9Acts 9

1¶ Na Sol, taim em i toktok strong yet long ol toktok bilong bagarapim na bikpela kilim i dai i birua long ol disaipel bilong Bikpela, i go long hetpris,Select Acts 9:1

2Na askim long em ol pas i go long Damaskas long ol sinagog, inap long sapos em i painim pinis sampela bilong dispela rot, sapos ol i ol man o ol meri, em i ken pasim ol na bringim ol i go long Jerusalem.Select Acts 9:2

3Na taim em i wokabaut, em i kam klostu long Damaskas. Na wantu i gat wanpela lait bilong heven i lait raun nabaut long em.Select Acts 9:3

4Na em i pundaun long graun, na em i harim wanpela nek i spik i go long em, Sol, Sol, bilong wanem yu givim hevi long mi?Select Acts 9:4

5Na em i tok, Yu husat, Bikpela? Na Bikpela i tok, Mi Jisas husat yu givim hevi. em i hat long yu long kik i birua long ol samting i gat sap.Select Acts 9:5

6Na taim em i guria na kirap nogut em i tok, Bikpela, yu gat laik long mi mekim wanem samting? Na Bikpela i tokim em, Kirap, na go insait long biktaun, na wanpela bai tokim yu long wanem samting yu mas mekim.Select Acts 9:6

7Na ol man husat i wokabaut wantaim em i sanap mauspas, taim ol i harim wanpela nek, tasol ol i no lukim wanpela man.Select Acts 9:7

8Na Sol i kirap long graun. Na taim tupela ai bilong em i op, em i no lukim wanpela man. Tasol ol i stiaim em long han, na bringim em insait long Damaskas.Select Acts 9:8

9Na em i stap aipas tripela de, na tu em i no bin kaikai o dring.Select Acts 9:9

10¶ Na i gat wanpela disaipel long Damaskas, husat nem bilong em em Ananaias. Na long em Bikpela i tok long wanpela driman samting, Ananaias. Na em i tok, Lukim, mi stap hia, Bikpela.Select Acts 9:10

11Na Bikpela i tokim em, Kirap, na go long dispela rot ol i kolim Stret, na askim long haus bilong Judas long wanpela ol i kolim Sol, bilong Tarsas. Long wanem, lukim, em i beten i stap,Select Acts 9:11

12Na em i bin lukim long wanpela driman samting wanpela man i gat nem Ananaias taim em i kam insait, na putim han bilong em antap long em, inap long em i ken kisim strong bilong em long lukluk gen.Select Acts 9:12

13Nau Ananaias i bekim tok, Bikpela, mi bin harim long planti long dispela man, hamas pasin nogut em i bin wokim long ol seint bilong yu long Jerusalem.Select Acts 9:13

14Na hia em i gat namba i kam long ol bikpris long pasim rop samting long olgeta husat i singaut long nem bilong yu.Select Acts 9:14

15Tasol Bikpela i tokim em, Go long rot bilong yu. Long wanem, em i wanpela man mi makim long mi, bilong karim nem bilong mi long ai bilong ol man i no Ju, na ol king, na ol pikinini bilong Isrel.Select Acts 9:15

16Long wanem, mi bai soim em ol bikpela samting moa em i mas karim hevi bilong tingim nem bilong mi.Select Acts 9:16

17Na Ananaias i go long rot bilong em, na go insait long haus. Na taim em i putim tupela han bilong em antap long em, em i tok, Brata Sol, Bikpela, yes Jisas, husat i kamap ples klia long yu long rot taim yu kam, i bin salim mi, inap long yu ken kisim strong bilong yu long lukluk gen, na stap pulap wantaim Holi Spirit.Select Acts 9:17

18Na wantu samting i bin stap olsem ol grile i pundaun i lusim tupela ai bilong em. Na em i kisim strong long lukluk gen wantu, na em i kirap, na kisim baptais.Select Acts 9:18

19Na taim em i bin kisim kaikai, em i kisim strong. Nau Sol i stap sampela de wantaim ol disaipel husat i stap long Damaskas.Select Acts 9:19

20Na kwiktaim em i autim Kraist insait long ol sinagog, long em i Pikinini Man bilong God.Select Acts 9:20

21Tasol olgeta husat i harim em i kirap nogut tru, na tok, Ating i yes long dispela em i em husat i bagarapim olgeta ol husat i singaut long dispela nem long Jerusalem, na i kam hia long dispela as, inap long em i ken pasim ol na bringim ol i go long ol bikpris?Select Acts 9:21

22Tasol Sol i kamap strongpela moa, na mekim tingting bilong ol Ju i paul tru husat i stap long Damaskas, taim em i pruvim long dispela em i Kraist tru.Select Acts 9:22

23¶ Na bihain long planti de i kamap pinis, ol Ju i kisim tok helpim bilong kilim em.Select Acts 9:23

24Tasol Sol i save long wet hait bilong ol. Na ol was long ol dua bilong banis san na nait long kilim em.Select Acts 9:24

25Nau ol disaipel i kisim em long nait, na lusim em i go daun long banis insait long wanpela basket.Select Acts 9:25

26Na taim Sol i kam long Jerusalem, em i laik traim long bungim em yet wantaim ol disaipel. Tasol ol olgeta i pret long em, na ol i no bilip long em i wanpela disaipel.Select Acts 9:26

27Tasol Banabas i kisim em, na bringim em long ol aposel, na tokaut long ol long em i bin lukim Bikpela long rot olsem wanem, na long em i bin toktok long em, na long em i bin autim tok wantaim pasin bilong i no pret long Damaskas long nem bilong Jisas olsem wanem.Select Acts 9:27

28Na em i stap wantaim ol taim ol i kam insait na go ausait long Jerusalem.Select Acts 9:28

29Na em i toktok wantaim pasin bilong i no pret long nem bilong Bikpela Jisas, na tok pait i birua long ol lain Gris. Tasol ol i go nabaut long kilim em i dai.Select Acts 9:29

30Dispela, taim ol brata i save, ol i bringim em daun long Sisaria, na salim em i go long Tarsas.Select Acts 9:30

31Nau ol sios i gat malolo long olgeta hap bilong Judia na Galili na Samaria, na bilip bilong ol i kisim strong. Na taim ol i wokabaut insait long pret long Bikpela, na insait long bel isi bilong Holi Spirit, ol i kamap planti moa.Select Acts 9:31

32¶ Na em i kamap olsem, taim Pita i wokabaut long olgeta hap, em i kam daun tu long ol seint husat i stap long Lida.Select Acts 9:32

33Na em i lukim long dispela hap wanpela man husat nem bilong em em Inias, husat i bin stap pas klostu long bet bilong em etpela yia, na husat i gat sik palsi.Select Acts 9:33

34Na Pita i tokim em, Inias, Jisas Kraist i mekim yu orait olgeta. Kirap, na stretim bet bilong yu. Na wantu em i kirap.Select Acts 9:34

35Na olgeta husat i stap long Lida na Saron i lukim em, na tanim i go long Bikpela.Select Acts 9:35

36¶ Nau i gat long Jopa wanpela disaipel husat nem bilong em em Tabita, dispela ol i tanim olsem na kolim Dorkas. Dispela meri i pulap long ol gutpela wok na ol wok bilong soim pasin sori, dispela em i mekim.Select Acts 9:36

37Na em i kamap olsem long ol dispela de, long em i sik, na em i dai pinis. Husat taim ol i bin wasim, ol i slipim em long wanpela rum antap.Select Acts 9:37

38Na bikos Lida i stap klostu long Jopa, na ol disaipel i bin harim long Pita i stap long dispela hap, ol i salim tupela man long em, na askim em long em i no ken wet long kam long ol.Select Acts 9:38

39Nau Pita i kirap na go wantaim ol. Taim em i kam pinis, ol i bringim em long dispela rum antap. Na olgeta meri man bilong ol i bin dai pinis i sanap klostu long em na krai tru, na soim em ol saket na ol klos, dispela Dorkas i wokim, taim em i stap wantaim ol.Select Acts 9:39

40Tasol Pita i putim ol olgeta i go ausait, na brukim skru, na beten. Na taim em i tanim em yet i go long daibodi em i tok, Tabita, kirap. Na meri i opim tupela ai bilong em. Na taim em i lukim Pita, em i kirap na sindaun.Select Acts 9:40

41Na em i givim meri han bilong em, na litimapim em, na taim em i bin singautim ol seint na ol meri man bilong ol i bin dai pinis, em i soim meri i stap laip.Select Acts 9:41

42Na olgeta hap bilong Jopa i save long dispela. Na planti i bilip long Bikpela.Select Acts 9:42

43Na em i kamap olsem, long Pita i stap yet planti de long Jopa wantaim wanpela Saimon, man bilong stretim skin bilong abus.Select Acts 9:43