7Daniel 7

1¶ Long namba wan yia bilong Belsasar i stap king bilong Babilon, Danyel i kisim wanpela driman bilong slip na ol samting olsem driman long het bilong em taim em i stap long bet bilong em. Orait, em i raitim dispela driman na toktok long olgeta bilong ol dispela samting.Select Daniel 7:1

2Danyel i spik na tok, Mi bin lukluk long dispela samting olsem driman bilong mi long nait, na harim, ol fopela win bilong heven i pait long bikpela solwara.Select Daniel 7:2

3Na fopela bikpela animal i kamap na lusim dispela solwara, na ol i narakain wanpela long narapela.Select Daniel 7:3

4Dispela namba wan wel abus em i olsem wanpela laion, na em i gat ol wing bilong taragau. Mi lukluk i go inap long taim wanpela i rausim ol wing bilong em i go, na i litimapim em i go antap long dispela graun, na mekim em sanap long lek olsem man, na givim wanpela bel bilong man long em.Select Daniel 7:4

5Na harim, narapela animal, em namba tu, em i olsem wanpela bea, na em i sanapim em yet long wanpela sait, na em i bin holim tripela bun banis insait long maus bilong em i stap namel long ol tit bilong em. Na ol i tok olsem long em, Kirap, na kaikai planti mit.Select Daniel 7:5

6Na bihain long dispela mi lukluk, na harim, wanpela narapela i olsem wanpela bikpela welpusi i stap. Na long baksait bilong dispela welpusi em i gat fopela wing bilong kakaruk samting. Na tu dispela animal i gat fopela het na pawa bilong bosim ol samting em i go long em.Select Daniel 7:6

7Bihain long dispela mi lukluk long ol dispela samting olsem driman long nait, na lukim wanpela namba foa animal i kam. Em i givim traipela pret na em i nogut moa, na strong bilong em i go moa yet. Na em i gat ol bikpela tit ain, na em i save kaikai inap long pinisim na brukim ol samting i go long planti hap, na em i krungutim ol samting i stap yet long ol lek bilong em, na em i narakain olgeta long olgeta animal i stap pastaim long em. Na em i gat tenpela kom.Select Daniel 7:7

8Na mi tingim na skelim ol kom, na harim, namel long ol kom i sanap wanpela narapela liklik kom. Na long pes bilong em i gat tripela kom long ol namba wan lain kom wanpela i bin pulim ol i kamaut long rop bilong ol yet. Na harim, long dispela kom i gat ol ai olsem ol ai bilong man, na wanpela maus i toktok long ol bikpela samting.Select Daniel 7:8

9¶ Mi lukluk i go inap long ol sia king i bin pundaun, na dispela Bipo Tru bilong ol de i sindaun, klos bilong Em i waitpela olsem waitpela ais, na gras bilong het bilong Em i olsem gras bilong sipsip i klin olgeta. Sia king bilong Em i olsem hap bilong paia i paia tru, na ol wil bilong Em i olsem paia i kuk.Select Daniel 7:9

10Wanpela paia i kamaut olsem wara i go i kamap na i kamaut i stap long pes bilong Em. Ol tausen tausen i wokim wok long Em, na ten tausen taims ten tausen i bin sanap long pes bilong Em. Dispela kot i sanap, na ol buk i op.Select Daniel 7:10

11Long dispela taim mi lukluk long wanem mi harim nek bilong ol bikpela tok dispela kom i bin tokim. Mi lukluk yet i go inap long taim wanpela i bin kilim i dai dispela animal, na bodi bilong em i bagarap olgeta na i go long dispela lait bilong paia i kuk.Select Daniel 7:11

12Na long ol arapela animal, wanpela i bin rausim pinis ol namba bilong ol, tasol ol laip bilong ol i go longpela liklik moa inap long wanpela hap taim na taim.Select Daniel 7:12

13Mi lukluk long ol samting olsem driman bilong nait, na harim, wanpela i olsem dispela Pikinini Man bilong man i bin kam wantaim ol klaut bilong heven, na i bin kam long dispela Bipo Tru bilong ol de, na ol i bringim Em i kam klostu long pes bilong Em.Select Daniel 7:13

14Na Em i givim Em hap bilong bosim, na glori na wanpela kingdom, inap long olgeta manmeri, na ol kantri, na ol tok ples, bai i mekim wok long Em. Hap bilong bosim bilong Em em i wanpela hap bilong bosim i stap oltaim oltaim, na em i no inap pinis, na bai kingdom bilong em i no bagarap pinis.Select Daniel 7:14

15¶ Mi Danyel, mi bel hevi insait long spirit bilong mi namel long bodi bilong mi. Na ol samting olsem driman bilong het bilong mi i pretim mi.Select Daniel 7:15

16Mi kam klostu long wanpela bilong ol i sanap klostu, na mi askim em long olgeta samting bilong dispela i tru. Olsem na em i tokim mi, na mekim mi save long as tingting bilong ol dispela samting.Select Daniel 7:16

17Ol dispela bikpela animal, em fopela i stap, ol i fopela king na ol bai kamaut long dispela graun.Select Daniel 7:17

18Tasol ol seint bilong dispela wanpela i Antap tru bai kisim dispela kingdom, na holimpas dispela kingdom i stap oltaim, yes inap long i stap oltaim oltaim.Select Daniel 7:18

19Long dispela taim mi laik save long ol tok tru long dispela namba foa animal, em i narakain tru long olgeta arapela. Em i givim pret moa yet, na tit bilong em i stap ain, na ol nil bilong lek bilong em i bras. Em i kaikai long pinisim, na brukim i go long planti hap, na krungutim strong ol samting i stap yet long ol lek bilong em.Select Daniel 7:19

20Na long tenpela kom i stap long het bilong em, na long dispela arapela kom i kamap, na long pes bilong em tripela kom i pundaun, yes dispela kom i gat ol ai, na wanpela maus i tok long ol bikpela samting, na lukluk bilong em i strong moa long ol poroman bilong em.Select Daniel 7:20

21Mi lukluk, na dispela wanpela kom i mekim bikpela pait wantaim ol seint, na em i wok long winim ol.Select Daniel 7:21

22I go inap long taim Bipo Tru bilong ol de i kam, na wanpela i givim kot long ol seint bilong dispela wanpela i Antap olgeta. Na taim bilong ol seint i mas holimpas dispela kingdom i kamp pinis.Select Daniel 7:22

23Em i tok olsem, Dispela namba foa animal bai i stap dispela namba foa kingdom long dispela graun, na em bai stap narakain long olgeta kingdom, na em bai kaikai na pinisim olgeta hap bilong dispela graun, na krungutim dispela i go daun, na brukim dispela i go long planti hap.Select Daniel 7:23

24Na ol dispela tenpela kom i kamaut long dispela kingdom, ol i tenpela king na ol bai sanap. Na narapela bai sanap bihain long ol, na em bai stap narakain long dispela namba wan i bin kam pinis, na em bai daunim tripela king.Select Daniel 7:24

25Na bai em i tokim ol bikpela tok i birua long dispela wanpela i Antap olgeta, na em bai pinisim strong bilong ol seint bilong dispela wanpela i Antap olgeta, na em bai tingting long senisim ol taim na ol lo. Na ol bai i go long han bilong em i go inap long wanpela taim na ol taim na wanpela brukim bilong taim.Select Daniel 7:25

26Tasol kot bai i stap, na ol bai rausim hap bilong bosim bilong em. Ol bai kaikai na pinisim dispela olgeta na bagarapim dispela inap long pinis.Select Daniel 7:26

27Na dispela kingdom na hap bilong bosim, na biknem bilong dispela kingdom i stap aninit long olgeta hap bilong heven, ol bai i go long ol manmeri bilong ol seint bilong dispela wanpela i Antap olgeta. Kingdom bilong Em em i wanpela kingdom i stap oltaim oltaim, na olgeta hap man i bosim bai mekim wok bilong Em na bihainim tok bilong Em.Select Daniel 7:27

28Pinis bilong dispela samting i kam inap long hia. Olsem long mi, Danyel, ol tingting bilong mi i pretim mi, na pes bilong mi i senis long mi. Tasol mi holimpas dispela samting insait long bel bilong mi.Select Daniel 7:28