31 Timothy 3

1¶ Dispela em i wanpela tok i tru, Sapos wanpela man i gat laik long opis bilong bisop, em i laikim wanpela gutpela wok.Select 1 Timothy 3:1

2Nau bisop i mas stap man i no gat asua, man bilong wanpela meri, man bilong was gut, man bilong yusim tingting gut, man bilong gutpela wokabaut, man bilong laikim wok bilong lukautim man i kam long haus bilong em, fit long skulim ol arapela,Select 1 Timothy 3:2

3I no man bilong laikim wain, i no man bilong pait, i no man i gridi long ol mani samting i doti tru. Tasol em i mas man bilong sanap strong long traim, i no man bilong pait, i no man bilong mangalim ol samting.Select 1 Timothy 3:3

4Em i mas wanpela husat i bosim hauslain bilong em yet gutpela, taim ol pikinini bilong em i stap aninit wantaim olgeta pasin bilong wokabaut stret.Select 1 Timothy 3:4

5(Long wanem, sapos man i no save long rot bilong bosim hauslain bilong em yet, em bai lukautim sios bilong God olsem wanem?)Select 1 Timothy 3:5

6Em i no ken stap nupela man, nogut taim em i litimapim em yet wantaim hambak pasin em i pundaun insait long pe nogut bilong kot bilong Seten.Select 1 Timothy 3:6

7Na moa tu em i mas gat gutpela ripot long ol husat i stap ausait. Nogut em i pundaun long samting bilong givim sem na trap bilong Seten.Select 1 Timothy 3:7

8¶ Wankain olsem ol dikon i mas stap ol man bilong wokabaut stret, i no ol man bilong tupela tang, i no ol man bilong laikim planti wain, i no ol man i gridi long mani samting i doti tru.Select 1 Timothy 3:8

9Ol i mas holimpas samting hait bilong bilip tru wantaim mausbel i klin.Select 1 Timothy 3:9

10Na larim sios i pruvim ol dispela tu pastaim. Nau larim ol yusim opis bilong dikon, taim ol man i luksave olsem ol i no gat asua.Select 1 Timothy 3:10

11Yes, olsem tasol ol meri bilong ol i mas wokabaut stret, i no ol meri bilong toktok bilong giamanim nem, ol meri bilong yusim tingting gut, ol meri yu inap bilip long ol long olgeta samting.Select 1 Timothy 3:11

12Larim ol dikon i stap ol man bilong wanpela meri, taim ol i bosim ol pikinini bilong ol na ol haus bilong ol yet gutpela.Select 1 Timothy 3:12

13Long wanem, ol husat i bin yusim opis bilong dikon gutpela i baim long ol yet wanpela gutpela namba, na bikpela pasin bilong i no pret long dispela bilip tru i stap insait long Kraist Jisas.Select 1 Timothy 3:13

14¶ Ol dispela samting mi rait i go long yu, taim mi gat hop long kam long yu klostu nau.Select 1 Timothy 3:14

15Tasol sapos mi stap yet longpela taim, long yu ken save long yu yet mas wokabaut olsem wanem insait long haus bilong God, dispela em i sios bilong God i stap laip, bikpela pos na graun bilong tok tru.Select 1 Timothy 3:15

16Na i no gat pait long dispela toktok, samting hait bilong bihainim pasin bilong God em i bikpela. God i kamap ples klia long bodi, em i kamap stretpela long Spirit, ol ensel i lukim em, ol man i autim tok long em long ol man i no Ju, ol man i bilip long em long dispela graun, God i kisim em i go antap insait long ples i gat glori.Select 1 Timothy 3:16