24Exodus 24

1¶ Na Em i tok long Moses, kam antap i go long BIKPELA, yu, na Eron, na Nedap, na Abaihu, na seventi lapun hetman bilong Isrel, na yupela i mas lotu longwe liklik.Select Exodus 24:1

2Na Moses tasol i ken kam klostu long BIKPELA. Tasol ol i no ken kam klostu. Na tu ol manmeri i no ken i go antap wantaim em.Select Exodus 24:2

3Na Moses i kam na tokim ol manmeri long olgeta tok bilong BIKPELA na olgeta tokaut bilong kot. Na olgeta manmeri i bekim long wanpela nek, na tok, Mipela bai bihainim olgeta tok BIKPELA i bin tokaut long em.Select Exodus 24:3

4Na Moses i raitim olgeta tok bilong BIKPELA, na em i kirap long moningtaim tru na wokim wanpela alta arere long liklik maunten, na twelpela bikpela pos bilong makim twelpela lain bilong Isrel.Select Exodus 24:4

5Na em i salim ol yangpela man bilong ol pikinini bilong Isrel, ol i ofaim ol ofa i kuk olgeta, na mekim sakrifais i long ol bulmakau man long ol ofa bilong givim bel isi na ol i go long BIKPELA.Select Exodus 24:5

6Na Moses i kisim na hapim ol blut, na em i putim hap bilong dispela long ol sospen na hap bilong blut em i tromoi isi isi long alta.Select Exodus 24:6

7Na em i kisim buk bilong kontrak, na em i ritim dispela long ia bilong ol manmeri. Na ol i tok, Bai mipela i mekim na bihainim olgeta samting BIKPELA i tokaut long em.Select Exodus 24:7

8Na Moses i kisim blut na tromoi isi isi dispela long ol manmeri, na tok, Lukim blut bilong dispela kontrak i tokaut long olgeta bilong dispela tok, BIKPELA i bin mekim wantaim yupela.Select Exodus 24:8

9¶ Long dispela taim Moses, na Eron, na Nedap, na Abaihu, na seventi lapun hetman bilong Isrel i go antap.Select Exodus 24:9

10Na ol i lukim God bilong Isrel. Na aninit long tupela fut bilong Em hap i stap olsem em i wanpela hap i klia na long wanpela ston sapaia, na i olsem dispela em i bodi bilong heven long klia bilong em.Select Exodus 24:10

11Na Em i no putim han bilong Em long ol bikman bilong ol pikinini bilong Isrel. Na tu ol i lukim God, na ol i kaikai na dring.Select Exodus 24:11

12¶ Na BIKPELA i tok long Moses, kam antap long maunten na kam long Mi na stap long dispela hap. Na bai Mi givim yu tupela stretpela hap ston, na wanpela lo, na ol strongpela tok Mi bin raitim bai yu ken skulim ol.Select Exodus 24:12

13Na Moses i kirap wantaim wokman bilong em Josua. Na Moses i go antap long maunten bilong God.Select Exodus 24:13

14Na em i tok long ol lapun hetman, Yupela stap hia na wetim mipela, inap long mipela i kam gen long yupela. Na harim, Eron na Hur i stap wantaim yupela. Sapos wanpela man i gat wanpela samting bilong mekim, larim em i kam long tupela.Select Exodus 24:14

15Na Moses i go antap long maunten, na wanpela klaut i karamapim maunten.Select Exodus 24:15

16Na glori bilong BIKPELA i stap long maunten Sainai, na klaut i karamapim dispela sikispela de. Na long de namba seven Em i singaut long Moses long namel long dispela klaut.Select Exodus 24:16

17Na long ol ai bilong ol pikinini bilong Isrel, glori bilong BIKPELA i luk olsem wanpela paia i kukim ol samting na i stap antap long maunten.Select Exodus 24:17

18Na Moses i go insait long klaut, na em i go antap long maunten. Na Moses i stap long maunten foti de na foti nait.Select Exodus 24:18