3Deuteronomy 3

1¶ Long dispela taim yumi tanim yumi yet na go antap long rot i go long Basan. Na Ok, king bilong Basan, em i kam birua long yumi, em na olgeta manmeri bilong em, long pait long Edrei.Select Deuteronomy 3:1

2Na BIKPELA i tok long mi, No ken pret long em. Long wanem bai Mi putim em, na olgeta manmeri bilong em, na graun bilong em, i go long han bilong yu. Na yu mas mekim long em olsem yu bin mekim long Saihon, king bilong ol Amor, lain i bin i stap long Hesbon.Select Deuteronomy 3:2

3Olsem, God BIKPELA bilong yumi i putim Ok, dispela king bilong Basan, tu long ol han bilong yumi, na olgeta manmeri bilong em. Na yumi paitim em inap long i no gat wanpela bilong em i stap yet.Select Deuteronomy 3:3

4Na long dispela taim yumi kisim olgeta biktaun bilong em, na i no gat wanpela biktaun yumi no kisim bilong ol, em olgeta hap bilong Argop, long kingdom bilong Ok, long Basan.Select Deuteronomy 3:4

5Ol i bin pasim olgeta bilong ol dispela biktaun long ol banis i antap tru, na ol dua bilong banis na ol bikpela plang bilong pasim ol dua. Na tu i gat planti liklik taun i no gat banis.Select Deuteronomy 3:5

6Na yumi bin bagarapim ol olgeta, olsem yumi bin mekim long Saihon, king bilong Hesbon. Yumi bagarapim olgeta ol man, na ol meri, na ol pikinini bilong olgeta wan wan biktaun.Select Deuteronomy 3:6

7Tasol yumi kisim i kam long yumi yet bilong winim pait, olgeta bulmakau samting, na ol gutpela samting bilong ol biktaun.Select Deuteronomy 3:7

8Na long dispela taim yumi kisim long han bilong dispela tupela king bilong ol Amor, graun i stap long dispela sait long riva Jordan, long lusim wara riva bilong Arnon i go long maunten Hermon.Select Deuteronomy 3:8

9(Ol Saidon i kolim maunten Hermon Sirion. Na ol Amor i kolim dispela Senir.)Select Deuteronomy 3:9

10Na yumi kisim olgeta biktaun bilong ples stret na olgeta hap bilong Gileat, na olgeta hap bilong Basan i go long Salka na Edrei, ol i ol biktaun bilong kingdom bilong Ok long Basan.Select Deuteronomy 3:10

11Long wanem, Ok, king bilong Basan, em tasol i stap yet bilong liklik lain i stap yet bilong ol traipela man. Harim, bet bilong em i bet ain, na ating em i stap yet long Rabat bilong ol pikinini bilong Amon? Longpela bilong dispela bet em i foa meta na brait bilong em i 1.8 meta bilong bihainim mak bilong man.Select Deuteronomy 3:11

12¶ Na mi bin givim long lain bilong Ruben na lain bilong Gat dispela graun yumi kisim long dispela taim, em long Aroa i stap klostu long riva wara Arnon, na hap bilong maunten Gileat, na ol biktaun bilong em.Select Deuteronomy 3:12

13Na mi bin givim long hap lain bilong Manasa ol arapela hap bilong Gileat na olgeta hap bilong Basan, em kingdom bilong Ok, em olgeta hap bilong Argop wantaim olgeta hap bilong Basan. Ol i kolim dispela graun bilong ol traipela man.Select Deuteronomy 3:13

14Jair, pikinini man bilong Manasa, i kisim olgeta kantri bilong Argop i go inap long ol arere bilong Gesuri na Makati. Na em i kolim ol dispela hap graun Basan-havot-jair inap long dispela de, long bihainim nem bilong em yet.Select Deuteronomy 3:14

15Na mi givim Gileat i go long Makir.Select Deuteronomy 3:15

16Na mi givim long lain bilong Ruben na long lain bilong Gat, graun i lusim Gileat na i go long wara riva Arnon, em hap bilong ples daun, na arere i go inap long wara riva Jabok, na dispela em i arere bilong graun bilong ol pikinini bilong Amon.Select Deuteronomy 3:16

17Na tu mi givim ol ples stret na Jordan na arere bilong dispela long Kineret i go inap long solwara bilong ples stret, yes long solwara i gat planti sol. Dispela i stap aninit long Asdot-piska na long hap sankamap.Select Deuteronomy 3:17

18Na long dispela taim mi givim strongpela tok long yupela na tok, God BIKPELA bilong yupela i bin givim yupela dispela hap graun long holimpas dispela. Yupela olgeta inap long mekim woa i mas i go hapsait wantaim ol samting bilong pait long pes bilong ol brata bilong yupela, em ol pikinini bilong Isrel.Select Deuteronomy 3:18

19Tasol ol meri bilong yupela, na ol liklik lain bilong yupela na ol bulmakau samting bilong yupela, (long wanem Mi save olsem, yupela i gat planti bulmakau samting). Ol bai stap long ol biktaun Mi bin givim yupela,Select Deuteronomy 3:19

20Inap long BIKPELA i bin givim malolo long ol brata bilong yupela, na tu long yupela, na inap long ol tu i kisim dispela graun God BIKPELA bilong yupela i bin givim ol hapsait long wara Jordan. Na long dispela taim yupela olgeta wan wan man bai go gen long ol samting bilong em, Mi bin givim dispela long yupela.Select Deuteronomy 3:20

21¶ Na long dispela taim mi givim strongpela tok long Josua, na tok, Ol ai bilong yu i bin lukim olgeta samting God BIKPELA bilong yupela i bin mekim long dispela tupela king. BIKPELA bai mekim olsem long olgeta kingdom yu go long em.Select Deuteronomy 3:21

22Yupela no ken pret long ol. Long wanem God BIKPELA bilong yupela bai pait bilong helpim yupela.Select Deuteronomy 3:22

23Na long dispela taim mi mekim askim long BIKPELA, na tok,Select Deuteronomy 3:23

24O GOD BIKPELA, Yu bin stat long soim wokboi bilong Yu, bikpela bilong Yu na strongpela han bilong Yu. Long wanem, wanem God i stap long heven o long dispela graun, na em i ken mekim olsem ol wok bilong Yu na olsem strong bilong Yu?Select Deuteronomy 3:24

25Mi askim Yu, larim mi go hapsait na lukim dispela gutpela graun i stap hapsait long riva Jordan, na dispela gutpela maunten, na Lebanon.Select Deuteronomy 3:25

26Tasol BIKPELA i kros long mi na yupela i as bilong dispela, na Em i no laik harim mi. Na BIKPELA i tok long mi, Larim dispela i inapim yu. Yu no ken toktok moa long Mi long dispela samting.Select Deuteronomy 3:26

27Yu go antap na go long antap bilong maunten Pisga, na apim tupela ai bilong yu i go long hap san i go daun, na hap not na hap saut, na hap bilong sankamap, na lukim dispela long ol ai bilong yu. Long wanem bai yu no go hapsait long dispela riva Jordan.Select Deuteronomy 3:27

28Tasol givim strongpela tok save long Josua, na givim gutpela tok long kirapim em, na strongim em. Long wanem em bai go hapsait long pes bilong dispela manmeri, na em bai kirapim ol long kisim dispela graun, yu bai lukluk long em.Select Deuteronomy 3:28

29Olsem yumi bin i stap long ples daun hapsait long Bet-pior.Select Deuteronomy 3:29