i stap klostu long bel bilong mi, yupela sanap strong, ol man i no inap muv, olgeta taim yupela i mas pulap tru insait long wok bilong Bikpela, bikos yupela i save long hatwok bilong yupela i no samting nating insait long Bikpela.Select 1 Corinthians 15:58