28Deuteronomy 28

1¶ Na em bai kamap olsem, sapos yu bai harim gut nek bilong God BIKPELA bilong yu long lukautim na bihainim olgeta strongpela tok bilong Em mi givim strongpela tok long yu long ol dispela de, orait God BIKPELA bilong yu bai putim yu antap tru na antap long olgeta kantri bilong dispela graun.Select Deuteronomy 28:1

2Na olgeta bilong ol dispela blesing bai kam long yu na stap wantaim yu sapos yu bai harim nek bilong God BIKPELA bilong yu.Select Deuteronomy 28:2

3Blesing bai stap long yu long biktaun na blesing bai stap long yu long ples op.Select Deuteronomy 28:3

4Blesing bai stap long ol pikinini bilong bodi bilong yu na ol kaikai bilong graun bilong yu na ol pikinini bilong ol bulmakau samting bilong yu na long ol wok bulmakau bilong yu i kamap planti moa na long ol bung bilong ol sipsip bilong yu.Select Deuteronomy 28:4

5Blesing bai stap long basket bilong yu na long ples yu wokim bret.Select Deuteronomy 28:5

6Blesing bai stap long yu taim yu kam insait na blesing bai stap long yu taim yu go ausait.Select Deuteronomy 28:6

7Ol birua bilong yu husat i kirap birua long yu BIKPELA bai mekim ol i kisim bagarap long pes bilong yu. Ol bai kamaut long birua long yu long wanpela rot na ranawe long pes bilong yu long sevenpela rot.Select Deuteronomy 28:7

8BIKPELA bai givim strongpela tok long blesim yu long ol haus stua na long olgeta samting yu putim han bilong yu long mekim. Na Em bai blesim yu long dispela hap graun God BIKPELA bilong yu i givim yu.Select Deuteronomy 28:8

9BIKPELA bai kirapim yu long i stap wanpela manmeri i holi long Em yet olsem Em i tok tru antap long yu sapos yu bai holimpas ol strongpela tok bilong God BIKPELA bilong yu na wokabaut long ol we bilong Em.Select Deuteronomy 28:9

10Na olgeta manmeri bilong dispela graun bai lukim olsem, ol i makim yu long nem bilong BIKPELA. Na ol bai pret long yu.Select Deuteronomy 28:10

11Na BIKPELA bai mekim yu i gat planti long kago samting na long ol pikinini na long ol pikinini bilong ol bulmakau samting bilong yu na long ol kaikai bilong graun bilong yu long dispela hap graun BIKPELA i tok tru antap long ol papa bilong yu long givim yu.Select Deuteronomy 28:11

12BIKPELA bai opim long yu gutpela samting i dia tumas bilong Em, em heven long givim ren long graun bilong yu long stretpela taim bilong Em na long blesim olgeta wok bilong han bilong yu. Na yu bai givim dinau long planti kantri na bai yu no kisim dinau.Select Deuteronomy 28:12

13Na BIKPELA bai mekim yu i stap het na i no tel. Na yu bai stap antap tasol na yu no bai stap aninit. Ol dispela bai kamap sapos yu harim ol strongpela tok bilong God BIKPELA bilong yu, mi givim strongpela tok long ol long dispela de long bihainim na long mekim ol.Select Deuteronomy 28:13

14Na yu no ken go popaia long wanpela bilong ol tok mi givim strongpela tok long yu long ol long dispela de. Yu no ken go long han sut o long han kais, long go bihainim ol arapela god long mekim wok bilong ol.Select Deuteronomy 28:14

15¶ Tasol em bai kamap olsem, sapos yu no laik harim nek bilong God BIKPELA bilong yu long holimpas long mekim olgeta strongpela tok bilong Em na ol strongpela tok bilong Em i stap long buk, mi givim strongpela tok long yu long ol dispela de, orait olgeta bilong dispela pasin bilong God i kotim yu bai kam long yu na stap wantaim yu.Select Deuteronomy 28:15

16Bai yu stap aninit long kot insait long biktaun na yu bai stap aninit long kot long ples op.Select Deuteronomy 28:16

17Basket bilong yu na stua bilong yu bai stap aninit long kot.Select Deuteronomy 28:17

18Ol pikinini bilong bodi bilong yu na ol kaikai bilong graun bilong yu na ol pikinini bilong ol bulmakau bilong yu na ol bung sipsip bilong yu, olgeta bai stap aninit long kot.Select Deuteronomy 28:18

19Yu bai stap aninit long kot taim yu kam insait na yu bai stap aninit long kot taim yu go ausait.Select Deuteronomy 28:19

20BIKPELA bai salim long yu pasin bilong i stap aninit long kot na hevi na hatim long olgeta samting yu putim han bilong yu long mekim, inap long yu bagarap olgeta na inap long yu dai pinis kwiktaim. Na as bilong dispela em i ol pasin nogut bilong ol samting yu mekim na long dispela yu bin givim baksait long Mi.Select Deuteronomy 28:20

21BIKPELA bai mekim bikpela sik i bungim yu inap long Em i pinisim yu long lusim dispela hap graun, graun yu go long kisim.Select Deuteronomy 28:21

22BIKPELA bai paitim yu long sik i mekim yu i kamap bun nating na long skinhat na long bikpela skinhat na long bainat na long gaden i kisim sik na long kaikai i no kisim ren na ol bai ranim yu inap long yu bagarap.Select Deuteronomy 28:22

23Na skai bilong yu i stap antap long het bilong yu bai stap bras na graun i stap aninit long yu bai stap ain.Select Deuteronomy 28:23

24BIKPELA bai mekim ren bilong graun bilong yu i kamap paura na das. Em bai lusim heven na kam daun long yu inap long yu stap bagarap.Select Deuteronomy 28:24

25BIKPELA bai mekim yu i kisim bagarap long pes bilong ol birua bilong yu. Yu bai go ausait long wanpela rot long paitim ol na ranawe long sevenpela rot long pes bilong ol. Na ol bai tekewe yu i go long olgeta kingdom bilong dispela graun.Select Deuteronomy 28:25

26Na bodi bilong yu bai stap kaikai bilong olgeta pisin bilong skai na long ol animal bilong dispela graun. Na i no gat wanpela man bai pretim ol long ranawe.Select Deuteronomy 28:26

27BIKPELA bai bagarapim yu long buk bilong Isip na long buk i kamap long sem na long kaskas na long ol sik i mekim wanpela i skirapim skin. Na yu no inap kamap orait gen long ol dispela.Select Deuteronomy 28:27

28BIKPELA bai bagarapim yu long longlong tingting na kamap aipas na bel i pret tumas.Select Deuteronomy 28:28

29Na yu bai putim han i go ausait bilong pilim long belo, olsem aipas i putim han long tudak na bai yu no stap gutpela long ol we bilong yu. Na yu bai stap lain i kisim hevi tasol na lusim ol samting na i no gat wanpela bai helpim yu i stap gutpela.Select Deuteronomy 28:29

30Yu bai makim wanpela meri bilong i kamap meri bilong yu na narapela man bai slip wantaim em. Yu bai wokim wanpela haus na yu no inap stap insait long em. Yu bai planim wanpela gaden diwai wain na yu no inap bungim ol pikinini kaikai bilong dispela.Select Deuteronomy 28:30

31Ol bai kilim bulmakau bilong yu long pes bilong yu na yu no inap kaikai dispela. Ol bai stilim na tekewe donki bilong yu long pes bilong yu na bai wanpela i no kisim dispela i kam bek long yu. Ol bai givim ol sipsip bilong yu long ol birua bilong yu, na yu no gat wanpela bilong kisim ol i kam bek.Select Deuteronomy 28:31

32Ol bai givim ol pikinini man bilong yu na ol pikinini meri bilong yu long narapela manmeri, na ol ai bilong yu bai lukluk inap long kamap aipas long yu ken lukim ol olgeta taim long de. Na han bilong yu bai i no stap strong.Select Deuteronomy 28:32

33Wanpela kantri yu no save long ol bai kaikai olgeta kaikai bilong graun bilong yu na olgeta hatwok bilong yu. Na yu bai stap lain bilong kisim hevi tasol na lain i bruk nabaut olgeta taim.Select Deuteronomy 28:33

34Olsem na bai yu stap longlong bilong lukim long ol ai bilong yu, ol dispela yu bai lukim.Select Deuteronomy 28:34

35BIKPELA bai bagarapim yu long ol skru bilong lek na long ol lek long wanpela buk i nogut tru na i stap long aninit long fut bilong yu na i go inap long antap bilong het bilong yu na yu no inap oraitim dispela.Select Deuteronomy 28:35

36BIKPELA bai bringim yu na king bilong yu, yu bai makim em long bosim yu long i go long wanpela kantri, em kantri yu o ol papa bilong yu i no bin save long ol. Na long dispela ples bai yu mekim wok long ol arapela god bilong diwai na ston.Select Deuteronomy 28:36

37Na yu bai kamap wanpela samting nogut i winim tingting na wanpela samting bilong skulim ol arapela na wanpela samting bilong makim long tok bilas namel long olgeta kantri BIKPELA bai go pas long yu long ol.Select Deuteronomy 28:37

38Yu bai karim planti pikinini kaikai i go long gaden na yu bai bungim liklik long kamautim, long wanem ol grasop bai kaikai dispela.Select Deuteronomy 28:38

39Yu bai planim ol gaden wain na wok long ol, tasol bai yu no dring dispela wain o bungim ol pikinini kaikai bilong ol, long wanem ol liklik snek bai kaikai ol.Select Deuteronomy 28:39

40Yu bai gat ol diwai oliv i stap nabaut long olgeta hap i stap insait long ol arere bilong graun bilong yu, tasol yu no inap welim yu yet long dispela wel, long wanem ol diwai oliv bilong yu bai lusim ol oliv bilong em bipo ol i mau.Select Deuteronomy 28:40

41Yu bai karim ol pikinini man na pikinini meri, tasol yu no inap amamas wantaim ol, long wanem ol bai go long i stap kalabus.Select Deuteronomy 28:41

42Ol grasop bai kaikai olgeta diwai bilong yu na ol kaikai bilong graun bilong yu.Select Deuteronomy 28:42

43Man bilong narapela kantri i stap wantaim yu bai i stap antap tru long yu, na yu bai stap daunbilo tru.Select Deuteronomy 28:43

44Em bai givim dinau long yu na yu no inap givim dinau long em. Em bai stap het na yu bai stap tel.Select Deuteronomy 28:44

45¶ Na moa yet olgeta bilong dispela kotim bai kam long yu na bihainim yu na winim yu inap long yu bagarap olgeta, long wanem yu no laik harim nek bilong God BIKPELA bilong yu long holimpas ol strongpela tok bilong Em na ol strongpela tok bilong Em i stap long buk na Em i bin givim strongpela tok long yu long ol.Select Deuteronomy 28:45

46Na ol bai stap long yu bilong i stap wanpela mak na bilong wanpela samting i winim tingting long ol pikinini na tumbuna pikinini bilong yu inap long oltaim oltaim.Select Deuteronomy 28:46

47Long wanem yu no mekim wok bilong God BIKPELA bilong yu wantaim pasin bilong amamas tru na long bel i amamas long dispela planti bilong olgeta samting yu bin kisim.Select Deuteronomy 28:47

48Olsem na yu bai mekim wok bilong ol birua bilong yu, BIKPELA bai salim ol long birua long yu. Na yu bai stap long hangre na long nek i drai na long pasin bilong i stap skin nating na long yu sot long olgeta samting. Na em bai pasim wanpela samting ain bilong pasim nek bilong bulmakau long nek bilong yu, inap long em i bagarapim yu.Select Deuteronomy 28:48

49BIKPELA bai bringim wanpela kantri long birua long yu. Ol i stap longwe tru, em long arere bilong dispela graun na ol i kam kwiktaim olsem tarangau i flai. Em wanpela kantri na bai yu no save long tok ples bilong ol.Select Deuteronomy 28:49

50Wanpela kantri pes bilong ol i pretim ol arapela na ol bai i no givim ona long ol lapun o laikim ol yangpela.Select Deuteronomy 28:50

51Na em bai kaikai ol pikinini bilong ol bulmakau bilong yu na ol kaikai bilong graun bilong yu inap long yu bagarap. Na tu bai ol i no larim yu holim kon samting o wain o wel o pikinini bilong ol bulmakau bilong yu o ol bungim bilong ol sipsip bilong yu inap long em i bagarapim yu.Select Deuteronomy 28:51

52Na em bai pasim yu insait long olgeta dua bilong banis bilong biktaun bilong yu inap long ol banis bilong yu i antap tru ol i kam daun. Yu bin bilip long ol long olgeta hap bilong graun bilong yu. Na em bai pasim yu insait long olgeta dua bilong banis bilong yu long olgeta hap bilong graun bilong yu God BIKPELA bilong yu i bin givim dispela long yu.Select Deuteronomy 28:52

53Na yu bai kaikai ol pikinini bilong bodi bilong yu, em mit bilong ol pikinini man bilong yu na bilong ol pikinini meri bilong yu God BIKPELA bilong yu i bin givim long yu long dispela taim bilong pasim yu na long hatpela taim na long dispela ol birua bilong yu bai givim hevi long yu.Select Deuteronomy 28:53

54Inap long man i no gat strong namel long yupela na em i malumalu man, ai bilong em bai i nogut long brata bilong em na long meri i stap long bros bilong em na long ol pikinini bilong em em i larim ol i stap yet.Select Deuteronomy 28:54

55Inap long em i no laik givim long wanpela bilong ol sampela mit bilong ol pikinini bilong em taim em i kaikai ol. As bilong dispela i olsem, em i no gat wanpela samting i stap yet long em long dispela taim bilong pasim ol na long dispela hatpela taim, na long dispela ol birua bilong yu bai givim hevi long yu insait long olgeta dua bilong banis bilong yu.Select Deuteronomy 28:55

56Meri i stap namel long yupela na em i no gat strong na em i malumalu meri inap long em i no laik putim aninit bilong fut bilong em long graun, long wanem em i no gat strong na em i malumalu tumas. Ai bilong dispela meri bai stap nogut long man bilong susu bilong em na long pikinini man bilong em na long pikinini meri bilong em,Select Deuteronomy 28:56

57Na long yangpela pikinini bilong em i kamaut long namel long tupela fut bilong em na long o pikinini em bai karim. Long wanem em bai kaikai ol, long wanem em i sot long olgeta samting long dispela taim bilong pasim na hatpela taim, na long dispela ol birua bilong yu bai givim hevi long yu insait long ol dua bilong banis bilong yu.Select Deuteronomy 28:57

58Sapos yu no laik holimpas long mekim olgeta tok bilong dispela lo i stap long rait long dispela buk, bai yu ken pret long dispela nem i gat glori na i kirapim pasin bilong pret, em BIKPELA GOD BILONG YU.Select Deuteronomy 28:58

59Long dispela taim BIKPELA bai mekim pasin bilong yu kisim bagarap i winim tingting na ol bagarap bilong ol pikinini bilong yu, ol i bikpela bagarap na ol i stap longpela taim na bikpela sik na dispela i stap longpela taim.Select Deuteronomy 28:59

60Na moa yet Em bai bringim olgeta sik bilong Isip long yu, yu bin pret long ol. Na ol bai pas long yu.Select Deuteronomy 28:60

61Na tu olgeta kain sik na olgeta kain bagarap i no stap long rait long buk bilong dispela lo, BIKPELA bai bringim ol long yu inap long yu stap bagarap.Select Deuteronomy 28:61

62Na bihain yupela bai stap liklik lain, tasol pastaim yupela i bin i stap olsem ol sta bilong heven long namba bilong hamas manmeri i stap, long wanem yu no laik bihainim nek bilong God BIKPELA bilong yu.Select Deuteronomy 28:62

63Na em bai kamap olsem, olsem BIKPELA i bin amamas tru long yupela long mekim gutpela samting long yupela na long mekim yupela i kamap planti manmeri, olsem tasol BIKPELA bai amamas tru long yupela long bagarapim yupela na long bringim yupela long i kamap samting nating. Na Em bai rausim yu long dispela hap graun yu go long kisim dispela.Select Deuteronomy 28:63

64Na BIKPELA bai tromoi yu nabaut namel long olgeta manmeri long wanpela arere bilong dispela graun inap long arapela arere. Na long dispela ples yu bai mekim wok long ol arapela god, yu na ol papa bilong yu i no bin save long ol, em ol god bilong diwai na ston.Select Deuteronomy 28:64

65Na namel long ol dispela kantri, yu no bai kisim bel isi na tu bai aninit bilong fut bilong yu i no kisim malolo. Tasol BIKPELA bai givim yu bel i guria na ol ai i hangre long lukim na hevi i stap long tingting.Select Deuteronomy 28:65

66Na long pes bilong yu, yu no klia bai yu stap laip o nogat na bai yu pret long de na nait. Na tu yu no save kisim bel isi long laip bilong yu.Select Deuteronomy 28:66

67Long moningtaim yu bai tok, Mi laikim God i mekim apinun tru i kamap nau! Na long apinun tru yu bai tok, Mi laikim God i mekim moningtaim i kamap nau! Na as em dispela pret bilong bel bilong yu na long dispela bai yu pret na long ol samting ol ai bilong yu i lukim taim yu lukim dispela.Select Deuteronomy 28:67

68Na BIKPELA bai bringim yu long Isip gen long ol sip long we mi tok long yu long em olsem yu no inap lukim dispela gen. Na long dispela ples ol bai salim yupela long ol birua bilong yupela bilong i stap slevman na slevmeri na no gat wanpela man bai baim yupela.Select Deuteronomy 28:68