152 Kings 15

1¶ Long namba 27 yia bilong Jeroboam, king bilong Isrel, Asaraia, pikinini man bilong Amasaia, king bilong Juda, i stat long bosim kingdom.Select 2 Kings 15:1

2Em i gat 16 krismas taim em i stat long bosim kingdom, na em i bosim kingdom 52 yia long Jerusalem. Na nem bilong mama bilong en em Jekolaia bilong Jerusalem.Select 2 Kings 15:2

3Na em i mekim dispela samting i stretpela long ai bilong BIKPELA, bilong bihainim olgeta samting papa bilong em, Amasaia, i bin mekim.Select 2 Kings 15:3

4Tasol long ol ples antap em i no rausim. Ol manmeri i sakrifais na kukim insens yet antap long ol ples antap.Select 2 Kings 15:4

5Na BIKPELA i paitim dispela king, inap long em i wanpela lepraman inap long de bilong dai bilong em, na em i stap long wanpela haus longwe. Na Jotam, pikinini man bilong king, i bosim hauslain, na jasim ol manmeri bilong dispela hap.Select 2 Kings 15:5

6Na olgeta arapela wok bilong Asaraia, na olgeta samting em i mekim, ating i yes long ol i raitim ol long buk bilong ol stori bilong ol king bilong Juda?Select 2 Kings 15:6

7Olsem na Asaraia i slip wantaim ol tumbuna papa bilong em. Na ol i planim em wantaim ol tumbuna papa bilong em long biktaun bilong Devit. Na Jotam, pikinini man bilong em, i kisim ples bilong em na bosim kingdom.Select 2 Kings 15:7

8¶ Long namba 38 yia bilong Asaraia, king bilong Juda, Sakaraia, pikinini man bilong Jeroboam, i bin bosim kingdom long Isrel long Samaria sikispela mun.Select 2 Kings 15:8

9Na em i mekim dispela samting i nogut long ai bilong BIKPELA, olsem ol tumbuna papa bilong em i bin mekim. Em i no lusim ol sin bilong Jeroboam, pikinini man bilong Nibat, husat i mekim Isrel long sin.Select 2 Kings 15:9

10Na Salum, pikinini man bilong Jebes, i pasim tok hait i birua long em, na paitim em long ai bilong ol manmeri, na kilim em i dai, na kisim ples bilong em na bosim kingdom.Select 2 Kings 15:10

11Na olgeta arapela wok bilong Sakaraia, lukim, ol i raitim ol long buk bilong ol stori bilong ol king bilong Isrel.Select 2 Kings 15:11

12Dispela em i dispela tok bilong BIKPELA Em i tokim Jehu, i spik, Ol pikinini man bilong yu bai sindaun long sia king bilong Isrel inap long namba foa lain tumbuna. Na em i kamap olsem.Select 2 Kings 15:12

13Salum, pikinini man bilong Jebes, i stat long bosim kingdom long namba 39 yia bilong Usaia, king bilong Juda. Na em i bosim kingdom wanpela mun olgeta long Samaria.Select 2 Kings 15:13

14Long wanem, Menahem, pikinini man bilong Gadi, i lusim Tirsa i kam antap, na kam long Samaria, na paitim Salum, pikinini man bilong Jebes, long Samaria, na kilim em i dai, na kisim ples bilong em na bosim kingdom.Select 2 Kings 15:14

15Na olgeta arapela wok bilong Salum, na dispela tok hait bilong em em i wokim, lukim, ol i raitim ol long buk bilong ol stori bilong ol king bilong Isrel.Select 2 Kings 15:15

16Nau Menahem i paitim Tifsa, na olgeta husat i stap long en, na ol hap arere bilong Tirsa. Bilong wanem, ol i no opim biktaun long em, olsem na em i paitim dispela. Na olgeta meri husat i gat bel long dispela hap em i katim bel bilong ol.Select 2 Kings 15:16

17Long namba 39 yia bilong Asaraia, king bilong Juda, Menahem, pikinini man bilong Gadi, i stat long bosim kingdom long Isrel, na em i bosim kingdom tenpela yia long Samaria.Select 2 Kings 15:17

18Na em i mekim dispela samting i nogut long ai bilong BIKPELA. Olgeta de bilong em, em i no lusim ol sin bilong Jeroboam, pikinini man bilong Nibat, husat i mekim Isrel long sin.Select 2 Kings 15:18

19Na Pul, king bilong Asiria, i kam birua long dispela hap. Na Menahem i givim Pul 1,000 talen silva, inap long han bilong em i ken stap wantaim em bilong strongim kingdom long han bilong em.Select 2 Kings 15:19

20Na Menahem i strong long kisim dispela mani long Isrel, yes, long olgeta strongpela man bilong bikpela mani samting, long olgeta wan wan man em i makim 50 sekel silva, long givim long king bilong Asiria. Olsem na king bilong Asiria i tanim i go bek, na em i no stap yet long dispela hap.Select 2 Kings 15:20

21Na olgeta arapela wok bilong Menahem, na olgeta samting em i mekim, ating i yes long ol i raitim ol long buk bilong ol stori bilong ol king bilong Isrel?Select 2 Kings 15:21

22Na Menahem i slip wantaim ol tumbuna papa bilong em. Na Pekahaia, pikinini man bilong em, i kisim ples bilong em na bosim kingdom.Select 2 Kings 15:22

23Long namba 50 yia bilong Asaraia, king bilong Juda, Pekahaia, pikinini man bilong Menahem, i stat long bosim kingdom long Isrel, na em i bosim kingdom tupela yia.Select 2 Kings 15:23

24Na em i mekim dispela samting i nogut long ai bilong BIKPELA. Em i no lusim ol sin bilong Jeroboam, pikinini man bilong Nibat, husat i mekim Isrel long sin.Select 2 Kings 15:24

25Tasol Peka, pikinini man bilong Remalaia, wanpela kepten bilong em, i pasim tok hait i birua long em, na paitim em long Samaria, insait long haus king bilong haus bilong king, wantaim Argop na Arie, na 50 man bilong Gileat wantaim em. Na em i kilim em, na kisim ples bilong em na bosim kingdom.Select 2 Kings 15:25

26Na olgeta arapela wok bilong Pekahaia, na olgeta samting em i mekim, lukim, ol i raitim ol long buk bilong ol stori bilong ol king bilong Isrel.Select 2 Kings 15:26

27Long namba 52 yia bilong Asaraia, king bilong Juda, Peka, pikinini man bilong Remalaia, i stat long bosim kingdom long Isrel long Samaria, na em i bosim kingdom 20 yia.Select 2 Kings 15:27

28Na em i mekim dispela samting i nogut long ai bilong BIKPELA. Em i no lusim ol sin bilong Jeroboam, pikinini man bilong Nibat, husat i mekim Isrel long sin.Select 2 Kings 15:28

29Long ol de bilong Peka, king bilong Isrel, Tiklat-pileser, king bilong Asiria, i kam, na kisim Ison, na Ebel-bet-meaka, na Janoa, na Kedes, na Hesor, na Gileat, na Galili, olgeta hap bilong Naphtali, na karim ol i go kalabus long Asiria.Select 2 Kings 15:29

30Na Hosea, pikinini man bilong Ila, i pasim wanpela tok hait i birua long Peka, pikinini man bilong Remalaia, na paitim em, na kilim em i dai, na kisim ples bilong em na bosim kingdom, long namba 20 yia bilong Jotam, pikinini man bilong Usaia.Select 2 Kings 15:30

31Na olgeta arapela wok bilong Peka, na olgeta samting em i mekim, lukim, ol i raitim ol long buk bilong ol stori bilong ol king bilong Isrel.Select 2 Kings 15:31

32¶ Long namba tu yia bilong Peka, pikinini man bilong Remalaia, king bilong Isrel, Jotam, pikinini man bilong Usaia, king bilong Juda, i stat long bosim kingdom.Select 2 Kings 15:32

33Em i gat 25 krismas taim em stat long bosim kingdom, na em i bosim kingdom 16 yia long Jerusalem. Na nem bilong mama bilong en em Jerusa, pikinini meri bilong Sedok.Select 2 Kings 15:33

34Na em i mekim dispela samting i stretpela long ai bilong BIKPELA. Em i mekim bilong bihainim olgeta samting papa bilong em Usaia i bin mekim.Select 2 Kings 15:34

35Tasol ol ples antap em i no rausim. Ol manmeri i sakrifais na kukim insens yet long ol ples antap. Em i wokim dua bilong banis antap bilong haus bilong BIKPELA.Select 2 Kings 15:35

36Nau olgeta arapela wok bilong Jotam, na olgeta samting em i mekim, ating i yes long ol i raitim ol long buk bilong ol stori bilong ol king bilong Juda?Select 2 Kings 15:36

37Long ol dispela de, BIKPELA i stat long salim Resin, king bilong Siria, na Peka, pikinini man bilong Remalaia, long birua long Juda.Select 2 Kings 15:37

38Na Jotam i slip wantaim ol tumbuna papa bilong em, na ol i planim em wantaim ol tumbuna papa bilong em long biktaun bilong Devit, tumbuna papa bilong em. Na Ehas, pikinini man bilong em, i kisim ples bilong em na bosim kingdom.Select 2 Kings 15:38