172 Chronicles 17

1¶ Na Jehosafat, pikinini man bilong em, i kisim ples bilong em na bosim kingdom, na strongim em yet i birua long Isrel.Select 2 Chronicles 17:1

2Na em i putim ol soldia long olgeta biktaun i gat banis bilong Juda, na putim ol lain ami long hap bilong Juda, na long ol biktaun bilong Ifraim, dispela Esa, papa bilong em, i bin kisim.Select 2 Chronicles 17:2

3Na BIKPELA i stap wantaim Jehosafat, bilong wanem, em i wokabaut long ol namba wan rot bilong bilong tumbuna papa bilong em Devit, na em i no painim i go long Bealim.Select 2 Chronicles 17:3

4Tasol em i painim long God BIKPELA bilong papa bilong em, na em i wokabaut long ol tok strong bilong Em, na em i no bihainim ol pasin bilong Isrel.Select 2 Chronicles 17:4

5Olsem na BIKPELA i strongim kingdom long han bilong em. Na olgeta Juda i bringim ol presen long Jehosafat. Na em i gat planti mani samting na ona i planti moa yet.Select 2 Chronicles 17:5

6Na bel bilong em i go antap insait long ol rot bilong BIKPELA. Na moa tu em i tekewe ol ples antap na ol lain diwai ausait long Juda.Select 2 Chronicles 17:6

7Na tu long namba tri yia bilong em i bosim kingdom em i salim tok long ol hetman bilong em, yes, long Ben-hail, na long Obadaia, na long Sekaraia, na long Netanel, na long Mikea, long skulim ol man long ol biktaun bilong Juda.Select 2 Chronicles 17:7

8Na wantaim ol em i salim ol lain Livai, yes Semea, na Netanaia, na Sebadaia, na Asahel, na Semiramot, na Jehonatan, na Adonaisa, na Tobaisa, na Tobadonaisa, ol lain Livai. Na wantaim ol Elisama na Jehoram, ol pris.Select 2 Chronicles 17:8

9Na ol i skulim ol man long Juda, na ol i gat dispela buk bilong lo bilong BIKPELA wantaim ol, na ol i go nabaut long olgeta hap bilong olgeta biktaun bilong Juda, na skulim ol manmeri.Select 2 Chronicles 17:9

10¶ Na pret bilong BIKPELA i pundaun antap long olgeta kingdom bilong ol dispela hap i stap raun nabaut long Juda, inap long ol i no mekim bikpela pait i birua long Jehosafat.Select 2 Chronicles 17:10

11Na tu sampela bilong ol lain Filistin i bringim Jehosafat ol presen, na takis silva. Na ol lain Arap i bringim em ol lain sipsip samting, 7,700 sipsip man, na 7,700 meme man.Select 2 Chronicles 17:11

12Na Jehosafat i wok long kamap bikpela planti moa yet. Na em i wokim long Juda ol haus king, na ol bakstua biktaun.Select 2 Chronicles 17:12

13Na em i gat planti wok long ol biktaun bilong Juda. Na ol man bilong bikpela pait, ol strongpela man tru bilong pait, i stap long Jerusalem.Select 2 Chronicles 17:13

14Na ol dispela em ol namba bilong ol bilong bihainim hauslain bilong ol papa bilong ol. Bilong Juda, ol kepten bilong ol wan tausen, Atna nambawan, na wantaim em ol strongpela man tru bilong pait 300,000.Select 2 Chronicles 17:14

15Na bihain long em em kepten Jehohanan, na wantaim em 280,000.Select 2 Chronicles 17:15

16Na bihain long em em Amasaia, pikinini man bilong Sikri, husat i givim em yet wantaim laik i go long BIKPELA. Na wantaim em 200,000 strongpela man tru bilong pait.Select 2 Chronicles 17:16

17Na bilong Benjamin, Eliada, wanpela strongpela man tru bilong pait, na wantaim em ol man i redi long pait wantaim banara na plang, 200,000.Select 2 Chronicles 17:17

18Na bihain long em em Jehosabat, na wantaim em 180,000 i redi stret long bikpela pait.Select 2 Chronicles 17:18

19Ol dispela i mekim wok long king, dispela i no kaunim ol husat king i putim long ol biktaun i gat banis namel long olgeta hap bilong Juda.Select 2 Chronicles 17:19