23Deuteronomy 23

1¶ Man i bagarap long ol ston bilong em o ol i bin katim na rausim sem bilong em, em i no ken i go insait long lain bung bilong BIKPELA.Select Deuteronomy 23:1

2Wanpela bastat i no ken i go insait long lain bung bilong BIKPELA inap long namba ten lain tumbuna pikinini bilong em, ol i no ken i go insait long lain bung bilong BIKPELA.Select Deuteronomy 23:2

3Wanpela bilong lain Amon o lain Moap i no ken go insait long lain bung bilong BIKPELA. Yes inap long winim namba ten lain tumbuna pikinini, ol i no ken i go insait long lain bung bilong BIKPELA oltaim oltaim.Select Deuteronomy 23:3

4Long wanem ol i no bin bungim yupela wantaim kaikai na wantaim wara long rot taim yupela i kam lusim Isip. Na bikos ol i bin baim Belam, pikinini man bilong Beor bilong Petor bilong Mesopotemia, long mekim tok long God i mas daunim yu.Select Deuteronomy 23:4

5Tasol God BIKPELA bilong yu i no laik harim tok bilong Belam. Tasol God BIKPELA bilong yu i bin tanim dispela tok long daunim yu long i kamap blesing long yu. Long wanem God BIKPELA bilong yu i laikim tru yu.Select Deuteronomy 23:5

6Yu no ken wok long painim bel isi wantaim ol o helpim ol long kisim planti kago samting long olgeta de bilong yu inap long oltaim oltaim.Select Deuteronomy 23:6

7Yu no ken tingting nogut long wanpela i bilong lain Idom. Long wanem em i brata bilong yu. Yu no ken tingting nogut long wanpela i bilong lain Isip bikos yu bin i stap man bilong narapela kantri long graun bilong em.Select Deuteronomy 23:7

8Ol pikinini ol i kamapim bai kam insait long lain bung bilong BIKPELA long namba tri lain pikinini.Select Deuteronomy 23:8

9¶ Taim ami i go bilong pait wantaim ol birua bilong yupela, nau yu mas lukaut long stap longwe long olgeta samting nogut.Select Deuteronomy 23:9

10Sapos wanpela man i stap namel long yupela na em i no klin, long wanem em i kamap doti long nait, nau em i mas i go ausait long kem. Em i no ken kam insait long kem.Select Deuteronomy 23:10

11Tasol em bai stap olsem, taim apinun tru i kamap em i mas wasim em yet long wara. Na taim san i go daun em i mas kam insait long kem gen.Select Deuteronomy 23:11

12Na tu yu mas i gat wanpela ples i stap ausait long kem, na yu mas i go ausait na go long em.Select Deuteronomy 23:12

13Na yu mas i gat wanpela liklik savol i stap long spia bilong yu. Na em bai stap olsem, taim yu laik go ausait long sindaun bilong pekpek yu mas digim hul long dispela savol na yu mas tanim yu yet na karamapim dispela samting i kamaut long yu.Select Deuteronomy 23:13

14Long wanem God BIKPELA bilong yu i wokabaut long namel long kem bilong yu long helpim yu na long givim yu ol birua bilong yu long pes bilong yu. Olsem na kem bilong yu i mas i stap holi, bai Em i no lukim wanpela samting i no klin long yu na tanim Em yet long lusim yu.Select Deuteronomy 23:14

15¶ Yu no ken givim i go bek long bosman bilong em wanpela wokboi nating i bin ranawe long dispela bosman na em i kam long yu.Select Deuteronomy 23:15

16Em bai sindaun wantaim yu, yes namel long yupela long wanem ples em bai makim insait long wanpela bilong ol dua bilong banis bilong yu long ples em i tingim i nambawan. Yu no ken givim hevi long em.Select Deuteronomy 23:16

17I no gat wanpela pamuk meri i ken i stap long ol pikinini meri bilong Isrel, o wanpela i bihainim ol pasin nogut bilong Sodom long ol pikinini man bilong Isrel.Select Deuteronomy 23:17

18Yu no ken bringim pe bilong wanpela pamuk meri o pe bilong baim wanpela i bihainim pasin nogut bilong Sodom, ol i kolim em dok, i kam insait long haus bilong God BIKPELA bilong yu bilong bihainim wanpela tok tru antap i go long God. Long wanem dispela tupela samting i sting tru long tingting bilong God BIKPELA bilong yu.Select Deuteronomy 23:18

19Yu no ken givim dinau bilong kisim profit mani samting long brata bilong yu. Em profit long mani o profit long kaikai o profit long wanpela samting ol i givim dinau bilong kisim dispela.Select Deuteronomy 23:19

20Yu ken givim dinau bilong kisim profit samting long wanpela man bilong narapela kantri. Tasol yu no ken givim dinau bilong kisim profit samting long ol brata bilong yu. Long God BIKPELA bilong yu i ken blesim yu long olgeta samting yu putim han bilong yu long mekim long graun yu go long em long kisim dispela.Select Deuteronomy 23:20

21Taim yu mekim tok tru antap i go long God BIKPELA bilong yu, yu no ken slek long baim dispela. Long wanem tru tumas God BIKPELA bilong yu bai i gat askim long dispela long yu. Na dispela bai stap sin long yu.Select Deuteronomy 23:21

22Tasol sapos yu bai i no laik mekim tok tru antap, dispela i no stap sin long yu.Select Deuteronomy 23:22

23Dispela tok i go ausait long arere bilong maus bilong yu, yu mas bihainim na mekim. Inap long ofa yu mekim long laik bilong yu, long bihainim tok tru antap yu bin mekim long God BIKPELA bilong yu na yu bin promisim dispela long maus bilong yu.Select Deuteronomy 23:23

24Taim yu kam long gaden wain bilong man i stap klostu long yu, nau yu ken kaikai ol pikinini wain long laik bilong yu inap long yu pulap, tasol yu no ken putim wanpela long basket samting bilong yu.Select Deuteronomy 23:24

25Taim yu kam long kon samting i sanap na i bilong man i stap klostu long yu, nau yu ken rausim ol pikinini kaikai long han bilong yu, tasol yu no ken putim wanpela sarip i go long dispela kon samting i sanap na i bilong man i stap klostu long yu.Select Deuteronomy 23:25