122 Samuel 12

1¶ Na BIKPELA i salim Netan long Devit. Na em i kam long em, na tokim em, I gat tupela man long wanpela biktaun. Wanpela em i maniman, na arapela em i rabisman.Select 2 Samuel 12:1

2Dispela maniman i gat planti moa yet ol lain sipsip na ol lain bulmakau.Select 2 Samuel 12:2

3Tasol dispela rabisman i no gat wanpela samting, wanpela liklik pikinini sipsip meri tasol, dispela em i bin lukautim na givim kaikai long em. Na em i kamap bikpela wantaim em, na wantaim ol pikinini bilong em. Em i bin kaikai long kaikai bilong man yet, na dring long kap bilong man yet, na slip long bros bilong em, na stap long em olsem wanpela pikinini meri.Select 2 Samuel 12:3

4Na i gat wanpela man pasindia i kam long dispela maniman, na em i soim sori long lain sipsip bilong em yet na long lain bulmakau bilong em yet, long kisim wanpela long redim long man bilong raun husat i kam long em. Tasol em i kisim pikinini sipsip bilong dispela rabisman, na redim dispela long dispela man husat i kam long em.Select 2 Samuel 12:4

5Na belhat bilong Devit i kirap bikpela i birua long dispela man. Na em i tokim Netan, Tru tumas, olsem BIKPELA i stap laip, dispela man husat i bin wokim dispela samting bai dai.Select 2 Samuel 12:5

6Na em bai stretim bek dispela pikinini sipsip fopela taim, bilong wanem, em i mekim dispela samting, na bilong wanem, em i no gat pasin sori.Select 2 Samuel 12:6

7Na Netan i tokim Devit, Yu dispela man. God BIKPELA bilong Isrel i tok olsem, Mi makim yu king long bosim Isrel, na Mi kisim bek yu ausait long han bilong Sol.Select 2 Samuel 12:7

8Na Mi givim yu hauslain bilong bikman bilong yu, na ol meri bilong bikman bilong yu i go long bros bilong yu, na givim yu hauslain bilong Isrel na bilong Juda. Na sapos dispela i bin liklik tumas, Mi bin gat laik long givim i go long yu ol kain kain samting moa tu.Select 2 Samuel 12:8

9Olsem wanem na yu bin tingim tok strong bilong BIKPELA olsem em i samting nating, long mekim pasin nogut long ai bilong Em? Yu bin kilim man Hit Yuraia wantaim bainat, na yu bin kisim meri bilong em long stap meri bilong yu, na yu bin kilim em i dai wantaim bainat bilong ol pikinini bilong Amon.Select 2 Samuel 12:9

10Olsem na nau bainat bai i no inap lusim hauslain bilong yu. Bilong wanem, yu bin tingim Mi olsem Mi samting nating, na yu bin kisim meri bilong man Hit Yuraia long stap meri bilong yu.Select 2 Samuel 12:10

11BIKPELA i tok olsem, Lukim, Mi bai kirapim samting nogut long birua long yu i kam ausait long hauslain bilong yu yet, na Mi bai kisim ol meri bilong yu long ai bilong yu, na givim ol long han bilong man i stap klostu long yu, na em bai slip wantaim ol meri bilong yu long ai bilong san.Select 2 Samuel 12:11

12Long wanem, yu mekim dispela hait. Tasol Mi bai wokim dispela samting long ai bilong olgeta Isrel, na long ai bilong san.Select 2 Samuel 12:12

13Na Devit i tokim Netan, Mi bin mekim sin i birua long BIKPELA. Na Netan i tokim Devit, BIKPELA tu i bin rausim i go sin bilong yu. Bai yu no inap dai.Select 2 Samuel 12:13

14Tasol, bikos long dispela wok yu bin givim bikpela sans long ol birua bilong BIKPELA long tok bilas, tru tumas, dispela pikinini tu husat Bat-siba i karim long yu bai dai.Select 2 Samuel 12:14

15¶ Na Netan i lusim dispela hap i go long haus bilong em. Na BIKPELA i paitim dispela pikinini husat meri bilong Yuraia i karim long Devit, na em i sik tru.Select 2 Samuel 12:15

16Olsem na Devit i askim God long daun pasin long helpim dispela pikinini. Na Devit i tambuim kaikai, na go insait, na slip long graun olgeta hap bilong nait.Select 2 Samuel 12:16

17Na ol lapun hetman bilong hauslain bilong em i kirap, na go long em, long kirapim em long graun. Tasol em i no laik, na tu em i no bin kaikai bret wantaim ol.Select 2 Samuel 12:17

18Na em i kamap olsem long namba seven de, long dispela pikinini i dai. Na ol wokboi bilong Devit i pret long tokim em long pikinini i dai pinis. Long wanem, ol i tok, Lukim, taim pikinini i stap laip yet, yumi toktok long em, na em i no laik harim nek bilong yumi. Em bai givim hevi long em yet nau olsem wanem, sapos yumi tokim em long dispela pikinini i dai pinis?Select 2 Samuel 12:18

19Tasol taim Devit i luksave long ol wokboi bilong em i wok long tok isi isi, Devit i kisim save long pikinini i dai pinis. Olsem na Devit i tokim ol wokboi bilong em, Ating pikinini i dai pinis, a? Na ol i tokim em, Em i dai pinis.Select 2 Samuel 12:19

20Nau Devit i kirap long graun, na waswas, na putim wel long em yet, na senisim naispela klos bilong em, na kam insait long haus bilong BIKPELA, na lotu. Nau em i kam insait long haus bilong em yet. Na taim em i strong long en, ol i putim bret long ai bilong em, na em i bin kaikai.Select 2 Samuel 12:20

21Nau ol wokboi bilong em i tokim em, Dispela samting yu bin mekim em i wanem samting? Yu bin tambuim kaikai na krai tru long dispela pikinini, taim em i stap laip. Tasol taim pikinini i dai pinis, yu bin kirap na kaikai bret.Select 2 Samuel 12:21

22Na em i tokim ol, Taim dispela pikinini i stap laip yet, mi tambuim kaikai na krai tru. Long wanem, mi tok, Husat i ken save long GOD bai soim marimari long mi o nogat, inap long dispela pikinini i ken stap laip?Select 2 Samuel 12:22

23Tasol nau em i dai pinis, olsem wanem na bai mi ken tambuim kaikai? Ating mi inap long bringim em i kam bek gen? Mi bai go long em, tasol em bai i no inap kam bek long mi.Select 2 Samuel 12:23

24Na Devit i givim bel isi long meri bilong em Bat-siba, na go long em, na slip wantaim em. Na em i karim wanpela pikinini man, na Devit i kolim nem bilong em Solomon. Na BIKPELA i laikim em tru.Select 2 Samuel 12:24

25Na Em i salim tok long han bilong profet Netan. Na Em i kolim nem bilong em Jedidaia, bikos BIKPELA i laik.Select 2 Samuel 12:25

26¶ Na Joap i pait birua long Raba bilong ol pikinini bilong Amon, na kisim dispela biktaun bilong king.Select 2 Samuel 12:26

27Na Joap i salim ol mausman long Devit, na tok, Mi bin pait birua long Raba, na mi bin kisim dispela biktaun bilong ol wara.Select 2 Samuel 12:27

28Olsem na nau bungim olgeta arapela bilong ol manmeri wantaim, na wokim kem pas klostu long dispela biktaun, na kisim dispela. Nogut mi kisim dispela biktaun, na ol i kolim dispela i bihainim nem bilong mi.Select 2 Samuel 12:28

29Na Devit i bungim olgeta lain wantaim, na go long Raba, na pait birua long en, na kisim dispela.Select 2 Samuel 12:29

30Na em i kisim hat king bilong king bilong ol long het bilong em, we hevi bilong en em i wanpela talen gol wantaim ol ston i dia tumas. Na ol i putim dispela antap long het bilong Devit. Na em i bringim kago bilong pait ausait long dispela biktaun i planti moa yet.Select 2 Samuel 12:30

31Na em i bringim ol manmeri ausait husat i stap insait long en, na putim ol aninit long ol so, na aninit long ol bikpela baira ain, na aninit long ol akis ain, na mekim ol i wokabaut namel long hap bilong kukim brik. Na olsem tasol em i mekim long olgeta biktaun bilong ol pikinini bilong ol lain Amon. Olsem tasol Devit na olgeta lain i kam bek long Jerusalem.Select 2 Samuel 12:31