12Acts 12

1¶ Nau klostu long dispela taim king Herot i stretim tupela han bilong em i go ausait long givim hevi long sampela bilong sios.Select Acts 12:1

2Na em i kilim Jems, brata bilong Jon, wantaim bainat.Select Acts 12:2

3Na bikos em i luksave olsem dispela i amamasim ol Ju, em i go moa long kisim Pita tu. (Nau em i ol de bilong bret i no gat yis.)Select Acts 12:3

4Na taim em i bin kisim na holimpas em, em i putim em long kalabus, na givim em long fopela lain bilong ol soldia bilong lukautim em. Em i gat tingting long bringim em i kam long ol manmeri bihain long Ista.Select Acts 12:4

5¶ Olsem na ol i holimpas Pita long kalabus. Tasol sios i no lusim pasin bilong wokim prea long God long helpim em.Select Acts 12:5

6Na taim Herot i gat laik long bringim em ausait, dispela nait stret Pita i slip namel long tupela soldia, pas wantaim tupela sen. Na ol wasman long ai bilong dua i lukautim kalabus.Select Acts 12:6

7Na, lukim, ensel bilong Bikpela i kam long em, na wanpela lait i lait insait long kalabus. Na em i paitim Pita long sait, na kirapim em, i spik, Kirap kwiktaim. Na ol sen bilong em i pundaun na lusim tupela han bilong em.Select Acts 12:7

8Na ensel i tokim em, Pasim klos long yu yet, na pasim ol rop samting long ol slipa long yu. Na em i mekim olsem. Na em i tokim em, Tromoi klos bilong yu nabaut long yu, na bihainim mi.Select Acts 12:8

9Na em i go ausait, na bihainim em. Na em i no save long em i tru, dispela samting ensel i wokim, tasol em i ting em i lukim wanpela driman samting.Select Acts 12:9

10Taim ol i abrusim mak bilong namba wan na namba tu ples wasman, ol i kamap long dispela dua bilong banis i ain i go long biktaun. Dispela i opim long strong bilong em yet. Na ol i go ausait, na wokabaut i go namel long wanpela rot. Na wantu dispela ensel i lusim em.Select Acts 12:10

11Na taim save bilong Pita i kam long em yet gen, em i tok, Nau mi save em i tru tru, long Bikpela i bin salim ensel bilong em, na em i bin kisim bek mi ausait long han bilong Herot, na ausait long olgeta strongpela hop bilong ol manmeri bilong ol Ju.Select Acts 12:11

12Na taim em i bin tingim na skelim dispela samting, em i kam long haus bilong Maria, mama bilong Jon, husat narapela nem bilong em em Mak, we planti i bung wantaim na beten.Select Acts 12:12

13Na taim Pita i paitim dua bilong dua bilong banis, wanpela yangpela meri i kam long harim, husat nem bilong em em Roda.Select Acts 12:13

14Na taim em i save long nek bilong Pita, em i no opim dua bilong banis, long wanem, em i amamas, tasol em i ran insait, na toksave long Pita i stap long ai bilong dua bilong banis olsem wanem.Select Acts 12:14

15Na ol i tokim em, Yu longlong. Tasol em i tok yes i go i go long, yes, em i stap olsem. Nau ol i tok, Em ensel bilong em.Select Acts 12:15

16Tasol Pita i paitim dua i go yet. Na taim ol i bin opim dua, na lukim em, ol i kirap nogut.Select Acts 12:16

17Tasol em, taim em i wokim mak wantaim han bilong em long ol long pasim ol maus bilong ol, em i tokaut long ol long Bikpela i bin bringim em ausait long kalabus olsem wanem. Na em i tok, Go soim ol dispela samting long Jems, na long ol brata. Na em i go, na go long narapela ples.Select Acts 12:17

18Nau long taim stret long em i san pinis, wari namel long ol soldia i no liklik, long wanem samting i bin kamap long Pita.Select Acts 12:18

19Na taim Herot i bin painim em, na em i no painim em pinis, em i skelim gut ol wasman, na tok strong long ol i mas mekim ol i dai. Na em i lusim Judia i go daun long Sisaria, na stap long dispela hap.Select Acts 12:19

20¶ Na ol man bilong Tair na Saidon i bagarapim tru amamas bilong Herot. Tasol ol i kam wantaim wanpela bel long em, na, taim ol i bin mekim Blastas, man bilong bosim rum bilong king, pren bilong ol, ol i askim long bel isi. Bilong wanem, kantri bilong ol i kisim kaikai long kantri bilong king.Select Acts 12:20

21Na long wanpela de ol i makim, Herot, taim em i werim ol naispela klos king, i sindaun antap long sia king bilong em, na wokim wanpela autim i go long ol.Select Acts 12:21

22Na ol manmeri i singaut, i spik, Em i nek bilong wanpela god, na i no bilong wanpela man.Select Acts 12:22

23Na wantu ensel bilong Bikpela i paitim em, bilong wanem, em i no givim glori long God. Na ol liklik snek i kaikai em, na em i lusim spirit bilong em i go.Select Acts 12:23

24Tasol tok bilong God i go bikpela na kamap planti moa.Select Acts 12:24

25Na Banabas na Sol i lusim Jerusalem na go bek, taim ol i bin inapim wok bilong ol, na ol i kisim Jon i go wantaim ol, husat narapela nem bilong em em Mak.Select Acts 12:25