1Colossians 1

1¶ Pol, wanpela aposel bilong Jisas Kraist long laik bilong God, na Timoti, brata bilong yumi,Select Colossians 1:1

2I go long ol seint na ol brata yu inap bilip long ol insait long Kraist husat i stap long Kolosi. Marimari i ken stap long yupela, na bel isi, i kam long God, Papa bilong yumi, na Bikpela Jisas Kraist.Select Colossians 1:2

3¶ Mipela i givim tenkyu long God na Papa bilong Bikpela bilong yumi Jisas Kraist, taim mipela i beten olgeta taim long yupela,Select Colossians 1:3

4I stat long taim mipela i harim long bilip tru bilong yupela insait long Kraist Jisas, na long dispela laikim tru yupela i gat long olgeta seint,Select Colossians 1:4

5Long dispela hop God i putim i stap bilong yupela long heven, we long en yupela i harim bipo long dispela tok bilong tok tru bilong gutnius,Select Colossians 1:5

6Dispela i kam long yupela, olsem em i stap long olgeta hap bilong dispela graun, na karim kaikai, olsem em i mekim tu long yupela, i stat long de yupela i harim long en, na bin save long marimari bilong God insait long tok tru,Select Colossians 1:6

7Olsem yupela tu i lainim long Epafras, wanwok bilong mipela i dia tru, husat bilong yupela em i wanpela wokman bilong Kraist yu inap bilip long em,Select Colossians 1:7

8Husat tu i tokaut long mipela long laikim tru bilong yupela insait long Spirit.Select Colossians 1:8

9¶ Long dispela as mipela tu, i stat long de mipela i harim dispela, i no lusim pasin bilong beten long yupela, na long gat laik long yupela i ken pulap wantaim save bilong laik bilong em long olgeta save tru na gutpela save long sait bilong spirit,Select Colossians 1:9

10Inap long yupela i ken wokabaut i inap long Bikpela i go long olgeta samting bilong amamasim em, taim yupela i karim planti kaikai long olgeta wan wan gutpela wok, na taim save bilong yupela long God i kamap bikpela moa,Select Colossians 1:10

11Na kisim strong wantaim olgeta strong, bilong bihainim pawa bilong em i gat glori, i go long olgeta pasin bilong sanap strong long traim na pasin bilong karim pen longpela taim wantaim pasin bilong amamas tru,Select Colossians 1:11

12¶ Taim yumi givim tok tenkyu i go long Papa, husat i bin mekim yumi fit long stap ol man bilong kisim hap bilong samting papa i givim pikinini bilong ol seint insait long lait,Select Colossians 1:12

13Husat i bin kisim bek yumi long pawa bilong tudak, na i bin senisim yumi i go insait long kingdom bilong Pikinini Man bilong em i dia tru.Select Colossians 1:13

14Insait long husat yumi gat pasin bilong baim bek long wok bilong blut bilong em, yes, em i lusim ol sin bilong yumi,Select Colossians 1:14

15Husat em i piksa bilong God man i no inap long lukim, namba wan pikinini bilong olgeta wan wan samting God i wokim.Select Colossians 1:15

16Long wanem, long wok bilong em em i kamapim olgeta samting long nating, dispela i stap long heven, na dispela i stap long dispela graun, samting man i inap long lukim, na samting man i no inap long lukim, sapos ol i stap ol sia king, o ol hap bilong bosim, o ol hetman bilong gavman, o ol man i gat pawa. Olgeta samting em i kamapim long nating, na olgeta i bilong amamasim em.Select Colossians 1:16

17Na em i stap bipo long olgeta samting, na long em olgeta samting i stap gut wantaim.Select Colossians 1:17

18Na em i het bilong bodi, sios, husat i stat bilong ol samting, namba wan pikinini i kirap long dai, inap long em i ken gat nambawan namba long olgeta samting.Select Colossians 1:18

19Long wanem, dispela i amamasim bel bilong Papa, long insait long em olgeta samting i pulap i ken stap.Select Colossians 1:19

20Na, taim em i bin mekim bel isi i kamap long wok bilong blut bilong diwai kros bilong em, long wok bilong em long mekim olgeta samting i kamap wanbel gen long em yet. Long em, mi tok, sapos ol i stap ol samting long dispela graun, o ol samting long heven.Select Colossians 1:20

21Na yupela, husat sampela taim bipo i stap ol ausait man na ol birua insait long tingting bilong yupela long ol wok nogut bilong yupela, tasol nau em i bin mekim wanbel pasin i kamap genSelect Colossians 1:21

22Insait long bodi bilong mit bilong em long wok bilong dai, long bringim yupela long em holi na ol man i no gat asua na ol man ol i no inap krosim long ai bilong em,Select Colossians 1:22

23Sapos yupela i stap yet insait long bilip tru i strong tru na i sanap olsem ston, na yupela i no ken muv i go lusim dispela hop bilong gutnius, dispela yupela i bin harim, na dispela yumi autim long olgeta wan wan samting God i wokim, dispela i stap aninit long heven, we long en God i mekim mi Pol wanpela wokman,Select Colossians 1:23

24Husat nau i wokim amamas tru long ol pen mi karim bilong helpim yupela, na pulimapim dispela samting i kam bihain long ol bikpela hevi bilong Kraist insait long bodi bilong mi bilong tingim bodi bilong em, dispela em i sios.Select Colossians 1:24

25We long en God i mekim mi wanpela wokman, bilong bihainim dispela wok bilong God bilong tilim em i givim long mi long helpim yupela, long inapim tok bilong God,Select Colossians 1:25

26Yes, dispela samting hait God i bin haitim long ol taim bipo na long ol lain tumbuna, tasol nau em i mekim i kamap ples klia long ol seint bilong em,Select Colossians 1:26

27Long husat God i gat laik long mekim ol long save long ol samting i dia tru bilong glori bilong dispela samting hait namel long ol lain i no Ju em i wanem samting. Dispela em i Kraist insait long yupela, hop bilong glori,Select Colossians 1:27

28Husat mipela autim, taim mipela i tok lukaut long olgeta wan wan man, na taim mipela i skulim olgeta wan wan man long olgeta save tru, inap long mipela i ken bringim long em olgeta wan wan man inap tru insait long Kraist Jisas,Select Colossians 1:28

29We long en mipela tu i hatwok, na pait strong bilong bihainim wok bilong em, dispela em i wokim strong insait long mi.Select Colossians 1:29