12Daniel 12

1¶ Na long dispela taim Maikel bai sanap, dispela bikpela hetman i save sanap bilong helpim ol pikinini bilong manmeri bilong yu. Na bai i gat wanpela taim bilong trabel, na dispela i no bin i stap olsem inap long taim wanpela kantri i bin kamap. Yes, long dispela wankain taim. Na long dispela taim Maikel i sanap, wanpela bai mekim ol manmeri bilong yu i kamap fri, em olgeta wan wan husat God i lukim rait long ol i stap long dispela buk.Select Daniel 12:1

2Na planti bilong ol husat i slip insait long das bilong dispela graun bai kirap, sampela long laip i stap gut oltaim oltaim, na sampela long sem na long stap samting i sting long ai oltaim oltaim.Select Daniel 12:2

3Na ol husat i stap saveman tru bai lait olsem lait bilong spes, na ol husat i tanim planti i go long stretpela pasin bai i stap olsem ol sta oltaim oltaim.Select Daniel 12:3

4Tasol yu, O Danyel, yu mas pasim gut ol dispela tok, na putim mak bilong pasim dispela buk, yes inap long taim bilong pinis. Planti bai ran i kam na i go, na save bai kamap bikpela moa.Select Daniel 12:4

5¶ Long dispela taim mi Danyel, mi lukluk, na harim, narapela tupela i sanap. Wanpela i stap long dispela sait bilong arere bilong wara riva, na arapela i stap long arapela sait bilong arere bilong wara riva.Select Daniel 12:5

6Na wanpela i tok long dispela man i pasim klos long naispela waitpela laplap, na em i stap antap long ol wara bilong riva, Hamas taim bai i stap i go inap long pinis bilong ol dispela bikpela samting i save winim tingting?Select Daniel 12:6

7Na mi harim dispela man i pasim klos long naispela waitpela laplap, na em i stap antap long ol wara bilong riva, taim em i holim i stap antap han sut bilong em na han kais bilong em i go long heven, na em i tok tru antap long man husat i stap laip oltaim long dispela samting bai i stap long wanpela taim, na ol taim, na wanpela hap taim, na taim em i pinis long mekim pawa bilong ol manmeri i holi i go nabaut, dispela olgeta samting bai pinis.Select Daniel 12:7

8Na mi harim, tasol mi no klia. Long dispela taim mi tok, O Bikpela bilong mi, wanem samting bai i stap pinis bilong ol dispela samting?Select Daniel 12:8

9Na em i tok, Go long rot bilong yu, Danyel. Long wanem ol dispela tok i pas i stap na em i gat mak i pasim em i go inap long taim bilong pinis.Select Daniel 12:9

10Planti bai i kamap klin, na ol i kamap waitpela, na ol i kisim traim, tasol ol man i nogut tru bai i mekim ol pasin i nogut tru. Na i no gat wanpela bilong ol man i nogut tru bai i save gut, tasol ol saveman tru bai save gut.Select Daniel 12:10

11Na long taim bilong wanpela bai i tekewe sakrifias bilong olgeta de, na dispela samting i sting tru long ai bilong God na i bagarapim i sanap, bai i gat 1,290 de.Select Daniel 12:11

12Blesing i go long man i wet i stap, na i kam long dispela 1,335 de.Select Daniel 12:12

13Tasol yu go long rot bilong yu inap long pinis i stap. Long wanem bai yu malolo, na sanap long ol samting bilong yu long pinis bilong ol de.Select Daniel 12:13